نادي الهلال السعودي - شبكة الزعيم - الموقع الرسمي - يا اعضاء صلوا على النبي و خلونا نفتح صفحه جديده مع الفريق

مســــــــــاكم الله بالخير ......... :)

انا اشوف هذي الايام اعصاب الجماهير الهلاليه على احر من جمر من القرارات الي اتخذتها الاداره و كل واحد يسال نفسه الحين و يقول:

# ليه ما اقالو مدري الفريق اديموس ؟

# ليه ابقوا على الاداري فهد المصيبيح ؟

# ليه ما يفاوضون مدرب جديد و يجيبونه ؟ و اذا ما راح يجيبون يحطون الحبشي الى اخر الموسم ؟

# ليه ما يدمجون الفريق الاولمبي مع الاول ؟

# ليه ما يوقعون مع الجمعان عقد احترافي او يحطونه على قائمة الانتقال ؟

# ليه ما يلعب الشيحان و حسين العلي ؟

يعني اسئله كثيره و كثيره و انا حتى تفكيري صار مشتت من الاوضاع الي في النادي و لكن :confused:

الخلاصه :yes:
( لازم نقتنع بالي صار و خلاص اعتقد الموضوع منتهي و لازم نفكر في الفريق زي ما هو الحين)

الي لازم يسويه اعضاء المنتدى :

1- يتوقفون من الاعتراض او الاساءه لاي لاعب او اداري .

2- التفكير الان في مصلحة الفريق وش لازم علينا ايش نسوي .

# الان الهلال راح يواجهه مباريتين مهمتين و هي الاولى مع الوحدة في الدوري و اعتقد ان الهلال لازم يفوز في هذه المباراه و اعتقد انها حاسمه من جهه و من جهه ننتقم منهم لانهم فازو علينا في الدور الاول .

#المباراه الاهم و الي ما فيها اي جدال المباراه مع النادي الشقيق النادي الاهلي في بطولة ابطال العرب و الي فيها يتحدد مصير الهلال مع الصداره .

@ راح اقولكم شغله انا كنت من الحاظرين مباراة الهلال مع الاهلي في الدور الاول لبطولة ابطال العرب و ما تصدقون كيف كانت جماهيرية الاهلي و الحظور الكثيف الي كان يزاحم جماهير الهلال في مدرجاته .
و كيف كانو متحمسين و يشجعون و يهتفون قدام الهلال بالرغم من مستواهم المزري في الدوري .

المطلوب :yes:
( حظور يهز المدرجات في استاذ الملك فهد و انكم تنسون مسوى الهلال في الدوري و تلعنون الشيطان :D و تروحون الملعب و كل واحد ما يخش الا وعلم بايده و اتمنى من المسؤولين في الملعب منع الفصفص :D لكي لا ينشغل الجمهور عن مساندة الفريق )

# و انا كلي امل فيكم يا جمهور الرياض تساندون و بقوه في المباراه القادمه :yes:

تحياتي