|
( الهلال x الزوراء ) دردشه ع السريع ... [ALIGN=CENTER]السلام عليكم ورحمة الله وبركاته قبل أي شئ مبروك السته :D انتصارات الاخيره في الطائره والسله وقدم الناشئين والشباب ذكروني وش بعد ودي اوصلها للـــ6 :D المهم اليوم شفنا مباراة الزعيم مع الزوراء وبصراحه المستوى أقل من المطلوب ولاهو المستوى المأمول وعذر غياب اللآعبين ابداُ غير مقبول ببدأ بتقييم اللآعبين : الماس 6/10 احمد خليل 9/10 سليمان 6/10 مجرشي 3/10 المطيري 4/10 الشايع 7/10 الدوسري 7/10 المسعري 5/10 العنزي 2/10 سامي 8/10 الشيحان 7/10 @ المدرب اليوم كانت خطته 4/5/1 واللي يقول غير كذا غلطان ورغم اننا نلعب على ارضنا وقدام فريق عادي ما زلنا نلعب دفاع . @ الماس لايمكن في أي يوم من الايام ان يكون خليفة حارس القرن . @ الشيحان مظلوم كان وحيد في الهجوم + مافي اي كوره وصلته صحيحه !! @ سامي بالرغم اننا نطمح منه المزيد الا انه كان خطير وتمريراته كانت متقنه . @ المسعري ركض في الملعب على غير سنع :sleep: @ المطيري اساسي طيب ليه ما يلعب الجري .... ابي سبب مقنع !!! على فكره ذكروني بهجمه المطيري وصل فيها نص ملعب الزوراء :confused: @ احمد خليل اثبت انه نجم بمعنى الكلمه ووجوده ضروري مع الشريده مستقبلاً . @ عبدالله سليمان ( لا تعليق ) @ العلي بعد ما دخل استلم مكان سامي كصانع لعب ... سبحان الله :confused: @ مجرشي والعنزي ... امانه عليكم هل يستحقون لبس الشعار الازرق !!! متأكد حتى نادي نجد ما يسجلهم عنده :( صدق اذا قالوا الدنيا حظوظ . يالله اللي عنده تعليق او اضافه الله لايهينه يكتبها هنا وبس :) تحياتي ,,[/ALIGN] |
رد: ( الهلال x الزوراء ) دردشه ع السريع ... إقتباس:
أهم شئ عزيزي أحمد خليل عنه الكثير بس يجد ويجتهد وينتظم ,, تحياتي لك ,, |
هلا وغلا ... موضوع شيق ورائع وتستحق الشكر عليه ... لكن الله يصلحك انت تقول ان المعسري ركض على غير سنع ... وفي النقاط أعطيته خمسا كيف هاذا ..! الم يكن يستاهل نقطتين فقط ..! الخطه ماهي بشينه لكن ها اللاعبين ها الكومبارس من طقة مجرشي والمسعري و العنزي والمفرج وسليمان ..! تحياتي لك وللجميع . |
المدرب ماحب يجازف هذا غير الاعبين لم يلعبون مع بعضهم افقدهم التجانس ... المسعري متر الملعب و كنه يقول ترى اللياقه ميه ميه ... مثل ما توقعة المستوى عادي جدا اقل من عادي ..الشايع كان جيد .. الماس خلاني على اعصابي |
يالله حيهم ... المسعري هالخمسه اللي عطيته بس عشان مراكضه في الملعب :) |
| الوقت المعتمد في المنتدى بتوقيت جرينتش +3.
الوقت الان » 11:44 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd