المذيع والله ماله ذنب ذنبه أنه يشيل المايك
السالفه مالكم من طولها وقصرها يوم هم المذيع بالخروج واجرأ كالعاده مزيد من اللقاءات بالفريق المنتصر دعاه احد زبانية الرمز وقال الرمز يقول لازم يجي .
جا المسيكين قال له الرمز ابصرح قال أ بشر وسم طال عمرك
فتح الرمز اثموه
والمذيع مشدوها فتح اثموه
وانطلق رذاذ من بلاعيم الرمز باتجاه المذيع المسيكين اللي لو اني محله تسان طلبت بدل أخطار لعاب ولا وضعت واقي على وجهي . وش يضمن لي ان لعاب الرمز خالي من الجراثيم
المهم انذهل المذيع وهو يرى الرذاذ ينتشر بشكل مكثف تجاهه في حالتن غير مسبوقه
نسي المسيكين وش يبي يقول الرمز ووش قال لكن اعتقد انه يسأل نفسه ياترى كيف ينطلق هالرذاذ
ومن حقه يسأل نفسه هل الرمز مركب رشاش (موب رشاش سلاح ) لا رشاش موية مويه ببلعومه من هاذيك حقت الثيل اللي تدور يمكن;)
المهم المصيبه ان المذيع يحلف ويطلدز للي يعرفهم يقول اني شايفن ثورين يتناطحون ببلعوم ابو حنيتس
والشي المذهل ان لسان ابو حنيتس مر يرتفع فوق وينزل تحت تسنه بستم لوري تخر زيوت
<<< شكله ميكانيكي لواري
ومرن يتمدد يمين ومرن يتمدد يسار ومرن يطلع لأودام (لقدام ) ومرن يجحر تسنه ضب يقول ادوره مدري وين راح
كل هذا كلام المذيع الله يقطع بليسه
زبدة الهرج هذي عوايد ابو حنيتس دم ظروسه ان الهلال يجيه حقه وينصف ودم ظروسه ان الهلال يفوز ومعجب ماقصر اليوم أحمد مناور طايحن ضرب في احمد الدوخي من اول المباراة لين انتهت ويوم الدوخي دفه عنه عطى الاثنين كرت
ابو حنيتس مهوب مخلنن الهلال وكل كوارث الدنيا في نظره سببها الهلال وياما بتسمعون المهم هلالنا بحول الله بيفوز ببطولتين ولا اكثر وابو حنيتس عوايده يرتفع ضغطه والحمد لله الدولة ماقصرت مكثرتن المستشفيات للي مثله
بس والله ياظنتي معه ماينفع لامستشفيات ولاغيره الله العالم ان علاجه عرادزي على دميجته ويمكن بعد ماتصيب وسلامتكم وكل رذاذ من الرمذ وانتم بخير
وهلالنا عالي بعيد المنالي برئيسنا المثالي
وسلامتكم