[ALIGN=JUSTIFY]بسم الله الرحمن الرحيم[/ALIGN]
حبيت اقولكم لاتقعدون تمنون علينا حضرنا ومافزتوا ..ومدري وشو ..
ياما فازالهلال ومحد جاء
انشفتكم مره ثانيه في المعلب حشيت رجولكم حش
بعدين انتو شايفين انفسكم فوق العالم ليش صح انتو زعماء وفريق بطولات وجمهور مايعلم به الا الله
لكن الهلال مثل الاهلي ؟؟؟؟
يعني عمر وعزيز مثل الجاسم وصاحب !!! لا طبعا هناك فرق وفرق كبير جدن جدا
ماراح اقول المفرج لاني ادري من اول انه سباك
تراوري مثل كيم والا طلال !!!
بعدين وش فيه محمد العنزي محرول والا محرول يوم انه يقعد وعمر الغامدي (ياااااربيه والله من حومة التسبد) يلعب !!
وش بعد يااااااااااربي !!!!!!!!
ايه ..
الحين ياللي ماتستحون على وجيهكم تدورون بطوله ومدربكم ادديموس!! المشكله ان اسمه يدل انه شي وهو السباك اللي علم الصنعه للمفرج
بعدين اشغلونا اعضاء الشرف هذا زعلان وهذا مايبي يدفع وهذا يقول ليش ماتيشلون المدرب وهذا يقول ليش المنصور جالس وهذا يقول المصيبيح ماله قروش وهذا يقول الاحمد خساره ..كلا في راسه صوت ..
اقول عطوني الرئاسه وشوفوا ... ترا عندي تكتوكات شي !!
بس الله الله بدعم اعضاء الشرف
<---بدا بالشحاذه من الحين
خلونا ناخذهم وحده وحده :-
نبدء من اول شي
سمو الامير عبدالله بن مساعد على عيني وراسي ... بس مشكلته انه يدخل الشوط الاول لابس ثوب ابيض ..ويقعد يفكر طول الشوط ليش مالبس الفروه ؟! واذا جاء بين الشوطين هو في نيته يتناقش مع المدرب بس المشكله مافي وقت يالله يروح يجيب الفروه من السياره يبداء الشوط الثاني ، وطول الشوط الثاني مايدري وش يسوي بالفروه ثقيله الله يلوم اللي يلومه
..وبعد نهاية المباراة وده يناقش المدرب.. بس يروح يودي الفروه للسياره ..مايمديه يرجع الا باص الفريق قد مشى
ثاني شي
المدرب...يخسي ويعقب بس
ثالث شي
اعضاء الشرف
مشكلتهم انهم طول الوقت يدورون وين اللي شايل البشت !!
بس منيب مكمل فيه ناس ما اعرفهم يمكن مايلبسون بشوت ..ونظلمهم هع هع هع :p
وفيه منهم يشغلنا ويزعجنا وانا ادفع اكثر منه ...لا والمشكله انه يدخل بسيارته للنادي وانا اوقف برا !!
لا واذا جت المباراة راح للنادي يدور تذاكر منصه
ترا مشكلته ان الدرجه الثانيه مايدخلون بولاعات للملعب ..هذا اهم شي
والا هو وده يحضر معنا
طيب تعال معنا في الدرجه الثانيه ..ترا مافيها شي اذا قمت تنفض شماغك بعد المباراة من الفصفص
رابع ثنقز
الجمهور ...ياااااااااااهو يحب يمن علينا ..حضرنا المعلب ليش مافزتوا ...ليش تقولون لنا تعالوا وماتفوزون ... نبي المدرب الفلاني ..رجعوا الاحمد ..نبي رئيس مثل البلوي ..(يحلفون انكم لوكاش زلبتوا النادي واشتغلتوا في المساهمات
).. انا اتفق معكم ان المفرج سباك وعزيز (مرعوب) والمسعري الله يروف بحاله والمطيري يفكر جوا المعلب يكمل ليلي عشان مايقعد النادي كل شوي يقوله احنا جبنا لك استثناء ومدري وشو
وغيروا وغيروا ..بس عاد انتم لاتشغلونا كل شوي مسوين قلق ..مافي هالبلد الا هالولد ..احضروا مباريات فريق الشباب والناشئين ماشاء الله عليهم جيدين
وخامس شي
انا ..مدري وش ابي !
وسلامتكم
مع تحيات
سكين البلاستيك الهلالي