سامي... ما علاقته بالبطيخ؟؟ - نادي الهلال السعودي - شبكة الزعيم

news · #1 01/03/2004, 10:38 PM

يقولون اصحاب التجربة وخبراء الجح(البطيخ) بأن أجود انواعه تتوززع ما بين: ساجر(قرب الرياض العاصمة) أو وادي الدوسر(جنوب العاصمة الرياض) من حيث الطعم والحجم..,,,, @@@وهناك قول (ماهو بهدف

) مأثور في مصر ويردده الأخوة المصريون عندما يريد احدهم بث الطمانينة في نفس الاخر وهو:
حط في بطنك بطيخه صيفي

وما دفعني لكتابة هذا الموضوع سببين:
أولهما : انني لاحظت ولاحظ المتابعون بأن هناك عزوف جماهيري عن مدرجات الهلال على غير العادة وأخص بالذكر الاخوان في الرياض

, ومهما كانت المبررات والأسباب ومنها على سبيل المثال,, غياب أو تغييب بعض النجوم عن الكثير من مباريات الموسم أو برودة الجو أو كثرة الاستراحات والمقاهي أو أن الجح غالي

الا انها ليست كافية لتقنع اي هلالي غيور يدعم فريقه الذي لطالما رفع رؤوسنا وجعل رقاب الاخرين(زي السمسمه) وبعدين الجح ما يكلفك 15 ريال يعني يجب ان نقف بجانب الأزرق في السراء والضراء والبطولات راح تجي وسامي ورفاقه يعرفون من أين تؤكل الكتف وكيف تقبل!!
ثانيهما: وهو انه منذ عدة مواسم قال الثمامي عبارته المشهورة واللتي انقلبت عليه فصارت على كل لسان وتلوكها الألسن ( كما تلوك علك ابو سهم)

(( اذهبو للثمامة يا جماهير الهلال فالنثر للنثر)) وطبعا وكالعادة فاز الزعيم فأنا ومن هذا المنبر(تكفى يا غازي القصيبي) ;)اناشد جماهير الهلال التي غير مطمئنه وواثقه من فوز الأزرق بالذهاب قبل كل مباراة وخصوصا تلك اللي يشارك فيها سامي لشرء جحة جلبها الى المدرجات والأطمئنان ,, فالهلال سيسطع في وقته والدور عليكم تكفون..............
همسه في اذان جماهيرنا الغالية في الشرقية ::: لقد ان الاوان لتقولوا لجماهير الرياض كفاكم فنحن وقود الزعيم وذا ما هو عاجبكم بننقله عندنا ونحضر جميع المباريات واصلا يوم جا عندنا الرئيس كان يدور على مكان مناسب للنادي. بس ما نبي نعلمكم

اسف على الاطالة.......... وأتمنى وصول الرسالة

عاشق زعيم نصف الارض · #2 01/03/2004, 11:07 PM

[ALIGN=CENTER]هلا والله اخوي news... على فكرة وقبل ندخل في صلب الموضوع <<<ابوك يالثقافه
لايت نيوز اللي يجي بالقناة الثانيه يقرب لك ولا تشابه اسماء بس... لني كم مره اشوفه ويعطي ملامح منك...

وبالنسبه لموضوعك... ياخي تصدق مادريت ان السمسم يشبه الجح الا بعد كلامك... ويوم رحت اشوف واتأكد واثرهم يشبهون بعض الخالق الناطق<<<يقرا الموضوع عكس...

وفعلاً ياخي مافيها شي انك تشتري لك ددسن موديل 82 وتبدا تجلب جح من ساجر... وتبيع بسوق الخضرة .... الشغل الحلال ماهو عيب<<<اقول قم ونم ازين لك ولهم...
وتراهم يمدحون التجارة بجوز الهند خاصة اذا عندك سواق هندي يجيب لك من هناك.. وهذا تراه اقتراح بس طبعاً الجح اضمن واربح ...

ونسيت اقولك ترا عندي ارض بالهاف مون جنب .. وتراها ابد مابينها وبين كورنيش الدمام الا شارع .... وابد خل وجهك قبله ... ولاتوقف لين يصدمك مريديان الخليج ولاتوقف الا بالبهو حقه ... قل للرئيس تراي ناوي ابيعها ان كان له شف فيها يكلمني ويبشر بالخير ..<<< ياكثرك بس...

اخوي عاد نجي الحين للكلام الجد<<<ياخي من مبطي جب الجد...
فعلاً الهلال يريحك ... بس نبي جمهور مافيه بعده... نبي المدرجات فل ... تكفون ياجماهير الهلال نبي فزعتكم مع الزعيم... فريق اضحككم وافرحكم ... وحقق لكم الامجاد... وجمع المجد من اطرافه ووضعه في احضانكم... يستحق وقفتكم ودعمكم ...

كل التحيه لك اخي الغالي news

ماجد//الرياض[/ALIGN]

news · #3 01/03/2004, 11:27 PM

يلخي نشفت ريقي الله يهديك....

قريت تعليقك قلت بسسسسسسسس...ز انا أتهازأ يا رقاله

,,,,, ياخي لا تلومني الجمهير ما تحضر وكل واحد فيهم مسوي فيها زاجالو,,,, لو كان هناك فريق بدون اخطاء فنيه كان الأهلي اليمني هو بطل كأس العلم للأنديه ,,,,,,

الحضور.....الحضور ......... الحضور

وبعدين لا تفكر اني من الشرقية انا اصلا برا المملكة ويوم كنت في الرياض كنت احضر اغلب مباريات بس في المنصة طبعا

هلالي.واشربوا.البحر · #4 01/03/2004, 11:30 PM

بدون تكفون ولا يحزنون جماهير الشرقيه دايم يبيضون الوجه عساهم علي القوه