31/03/2001, 11:02 PM
|
زعيــم فعــال | | تاريخ التسجيل: 08/11/2000 المكان: المملكه العربيه السعوديه
مشاركات: 416
| |
مساكم الله بالخير والعافيه يا اعضاء الزعيم العظماء
زي ما قلت في عنواني ( كفى ظلم لجريده الوطن واتهمها بالحقد على الزعيم) يا اخواني مثلكم عارفين الجريده توها جديده ومبتدءه ولا زم يكون لها قراء علشان يمشي سوقها بالعاميه, حالها حال باقي الجرايد الي انشهرت عن طريق الزعيم لازم تتكلم عليه وتجرح فيه علشان يكون لها قراء لو امتدحت الزعيم من افتتاحها ما في احد عطاها بال كنها تقول الشمس تشرق من الشرق كل الناس تدري عن الزعيم وعظمته لا كن مع السب والشتم والااصطياد في الماء العكر عموما بيكون لها قراء ومتابعين خصوصا من الحاقدين على الزعيم بفرحتهم بهذا ومن جماهير الزعيم بأستغرابهم وتفاجئهم. بكذا الجريده بتضرب عصفورين بحجر واعتقد من وجهه نظري المتواظعه انها تحقق لها ما نالت. انا لي صديق ما عرف هاذي الجريده الا عن طريق المنتدي شرى الجريده وجابها لي وقال شوف هاذي الجريده الغبيه كيف تكتب عن الزعيم ويوم سالته كيف عرف عنها قال انا زرت المنتدى الهلالي وشفتهم يذكرونها ويذكرون ما تكتب عن الزعيم ولاعبينه. بتقولون لي ليش الزعيم بالذات الاجابه واضحه وضوح الشمس يعني لوكتبت عن النصر وقالت هذا فريق تعبان وفريق مفكك وفيه تسيب اداري ...الخ ما في احد بيهتم لانه هذا الصحيح ما قالو شي غريب (الله لا يبلانا انا ما اقصد الشماته) وبدون ذكر اسامي ياما صحفيين انشهرو بعد ما سبوا الزعيم وجرحوا فيه على مدى التاريخ والان شوفهم من عشاق الزعيم ولا يسمعون فيه لاكن في البدايه لازم يركزون رجولهم وبعدين يتبعون ميولهم.
هذا واسأل الله ان يوفق زعيمنا في كل خطوه وبطوله ويخليه لنا انشاء الله.
واختم كلام بكلمتي الي دائما اقولها بعد ما انتهي من اي موضوع
الحمد لله الحمدلله الحمدلله اني هلالي
فالح من الساحل الشرقي |