21/02/2004, 01:54 AM
|
| زعيــم نشيــط | | تاريخ التسجيل: 22/02/2001 المكان: القصب
مشاركات: 555
| |
سته x سته
[ALIGN=CENTER]الســــــــــــلام عليكم
مسيكم بالخير يا شباب
انشاء تكونون مبسوطين و منشكحين <<<< أكثر من هيك إنشكاح ما أعتقد فيه 
أكيد ما دخلتوا الموضوع إلا عشان تنبسطون <<<<< يا حبكم للشماته و العياره
عمومآ ما و الله أردكم خايبين و أبشروا بسعدكم <<<< قصدي ( ستتهم )
إرعص هنيــــــا .... هوبااااااا .....واحـــــــــــــد
هذا يقولك فيه واحد عيار عازم صديقه نصراوي <<<< هذا وش مطلعه من بيتهم (( جليل الحيا ))
المهم وقفوا عند راعي شاورما و قال العيار :
بالله ( سته ) شاورما , و ( سته ) عصير , و ( سته ) مناديل
قال النصراوي :
وشو له كل هذا ؟؟ ترا كثير مره ؟؟ <<<< قايل لك يالحبيب وش مطلعك من بيتكم
قال العيار ( بخبث )  :
عشان تاخذها و توزعها على أصدقاك الي متلطمين ببيوتهم
قال النصرواي :
طيب وشو له المناديل ؟؟؟
قال العيار :
عشان تمشون دموعكم
إرعص هنيـــــــــا ... هوباااااا ..... إثنين
هذا يقولك فيه طالب نصرواي من جنب القده في الرياضيات <<<<< يقولون حتى الرياضه
دخل عليهم مدرس الرياضيات ذاك اليوم
و قال لهم اليوم بناخذ جدول ضرب( السته )
و ابيكم بكره تكونون محضرين
من بكره جوا الشباب ما حضروا شئ
الا اخينا بالله النصراوي الي من جنب القده
صاير زي البلبل و صام جدول ضرب ( السته ) <<<< ما خذ دروس خصوصيه عند مجرشي
إستغرب مدرس الرياضيات !!!
و قال :
وش الطاري يابو الشباب ؟؟؟
قال الطالب :
أصلآ انا أحب رقم ( السته ) من يوم اني صغير <<<< يا زين التميلح
قال المدرس :
الله يوفقك يا ابني , و تفضل استريح يابو ( سته )
إرعص هنيـــــــــــا .... هوباااااااا .... ثلاثه
هذا يقولك واحد عيار <<<<< ثاني غير الي فوق
إتصل على صديقه النصراوي بيتواعد هو و اياه من زمان ما شافه
المهم قال النصرواي :
متى تبينا نتلاقى ؟؟
قال العيار :
الساعه ( سته )
قال النصراوي :
لا يا شيخ ما اقدر عندي شغل , خلها الساعه اربعه
قال العيار :
طيب اوكي نتقابل الساعه ( سته ) الا ساعتين
إرعص هنيــــــــــا ..... هوبااااااااا ..... اربعه
هذا يقولك واحد منسم
راح لبقالة صديقه النصراوي و سلم عليه و قال :
عندك صرف ميه ؟؟
قال النصراوي :
أبشر تبيها تبيها خمسينات او عشرات او عشرينات , امر تدلل ؟؟؟
قال المنسم :
لا ابيها ( ستاااااااات ) <<<<<<< انواااااااااع التعقيد
إرعص هنيــــــــا .... هوباااااااا .... خمسه
هذا يقولك واحد نصراوي يبي يطلع جواز سفر
راح للمصور و قاله ابغى صوره سته X اربعه لو سمحت
قال له المصور بكل لعانه :
ترا عندنا صور جديده (( سته X سته )) راكبه عليك بالمره
صدق النصراوي و قال : اوكي ;)
يوم راح للجوازات قال له موظف الجوازات :
وش ذا يالحبيب ؟؟ جايب لي صور (( سته X سته ))
قال النصراوي :
وش فيها ؟؟؟ بالله مو شكلي حلو بالصوره ؟؟
قال الموظف :
أقول لا يكثر و راجعنا بكره يابو (( سته ))
إرعص هنيــــــــــا .... هوباااااااا .... سته
هذا يقولك في ( قطو ) قاعد يسولف هو و صديقه على تندة سياره
قال : تصدق ان حنا بنعمه ؟؟
رد صديقه و هو حاط رجل على رجل : اي و الله , بس وشلون ؟
قال : الحين انت و خشتك أكل شارب نايم ببلاش , مهوب هذي نعمه ؟؟
رد صديقه و هو منبطح على بطنه : اي و الله , بس وشلون ؟
قال : الحين اذا مت حر وش تسوي ؟؟
رد صديقه و هو يحك راسه يفكر : اي و الله , بس وشلون ؟
قال : مهوب تنقي لك اطلق سياره و تتسدح عليها عشان تبرد على قليبك ؟؟
رد صديقه و هو متعلق على الكفر لأنه جاء على وجهه : اي و الله , بس وشلون ؟؟
قال : احمد ربك فيه غيرك ناس ما يقدرون يبردون على حرتهم
رد صديقه و هو متعلق ذيله بأنتل السياره : اي و الله , بس وشلون ؟؟
قال : سمعت اخر خبر ؟؟
رد صديقه و هو مبقق عيونه : اي و الله , بس وشلون ؟؟ قصدي وش صار ؟؟
قال : دريت النصر أكلها سته محكحكه من الشباب
رد صديقه و هو يبوس كبوت السياره : اشوى اني قطو و عندي كبوت سياره يبرد علي قلبي , اجل تقولي سته <<<<<< حتى القطاوه مبسوطين عليهم
[ALIGN=CENTER][TABLE=width:70%;background-color:transparent;background-image:url(backgrounds/9.gif);border:6 double green;][CELL=filter:;][ALIGN=center]مع كل الإعتذار لأخواننا النصراويين
لكن هذا مجرد دعابة الأخ لأخيه
لأنه بصراحه سته تعدي بدون تريقه
ما يكون لها ( طعمن ) بالمره
[/ALIGN][/CELL][/TABLE][/ALIGN]
@@ اللهم لا شماته @@
- عاد انظبطوا يا شباب
ضحكتوا و وسعتوا صدوركم بس لا تنسون ان الشماته شينه و تقلب على راعيها ;)
- ننتظر بفارغ الصبر طلة (( صانع الفرح )) غدآ امام الزوراء
- فوز الهلال مستمر ( و لله الحمد و المنه ) و هزائم النصر مستمره ( اللهم لا شماته ) , هنا يكمن الفرق , و هنا تكمن سر الزعامه ;)
- اسبوعين حافلين و مثيرين تنتظر الهلال بداية بمباراة الغد مرورآ بالشارقه و انتهاءً بالنهضه , نسأل الله ان تتواصل الإنتصارات و الزحف نحو البطولات .
- أديموس لم يتغير , لكن اللاعبين أحسوا بالمسئولية , فتغير الزعيم ;)
- كل عام و انتم بخير <<<<<<< وش رايك يا كايدهم
تحياتي[/ALIGN]
اخر تعديل كان بواسطة » Hilali From Canada في يوم » 21/02/2004 عند الساعة » 02:58 AM |
الوضع الشجري
