][ " كــوكـتيـــل "][ - نادي الهلال السعودي - شبكة الزعيم

كيفي كويتية · #1 18/01/2004, 11:42 PM

[ALIGN=CENTER]

مســـاء الـورد والنوير

او صباح الفل والياسمين

النجــــاح

أحلى شعور

و أجمل احساس

هم وانزاح

تتعب حتى تصل لهدفك

الا وهو النجاح

النجاح في تجاوز العقبات التي قد تواجهها في طريقك الى قمة الجبل

فانت لم تصل الى القمة لان الطريق لا يزال طووويلا!!

<<<<بس خلاص تكفي هالمقدمة

يله باااااركولي

يُــبه شلونك؟!

قبل اسبوع تقريبا

نزّل اخوي القاضي قصيدة عن الام;) وحتى لا نهضم حق الاب

فهذي قصيدة منثورة أعجبتني

واتمنى ان تحوز على رضاكم واعجابكم انتم

ملاحظة/ ما ادري هي لمنو؟؟

يبه شلونك
ملل هالكون من دونك ..
يبه شلونك ؟؟
وتمضي رحلة الدنيا..
بليا طلة عيونك..
يبه شلونك ؟؟
وشلون المرض وياك ؟؟
بعد ماهدك بدنياك..
عساها تغمض جفونك ؟؟
تبي تدري عن احبابك ؟؟
عن عيون تغنا بك ؟؟
عن قلوب دفنها الشوق..
واذا جاها الغفا جابك ؟؟
.. يبه امي تخيلك دوم
تغني لك مع القمرا..
يبه واللي خذاك بيوم..
خذا بكريتك عفرا..
خذا.. وياماخذا.. وياما..
خذا ناس يحبونك
يبه حنا غدينا كبار..
توفقنا وتخرجنا..
يبه ماعاد فيه صغار..
يموج بهالزمن كل شي..
وحنا ماتموجنا..
على ذاك العهد نسري..
نبيع العمر والدنيا..
ولا تخلف بنا ظنونك
يبه شلونك ؟؟
تبي تدري عن اخباري ؟؟
عن افكاري وتذكاري ؟؟
اشيلك داخلي جمره ..
وبعيون الحزن عبره..
تغرقني .. وتحرقني..
اشوفك نجمة تجبر..
مراعيها .. يراعيها..
واشوفك للرجوله اسم..
اذا شد الزمن تقسى..
واحلم من معاني الحلم..
احسك مقبل بكرى..
وعيا لايجي بكرى !!
يبه تذكر زمان مر؟؟
لاقالو عمر؟؟
هو احلى مابهذا العمر..
يبه تذكر مجالسنا ؟
مقلطنا ومجلسنا ؟
وحارتنا ومسجدنا ؟
يبه تذكر هدايا العيد ؟
صلاة العيد؟ وبشت العيد؟
يبه تذكر سوالفنا ؟
لاجل هذا ..
وكل هذا ..
اقول اليوم يابيي ..
ملل هالكون من دونك !!!!

من أقوالي

( الله يحفظني ويخليني لامي وابوي

)

***المجاملة هي ان تبتسم وتقول شكرا في وجه من لا يستحق ذلك!!

***لا تحكم على الظاهر لسببين؟
1- حتى لا تنخدع باحد!!
2-حتى لا تظلم احد!!

للاسف انا انخدعت وظـَـلمت!!

***التبرير : حيلة نفسية دفاعية ..لا شعورية

يستخدمها عادة ً الطلاب والطالبات لتبرير فشلهم او ( نقول تقصيرهم احسن;) ) في دراستهم:p
يعني ترمي تقصيرك وفشلك على الاخرين!!

عموما .. هي حيلة لا شعورية

يعني كلنا نستخدمها

*** خلك رسمي مع الكل ..لا تطيح الميانة مع احد .. لا تضحك ولا تسولف.. خل نفسك شينة ونيتك دايما سوداء..
عشان تسلم من القيل والقال وحتى ترتاح!!

*** الطيبة الزايدة عن حدها هي جريمة بتدفع ثمنها بعدين!!

تخياتي لكم كل ابوكم

[/ALIGN]

هلالي الجوف · #2 19/01/2004, 12:28 AM

هلا كيفي

مبروك النجاح اولاً ..
وثانياً ملاحظ انك صايرة تخربطين كثير هاليومين

وتتكلمين بالغاز

شكل الخساير واجد يابنت

نواف طلال · #3 19/01/2004, 12:29 AM

مساء الفل

كيفي كويته

مبروك النجاح

ويعطيك العافيه على الموضوع

إقتباس


	(الله يحفظني ويخليني لامي وابوي)

وللمنتدى

الحاتمي · #4 19/01/2004, 02:08 AM

الـحـاتـمـي ...

مــر مــــن هــــــنـــــــا ...

ويـقـول ( مـثـل مـا قـال أبـو عـبـدالـرحـمـن ) :

مواضيعك صايرة مثل أسئلة دكتور عندنا ;) <<< سيمبثاوية

بس على البركه النجاح ;)

صمت الكبرياء · #5 19/01/2004, 02:50 AM

هاااااااااااااااااااي أمشوووووووووووووشه

كللللللللللللللللووووووووووووليييييييييييييييييش

مبرررووووووووووووووووووووووووك النجاح عقبال الدختوراه

أدعيلي وأنا أختك باقي لي ماده ( الله يستر )

كـادي · #6 19/01/2004, 03:03 AM

هلا والله كيفي

مبروك النجاح ........=====> حتى أنا نجحت

راجعه لك بعد ماأقراء الموضوع كم مره

^

^

^

أعجبني بالذات

@ ***لا تحكم على الظاهر لسببين؟
1- حتى لا تنخدع باحد!!
2-حتى لا تظلم احد!!

للاسف انا انخدعت وظـَـلمت!!

*** خلك رسمي مع الكل ..لا تطيح الميانة مع احد .. لا تضحك ولا تسولف.. خل نفسك شينة ونيتك دايما سوداء..
عشان تسلم من القيل والقال وحتى ترتاح!!

*** الطيبة الزايدة عن حدها هي جريمة بتدفع ثمنها بعدين

أبـو بندر · #7 19/01/2004, 04:02 AM

إقتباس


	النجــــاح

الف مبروك.

إقتباس


	قصيدة منثورة أعجبتني

مشكلتي ما احب النثر , بس فكرتها ومضمونها جميل

إقتباس


	من أقوالي ( الله يحفظني ويخليني لامي وابوي)

الله يخليك لنفسك ويخليلك امك وابوك

إقتباس


	***لا تحكم على الظاهر لسببين؟ 1- حتى لا تنخدع باحد!! 2-حتى لا تظلم احد!!

اتوقع اننا للاسف في زمن الجميع < بماا فيهم انا> يحكم فيه على الظاهر ,الا ما قل او ندر !!

إقتباس


	*** الطيبة الزايدة عن حدها هي جريمة بتدفع ثمنها بعدين!!

ايه والله انك صادقه !!!!!! زمن اغبر

تحياتي.

كوكتيل · #8 19/01/2004, 08:07 AM

مشاركة رائعة واجمل مافيها العنوان

هذي العناوين اللي تفتح النفس

القصيدة " يُــبه شلونك؟! " غاية في الروعة شكرا لك ولكن للأسف لا اعرف لمين ؟؟

شكر لك

Abu saad 66 · #9 19/01/2004, 08:29 AM

مبروك النجاح كيفي ....

والله يخلينا لا اهلنا يارب

إقتباس


	*** خلك رسمي مع الكل ..لا تطيح الميانة مع احد .. لا تضحك ولا تسولف.. خل نفسك شينة ونيتك دايما سوداء.. عشان تسلم من القيل والقال وحتى ترتاح!!

هذا اسمه ضعف شخصيه

إقتباس


	*** الطيبة الزايدة عن حدها هي جريمة بتدفع ثمنها بعدين!!

ان اتوقع ان الحيره هنا هي اكبر جريمه

الشخص ما يدري يتعامل بطيبه ولا يتعامل بشكل ثاني

يتعامل بكذا او يتعامل بكذا

بس في النهايه نقول عامل الناس بخلق حسن

تحياتي لك .. ومبروك النجاح .. عقبال الزواج إن شاء الله

هلالي شامخ · #10 19/01/2004, 12:41 PM

إقتباس


	مســـاء الـورد والنوير او صباح الفل والياسمين

[ALIGN=CENTER]مســاء النــور والسرور ..

[/ALIGN]

إقتباس


	النجــــاح

[ALIGN=CENTER]الـف مبـروك وعقبـال الدكتـوراه انشالله ..

[/ALIGN]

إقتباس


	يُــبه شلونك؟!

[ALIGN=CENTER]مشكـورة على هالقصيـدة الرائعـة جـدا جـدا ..

والقصيدة مسجلـه فـي أكثر مـن مـوقع بأسم ( حبيبـها ) عاد من هو حبيبها
الله العالـم ..

[/ALIGN]

إقتباس


	من أقوالي ( الله يحفظني ويخليني لامي وابوي)

[ALIGN=CENTER]اللهـــم آميـن ويخليـهم لك .. ويخليـك للمنتـدى ..

[/ALIGN]

إقتباس


	*** خلك رسمي مع الكل ..لا تطيح الميانة مع احد .. لا تضحك ولا تسولف.. خل نفسك شينة ونيتك دايما سوداء.. عشان تسلم من القيل والقال وحتى ترتاح!!

[ALIGN=CENTER]في اعتقادي الشخصي كلام جميـل لكن مبالـغ فيـه ..

وفـي رأيي الشخصـي يجـب إعطـاء كـل شخـص حجمـه ..
وعـدم إعطائـه أكثـر ممـا يستحـق ..

[/ALIGN]

إقتباس


	*** الطيبة الزايدة عن حدها هي جريمة بتدفع ثمنها بعدين!!

[ALIGN=CENTER]صحيـح .. لكن أعتقـد أن مـن يستغـل
طيبـة أي شخـص آخـر أقـل مـا يقـال عنـه شخـص
لئيـم ..

[/ALIGN]

إقتباس


	تخياتي لكم كل ابوكم

[ALIGN=CENTER]الف شـكر علـى هالكـلام الرائـع ..

ويعطيـك العافيـه ..

تحيااتي ؛؛

[/ALIGN]

abu_riman · #11 19/01/2004, 12:52 PM

إقتباس


	إقتباس من مشاركة كيفي كويتية من أقوال كيفها ( الله يحفظها ويخليها لامها وابوها) *المجاملة هي ان تبتسم وتقول شكرا في وجه من لا يستحق ذلك!! * خلك رسمي مع الكل ..لا تطيح الميانة مع احد .. لا تضحك ولا تسولف.. خل نفسك شينة ونيتك دايما سوداء.. عشان تسلم من القيل والقال وحتى ترتاح!! *** الطيبة الزايدة عن حدها هي جريمة بتدفع ثمنها بعدين!! [/COLOR][/SIZE][/ALIGN]

غاليتي كيفي ،،،
ألف ألف مبروك النجاح ..
في تصوري أختي أنك أخطأت في تعريف المجاملة !
المجاملة هي أن تقولي لمن يخطئ أخطأت و لكن بطريقة غير مباشرة ؟!
لكن أن تقولي لشخص ما لا يستحقه فهذه ليست مجاملة ! هذه خديعة !
و سأستثني مثلاً من يثني على شخص و هو لا يعرف حقيقته فهذا معذور لأنه رسم صورة جميلة لذلك الشخص من باب حسن الظن او من باب طيبة القلب !

=========

النقطة الثانية هي الحقيقة التي أخشى أن نتيجتها و التي كتبتيها بيديك تعمل على إخفاء تلك الطيبة .

فتى المدينه · #12 19/01/2004, 01:36 PM

[ALIGN=CENTER][ALIGN=CENTER]مبروك ..

إقتباس


	***لا تحكم على الظاهر لسببين؟ 1- حتى لا تنخدع باحد!! 2-حتى لا تظلم احد!!

[/ALIGN]

إقتباس


	عموما .. هي حيلة لا شعورية يعني كلنا نستخدمها

اٍلا أنا

والقصيده زينه .[/ALIGN]

كيفي كويتية · #13 19/01/2004, 02:51 PM

[ALIGN=CENTER]
هلالي الجوف

هلا وغلا

إقتباس


	مبروك النجاح اولاً ..

الله يبارك فيك

إقتباس


	وثانياً ملاحظ انك صايرة تخربطين كثير هاليومين

شسوي ياخوي..حدتني الدنيا

الكُبر شين

وشعري صار كله شيب

إقتباس


	وتتكلمين بالغاز

آنا

كلامي عادي وبسيط

بس وين اللي يفهمني؟

إقتباس


	شكل الخساير واجد يابنت

صدقني انا ما اخسر يا ولد الجوف

نواف طلال

هلا وغلا

إقتباس


	مبروك النجاح

الله يبارك فيك

إقتباس


	وللمنتدى

ولا تزعل

وللمنتدى بعد

الحاتمي

هلابك

الله يبارك فيك

ومشكووور على مرورك

صمت الكبرياء

هلا والله وغلا

إقتباس


	هاااااااااااااااااااي أمشوووووووووووووشه

اهلين يالدبة

إقتباس


	مبرررووووووووووووووووووووووووك النجاح عقبال الدختوراه

الله يبارك فيك يالغالية

إقتباس


	أدعيلي وأنا أختك باقي لي ماده ( الله يستر )

الله يوفقج ياااااااارب

[/ALIGN]

كيفي كويتية · #14 19/01/2004, 02:59 PM

[ALIGN=CENTER]

الهلاليه وللابد

ياهلا والله وغلا بكادي

منور موضوعي;)

إقتباس


	حتى أنا نجحت

الف الف الف الف مبرووووووووووووووك،،
وعقبال ما تصيرين دكتورة

الحمدالله ان الموضوع نال على اعجابج;) وتسلمين على هالطلة

هلالي العليا 176

هلا وغلا

إقتباس


	الف مبروك.

الله يبارك فيك

إقتباس


	الله يخليك لنفسك ويخليلك امك وابوك

إقتباس


	اتوقع اننا للاسف في زمن الجميع < بماا فيهم انا> يحكم فيه على الظاهر ,الا ما قل او ندر !!

وهذا سبب صدماتنا بناس وايد!!

إقتباس


	زمن اغبر

مسكين هالزمن

نُحمّـله بلاوي اهله وناسه!!!

كوكتيل

هلا وغلا

إقتباس


	هذي العناوين اللي تفتح النفس

خلاص ولا يهمك..الموضوع الياي بيكون عنوانه (هاني)

إقتباس


	غاية في الروعة شكرا لك ولكن للأسف لا اعرف لمين ؟؟

تسلم و تواجدك هو الاروع

Abu saad 66

هلا وغلا

إقتباس


	مبروك النجاح كيفي ....

الله يبارك فيك

إقتباس


	والله يخلينا لا اهلنا يارب

آآمين

إقتباس


	هذا اسمه ضعف شخصيه

بالعكس..قد يكون هذا هو الحل الاخير

المهم هو ان لا تستسلم و لا تخسر و لا تنسحب من المعركة!!

حتى لو كانت الوسائل غير مشروعة;)

إقتباس


	بس في النهايه نقول عامل الناس بخلق حسن

طيب اذا عاملنا الناس بمبدأ ( عامل الناس كما تحب ان يعاملوك)!
وكان المردود سلبي!!
شسوي انا بهالحالة؟؟!

انتحر

إقتباس


	عقبال الزواج إن شاء الله

نعممممممم

لا يُبه ..تو الناس

تسلم اخوي ابوسعد على طلتك الجميلة كماهي عادتك

[/ALIGN]

abunoraa · #15 19/01/2004, 03:20 PM

يا سلام رائعة يا كيفي كويتية