|
هذا وجهي إن خذنا بطوله ! عنوان إستفزازي كله تشاؤم - صح ؟ هذا هو شعوري الداخلي - وهذي هي قناعاتي بمستوى الفريق حالياً ! وعلى الجميع قبولها بصدر رحب - ومن وجد في نفسه القدره على تفنيدها فليفعل مشكوراً - بس بدون دف :) فلايزال الفريق يقدم مستويات متواضعة ! نتيجتها الفوز بصعوبة ! طبعاً ممكن أن يتحقق لك بعض من أمانيك بهذا المستوى وتتمكن من الوصول لمراحل الحسم كما هو حاصل الآن - ولكن الفوز بالكؤوس والألقاب يتطلب هلال غير هذا الذي نشاهده الآن مع إحترامي. كل ما أريده الآن - أن تتمعنوا جيداً في أسماء الأندية المنافسة للهلال عربياً في المرحلة التالية - وكونوا صادقين مع أنفسكم ولو لمرّة واحده - هل يستطيع الهلال مقارعة تلك الفرق بهذا الاسلوب ؟ آسيوياً - تعثر مبكر غير مبرر أمام فريق متواضع وفي الرياض !! الكأس - بعد الخروج من أزمة القادسية يبقى منعطفين كلاهما صعب ! إما مواجهة الشباب الحيوي والمتجدد دوماً أو الأهلي المرتاح والطامح لإرضاء جمهوره ولو ببطولة لهذا العام - والآخر هو بالتأكيد إتحادي- مالم تكن هناك مفاجأة تحكيمية نصراوية لإرضاء سموه - ولا اظن أنكم بحاجة لمعرفة المزيد عن صعوبة وضعها اي كان الفريق المتأهل ! الدوري - هل ضمن الهلال اساساً التأهل للمربع ؟ وكم سيكون ترتيبه ؟ وهل هو قادر على أن يتغلب على ضغط المباريات من جراء كثرة مشاركاته وتشتت ذهنه مع مدربه الحالي ؟ نقاط عالطاير : - عبدالله الجمعان لن يتغير ولن يستفيد من كثرة الفرص المتاحة له وسيعاود بهذلة جمهوره مجدداً ! - آديموس راحل لا محالة من الهلال - ولكن مهوب على كيفه ! ننتظر منه ضياع كل بطولات هذا العام :(! - لابد من نسيان نواف التمياط نهائياً والتفكير في البديل ! للحديث بقية - فمباراة الهلال والقادسية على وشك ان تبدأ - بالتوفيق للازرق :( |
أوف ليه كل هالتشاؤم فال الله ولا فالك انشاء الله الزعيم يحقق كل البطولات |
هلا اخوي هلالي اول... اقول كيف الحال؟؟؟ عساك بس شفت مباراة منتخب الاتحاد مع الاتفاق الناقص... وانشاءالله يكون المستوى اعجبك..؟؟ اخوي دع عنك التشائم... وجميعاً يعرف ان الهلال اذا اقتربت ساعة الحسم زمجر وقدم من خلف الجميع ليمارس هوايته وياخذ مايقتتل عليه الجميع من البداية.. تحياتي وياليت التوقعات اللي تهدم اكثر مما تبني يحتفظ فيها الواحد لنفسه الى نهاية الدوري.. ماجد//الرياض |
اقووووول حنا و لا الهلال بحاجه لناس مثلك اقول انت اشكالك تضبط مع مشجعين الحالمي ... اذا لم نكن راضين على المدرب ولا الاداء يجب ان جميعنا مع الازرق الى نكون في افضل حالاتنا |
[ALIGN=CENTER](( وعلى الجميع قبولها بصدر رحب )).. مهو بس الموضوع حتى كلامك استفزازي.. (( كل ما أريده الآن - أن تتمعنوا جيداً في أسماء الأندية المنافسة للهلال عربياً في المرحلة التالية - وكونوا صادقين مع أنفسكم ولو لمرّة واحده - هل يستطيع الهلال مقارعة تلك الفرق بهذا الاسلوب؟؟)).. صدقني لو اللعيبة داخلين يبون الفوز وربي يفوزون حتى لو كان الحارس لاعب مهاجم..والحارس هجوم.. (( الكأس - بعد الخروج من أزمة القادسية يبقى منعطفين كلاهما صعب ! إما مواجهة الشباب الحيوي والمتجدد دوماً أو الأهلي المرتاح والطامح لإرضاء جمهوره ولو ببطولة لهذا العام - والآخر هو بالتأكيد إتحادي- مالم تكن هناك مفاجأة تحكيمية نصراوية لإرضاء سموه - ولا اظن أنكم بحاجة لمعرفة المزيد عن صعوبة وضعها اي كان الفريق المتأهل)).. الشباب حيوي ومتجدد كلام حلو.. بس الاهلي المرتاح؟؟!! ابيك بس تشرح لي ليه الاهلي مرتاح... وعنده مشاكل ادارية لاعبين يلعبون باقل من ربع مستواهم وخساير بالكوم.. الاتحاد.. صراحة احس انكم ماخذين فية مقلب هالفريق.. انت شفت مبارة اليوم مع الاتفاق؟؟!! والله لو ان هالركنية اللي مدري من وين اختلقها الحكم كان الفوز للاتفاق.. يعني عشانه متصدر وماخسر ولا مبارة يعني انه فريق قوي؟؟!! كل فرق الدوري لك عليها.. الاهلي عقدتة الهلال والاتحاد.. النصر اللهي خلف بس.. الاتفاق والشباب يوم حليون وعشرة رايحيين فيها.. والهلال لي الحين مهو الهلال الل نعرفه.. يعني الدعوة انو افضل السيئين.. طبعا انا ما افند انو الهلال واالاهلي والشباب والاتفاق سيئين ولكن اقول الظروف ساعدت الاتحاد واهو استغلها ولا تنسى ملايين البلوي.. (( آسيوياً - تعثر مبكر غير مبرر أمام فريق متواضع وفي الرياض !!)).. تعثر مبارة واحدة يعني انو البطولة راحت؟؟!! (( الدوري - هل ضمن الهلال اساساً التأهل للمربع ؟ وكم سيكون ترتيبه ؟ وهل هو قادر على أن يتغلب على ضغط المباريات من جراء كثرة مشاركاته وتشتت ذهنه مع مدربه الحالي)).. يا اخي انت تقول المشاكل وتخلق مشاكل وماتقول رايك.. اجل وشو له كاتب الموضوع اصلا.. بتقول لي عشان اثبت لكم انو الزعيم خاسر كل البطولات.. راح اقولك ماعندك سالفة:D (( عبدالله الجمعان لن يتغير ولن يستفيد من كثرة الفرص المتاحة له وسيعاود بهذلة جمهوره مجدداً !)).. ادعي له بالهداية..:) اهو وبعض جماهير الازرق;) (( آديموس راحل لا محالة من الهلال - ولكن مهوب على كيفه ! ننتظر منه ضياع كل بطولات هذا العام)).. يارب مايصير كلامك صحيح:D;) (( لابد من نسيان نواف التمياط نهائياً والتفكير في البديل)).. يا اخي كله كوم وهالجملة كوم.. مهو هلالي اللي ينسى ابو بندر.. نسيان نواف= قمة النذالة بالعالم.. مستحيل ننسى من اهدانا بطولات واهداف..ماراح ننسى من امتعنا بلعبه يا اخي تبي تنساه انساه بس لا تفرض علينا هالشي احس انك فاهم التشجيع غلط..:sleep::sleep:[/ALIGN] |
لاحول ولاقوة الابالله كل هذا تشاؤم الهلاليين عنوانهم الدائم التفاؤل لاتحكم على الماضي الاتحاداليوم يالله تاهل عن طريق الاتفاق المربع الذهبي مضمون انشاء الله عنوان استفزازي واكيد تقصد ان النصر فاز باربعة على الطائي وهذا اللي رفع معنوياتك وعنوانك مردود لك وبس |
ياجماعة الخيررر شوي شوي على الرجال هذا مهما كان يعتبر نفسه هلالي ونحن كهلاليين تعودناا لغة الحووار بيننا مهما اختلفت الاراء ولا وش فرقنا عن لغة الديكتاتورية التى ينتهجهاا نادي النصر وعلىراسهم الرمز!!! الرجال طرح مخااوفه من الوضع الحالي للنادى كلناا نعرف ان الهلال الان ليس كهلال قبل سنتين والذي يغالط يعتبر مكابر بغض النظر عن احوال الفرق الاخرى ولكننا كهلاليين نرى انفسنا فى القمة كما تعودناا ولانرضى بأقل من القمة وهذه هى حال الفرق الكبيرة دائمااا طمااعة لحصد الألقااب! مشكوور اخي العزيز على طرحك لهذا الموضوع ولكن بإذن الله ان الهلال سوف يبيض الوجه وكذلك لك الشكر والتقدير اخى العزيز صااحب الرد القاسي على تحمسك الظااهر فى ردك ولكن لكل شخص (وانا اخوك وجهة نظر قابله للرد او للقبول)0 وبالتوفيق للازرق غداااااا فى تخطي نادى القادسية ليواصل مشووواره نحو الكأس الغالية (يوووسف الثنيان)p سلمولي على اللي سم حالى فررراقه وتقبلوو خالص تحياتى |
تـفـائـلــوا بالخير تجـدوه يا أخــي !!! بس الي يقـرا يــوزرك ... يعـذرك :D |
مشكلة الهلال في طريقة وتشكيلة المدرب الغبي ادي دي موس والتي ان تتغير في الوقت المناسب وان شاء الله يحقق الفريق بعض بطولات الموسم الحالي |
ياجماعه هذا ضيق صدري:cry: تفألو بالخير تجدوه |
قبل البدء - أود أن أعتذر عن خطأي الجسيم - فقد ذكرت في آخر سطر بأن موعد مباراة الهلال والقادسية هو اليوم كماهو مقرر لها سلفاً وكما هو مخزّن بعقلي الباطن ! لكن للأسف لم ينبهني أي منكم بوجود تأخير مقصود لمرحلة هذا الدور من الكأس بسبب قبول اللجنة المختصّة لإقتراح أحد الأندية نظراً لوجود لاعب كسره يشارك في المنتخب الأولمبي :) ماعلينا .. من وين آكلك يا بطّة ؟ مطزاز ... تأكد بإن محاكيك أضيق منك صدراً في حال فقد الهلال مجرد بطولة دبق ومصاقيل ! zaidan .. لن تتحقق بطولة مالم تركّز إدراة هلالنا الموقر ومدربها القدير على بطولتين من أصل الأربع بطولات والتي يشارك بها الفريق - وهذا ما لم يتحقق حتى تاريخه للأسف !! اقول لك سر بس ما تعلم آديموس !؟ صدقني الفريق اللي شارك بكأس الإتحاد قادر يحقق وحده من البطولات!! أرجوك تراني أمنتك بسرّي ولا تفضحني :( yazeed_9 .. أشكر لك حسن نيتك وظنّك بيوزري - غيرك ممكن يقول مندس :) لكن يكفي بأن أعلن لك ولغيرك بأن الهدف الثالث وهو هدف التعادل لبشير الغول - الله يرحمه - في مرمى النصر والذي أثير حوله زوبعة - أشبه بخنبقة نصراوية مؤخراً - كنت أستلذ به وأنا استمع له من شريط كاسيت :( تخيلت :( ولا أعيد لك من الأول كما هو هلال أول ؟ الرحال الأزرق .. كلك ذوق حبيب قلبي - دمت نقياً كما هو اللون الأزرق :) حكيم بنو هلال .. يا أستاذ حكيم ! هذا الموضوع كُتب قبل الإعلان عن فوز نادي النثر الثعودي :) ارتحت الحين :)؟ redheart.. ياخي ردّك ضحكني بقوه بس صدقني كان بدون قهقهه :) شكل الأخ قاعد في مدرّج شمالي ويهاوش ماوراء الجنود من الجهة الجنوبية !! اركد الله يصلحك ! سين سؤال : كم مشاركه ينتظرها النادي الأهلي لهذا العام مقارنة بالهلال ؟ Z3eeM_Dc .. أحلى يالقوي :) أقول ورى ما تروح تشوف لك هجمه مرتده توسع صدرك معها بس !! مع إني أشك إنك تجيبها قول مع إنك لحالك والحارس رايح يتقضى من عتيقه :) عاشق زعيم نصف الارض .. أو بالأحرى أخ ماجد :) أنا غير الناس وش اسوي ؟:( إذا قضى الدوري وموسم الحصاد سحبت على ناديك السيفون ورحت أصيّف في " باغيس" مثلي مثل بقية أعضاء شرفك :) لا تلومني ارجوك ! أبو نواف 85 .. تفاؤلك يعجبني .. وأتمنى مناله .. لكن مافي العين واليد من يملاها ؟!:( |
إقتباس:
ياخــوي مقصـدي من كــلامــي انــك تحـب هلال أول وهــلال اول يختلف عن هـلال الحين .. بالعربي مافيه شي يستمر زي ماهـو :) بس اشـوفــك اخـذت الدعـوه بالشكــل هـذا .. والـي عـلى راسـه جـحـه ... يـحـس فيها :smilewink ســلام عليكــم |
[ALIGN=CENTER](( ياخي ردّك ضحكني بقوه بس صدقني كان بدون قهقهه )).. ليه ضحكك؟؟!! يا اخي ضحكنا معك:D ((شكل الأخ قاعد في مدرّج شمالي ويهاوش ماوراء الجنود من الجهة الجنوبية !!)) والله ذكرتني بكتابات شكسبير ياكثر فلسفتك بس:D ((اركد الله يصلحك)).. راكدة قبل ما اشوفك يالطيب;) ((كم مشاركه ينتظرها النادي الأهلي لهذا العام مقارنة بالهلال )).. مو قلت لك.. انت فاهم التشجيع غلط.. ملحوظة.. كلامك منمق لكنه خالي من المعاني.. يعني مجرد كلمات جنب بعض.. سلام:razz: وعلى فكرة انا بنت..[/ALIGN] |
:upset:تلفون تلفون وتغيرون اسامي الموضوع ونقاط الطرح وتلفون على انكم تحطون العيب بالمدرب المدرب باقي وباذن الله بيحقق لنا اكثر من بطوله ونشووف من يضحك بالاخير والله يوفقك ياعبدالله بن مساعد وياديموس ويالهلال يعني شي غريب والله فريق يلعب اربع بطولات وكل بطوله اصعب من الثانيه وفي الاسبوع اكثر من مباراه وفي اكثر من مدينه وسفر ياخي ترا الاعبين بشر مو الاات حتى الاات تتعب وفووق هذا كله يفووز اكثر مبارياته وينافس على كل البطولات وماهو عاجبكم وش تبون اكثر من كذا احمدو ربكم وش نبي بمستوى دام ان فريقنا يفوز وش ابي بمستوى اذا الفوز راح لغيرنا وبعدين حتى الاتحاد ماعنده مستوى شوف مبارايته وتعرف نااس ترفع ضضضغطططططططططط |
أوف ليه كل هالتشاؤم فال الله ولا فالك انشاء الله الزعيم يحقق كل البطولات |
| الوقت المعتمد في المنتدى بتوقيت جرينتش +3.
الوقت الان » 08:00 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd