|
أحتاج إلى 5 أعضاء لنكون رابطو الجمهور الهلالي بالرياض بسم الله رحمن الرحيم السلام عليكم ورحمت الله وبركاته أولا كل عام وانتو بخير وأنا غبت عنكم حوالي 4 أشهر أو اكثر الزبدة كل مباراة بالرياض (تملل) 1لأن الجماهير تملل إذا جات تبغى تشجع تقول [COLOR=blue]((إطلع بره يالمدرب))[/COLOR] 2 أنا من أهل الشرقية وأبغى أكون رابطة الجمهور الهلالي بالرياض ويا رب أنجح 3وأبغى 5أعضاء من الرياض 4يطقون طيرا ن1 يشجع 4والي يطقون طياران يكونون يعرفون والي معاه (المجرفون) يكون حافظ أغني حق التشجيع فهل من متبرعون يالله شدو الهمة نبغى انكون الرابطة بسرعة وانكون أحسن رابطو بالمملكة تحياتي |
آسف مو أغني أغاني |
ياليت والله لو بيدي بس بفكر بالموضوع وراجع لك على العموووم الرابطه ليست بالطيران ولا المجرفون بل بالحضور بس راجع لك ومعي الرد .. |
مشكور 8 8 8 8 بس أنا قصدي بالطياران والمجرفون انه يطلع صوت ويكذا ومشكور تحياتي لك |
يالله والا ماتبغون رابطة وانشالله يا واحد زاحف واتكون من الرابطة عشان يكتبون تحت صورتك رئيس رابطة الجمهور الهلالي بالرياض مثلا ويمكن في اعضاء يبغون;) |
والله ودي بس الظروف ولي الشرف اني اشجع الزعيم |
[c] عزيزي الغالي الحقيقة مباردة جيدة منك ورغبة رائعة المسها في حبك للزعيم والرغبة في خدمته بالنسبة للرابطة ان شاء الله راح تتبنى ادارة النادي عملية اعادة تأسيس الرابطة وراح اطلعك على كل ما يمكن اطلاعك به عن كل جديد وباذن الله تسمع اخبار جيدة عن قيام الرابطة وبقي شيء مهم .. وهو انك فاهم فكرة الرابطة الطق والطيران وبس ؟؟ لا يا عزيزي في هذه انت مخطى الرابطة تقوم باعمال عديدة منها الذي ذكرت وسوف يكون لنا موضوع عن رابطة الجمهور الهلالي في الشرقية حتى نناقش فيه مهام الرابطة وننتحدث عن تجربتنا في اقامة تلك الرابطة ونناقش الاخطاء التي وقعنا فيها طوال سنة كاملة هي عمر الرابطة تحياتي [/c] |
موب اي شخص يجي ويصير في الرابطه لان بعض الاشخاص يفشل الجمهور الهلالي . يجب ان تختار الرابطه من ادارة نادي الهلال . |
يعني بالعربي ... بالواسطه ..! سلام . |
مشكور يالموهوب ويا هدف بالمقص ويا ............... المعترض وإذا في أي واحد يقدر يكلم الأدارة عم الموضوع بكون شاكر له بس في شي محيرني بنيهائي كاس الخليج بكرة الطائرة كان في رابطة للهلال بس مدري هذي رابطة أو بس جايين كذا والله مدري بس لازم انعجل عشان الرابطة وآسف إذا ازعجتكم عن سالفة الطيران والمجرفون تحياتي لكم |
انشالله مايبدئ الموسم الىى والرابطه جاهزه |
نشوف وش بيطلع وياهلالي اصلي نشوف الموضوع وننتظر يمكن يكون في مشروع اكبر .. |
جمهور الرياض مايحب الازعاج من الطبول |
جمهور الرياض يبي حب وسب باللاعبين والمدرب وبسسسسسسسسسس واذا جاء هدف يقامز واذا انهزمنا قام يسب ويلعن |
يا أمير العاشقين مشكور على تفاؤلك بالرابطة يا واحد زاحف أتوقع انك تكون من الرابطة يا هلالي السويدي تفائلو بالخير تجدوه يا rab7_saqer واحنا نبغى ما نخليهم يسبون تحياتي: هلالي أصلي |
فعلا الهلال محتاج رابطة في الرياض وبدون طيران وبدون ازعاج نبي امواج مكسيكية نبي اهازيج رفع معنوية نبي الجمهور صوت واحد نبي فصفص:D :D |
أتوقع يا جمهور الرياض انكم بس تبون الفصفص أنتو كيفكم تبغون أهازيج؟ |
حبيب قلبي هلالي اصلي تسلم لي على هالموضوع:cool: بصراحه تجين حاله هيستيريه اذا وصلت للملعب ودي اغني وارقص وازاعق ووجه وان حصل لي اطب اشارك بركنيه والا هجمه مرتده الله انواع الوناسه:D:D بس اللي يتك صدري اذا شفت الجمهور مخرمس وهذا عيب جمهورنا لكن اذا شافوا التسحيب والا هجمه خطره تسمع طبق طبق:blueroll: اما اذا جاء قول ودك كل شوي ينعاد علشان ننهبل نشوف الجمهور مثل الفيشار يتطاير بالمدرجات:smilewink يا حبيلنا يا ناس اول كان فيه رابط يمين المنصه وطيران على قولتك هلالي والمصري ابو طربوش والعنزي انضم بالاخير والحين تفرقوا :upset: لكن والحق يقال فيه اثنين ودي كل ما رحت للملعب حبيت روسهم بس القهر الجمهور ما يتفاعل معهم مره واتمنى انهم يتولون الرابطه وتلبي لهم الاداره كل طلباتهم:uhoh: قبل ما اختم فيه شئ ضيق صدري يوم نهائي كاس الامير فيصل قدام الاتي جاء رابطه صغنونه معهم طيران ما فيه الا طمبق طمبق والجمهور تفاعلوا اول ما سمعوا الطبول كانوا يبون يتوسطون مدرجات الدرجه الثانيه وهذا انسب مكان للرابطه عند الجمهور النشط ويا هلال:embarrass لكن طردوهم وقعدوا بطرف الملعب طقطقوا شوي وتفاعلوا معهم اللي حولهم بعدين خمدوا!!! تكون اللاعبين يطربون للتشجيعنا ترانا نخوف حنا اذا شجعنا ليتنا نشجع بصوت واحد خلف قائد متمكن من اول المباراة الين يصفر الحكم وقتها بتشوفون شلون الفريق يلعب مثل مانشتر ورال مدريد خصاه اذا حضر الجمهور!! تقبل تحياتي،، منصي >>:cool: << يا حبيله |
هلا والله يا منص&الرياض طيب الأثنين الي تقول عنهم روح معهم واخذ كم واحد من ربعك وكونو رابطة مو حلو كذا كل مباراة انشوف الحب يتطاير بالملعب والسب أبغى انخلص الموضوع بسرعة |
تذكرني بالامير عبدالله بن سعد الله يرحمه كان دايم يحرص على النقطه هذي... في كل مباراة الواحد يجي هادي وشحليله يطلع مبسوط ... الحين الواحد يبهم يحركونه ياليت الاداره تكون رابطة في الرياض وانها تدعم الفريق و ين ما راح و صدقوني راح يبان فرق.............:yes: :yes: :yes: :yes: :yes: |
حرام عليكم .,, الحين الرجال متعني ووده يسوي رابطه وتجون بهالردود ؟؟ يعني ولا واحد تبرع من جماهير الفصفص اللي بالرياض وقال انا أصير معك بالرابطه ... وبعدين يالموهوب تراكم من مبطي وأنتم تواعدون ولسوء الحظ ماشفنا شيء إلا ببداية الرابطه ونشكر الجهد اللي قمتوا فيه ,, أخوي هلالي أصلي أنت الحين اثبت انك هلالي أصلي بجد ..!! والله اني من عنيزه وظروف العمل الصارمه ما أقدر أنظم للرابطه :cry: تشكرااات ,, |
مشكوري أخوي اللموشي أنوقع ان جمهور الرياض تعود على الفصفص لكن شنقول بعد الله المستعان |
والله اخوي الموهوب اثلجت صدري بقرب عودة رابطة الهلال كسابق عهدها. |
شكراً لك اخوي هلالي أصلي..والله يعطيك العافيه وجود الرابطه ضروووووري... وأنا في رأيي المتواضع أن وجود رابطة مشجعين منظمه وفاعله يعني بطولات أكثر...ليش و كيف؟ تعالو نشوف مع بعض: <<<<<<< مدرس رياضيات على غفله :o رابطه مشجعين منظمه وفاعله = إشعال حماس الجمهور وتشجيعه على التشجيع (أقصد أن الكثير من الجماهير ما يشجعون إلا إذا سمع الأخرين يشجعون...يمكن من الخجل!..إلا طبعاً في حالة الهداف) إشعال حماس الجمهور = زيادة فعالية الجمهور وفي اغلب أوقات المباراة (وليس كما هوالحال الأن، بس مع الهجمه أو الهدف) (مثال: الدوري الإنقليزي) وزيادة فعالية الجمهور في أغلب أو كل أوقات المباراة = بث روح الحماس في نفوس اللاعبين بشكل أفضل ولمده أطول من وقت المباراة وبث روح الحماس بشكل أفضل ولمده أطول = مستويات ونتائج أفضل في أرض الملعب ومستويات ونتائج أفضل في أرض الملعب = متعه أكبر ومتعه أكبر = حظور جماهيري أكبر و رجوع الجماهير المنقطعه عن الحظور وحظور جماهيري أكبر و رجوع الجماهير المنقطعه عن الحظور = زيادة احتمالات تحقيق البطولات وزيادة احتمالات تحقيق البطولات = بطولات أكثر إذاً نستنتج أن: رابطه مشجعين منظمه وفاعله = بطولات أكثر بعد كذا ممكن نضيف امور اخرى: - الشد النفسي على لاعبين الخصم نتيجه كثرة جمهور الهلال - زيادة المواهب لأن أكثر اللاعبين يفضلون الفرق الجماهيريه - تغطيه إعلاميه أكبر (تلفزيونيه ومطبوعه) لأن الإعلام يحرص على الفرق الجماهيريه لإسباب معروفه...وهذا من صالح النادي والجمهور أيضاً. وغير ذلك من الفوائد ولا ننسى طبعاً أن كل هذا يأتي بعد توفيق الله سبحانه وتعالى |
شكرا لك هلالي كالفيفورنيا على التوضيح |
| الوقت المعتمد في المنتدى بتوقيت جرينتش +3.
الوقت الان » 03:14 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd