|
الله لايكثر امثالك ! الله لايكثر امثالك ... أقولها لكل عضو شرف لاجاء وقت النفع والدفع هج ! لاعمره تبرع ولاعمره تكفل بصفقة ولاكافا لعيبة ولا حتى صرح تصريحات زي الناس ولا أخذ حق للهلال بتصريحاته ! وإذا جت المشاكل والهزايم طلع يسب فلان ويطالب بعلان ؟؟؟؟؟ تبون عينة شوفو العجاجي اليوم بالجزيرة :mad: الله لايكثر امثالك ... أقولها لكل عضو بمنتدى هلالي وكل مشجع ماتسمع له حس الا بوقت المشاكل ولاتشوف مواضيعه وردوده الا بوقت الهزايم ! ومايخلي لارئيس ولاإداري ولا مدرب ولا لاعب مايقطع جلده ! وإذا جاء وقت الفوز والفرح والوناسة هج ! تقول محلوف عليه مايدخل إلا بمهاوش :D الله لايكثر امثالك ... أقولها لكل لاعب يبي يمشي الفريق على كيفه ! متى ماصار مستانس شال الفريق على كتوفه ! ولا صار زعلان والا متهاوش مع المدرب والا ماجازت له تسريحة مساعد المدرب قام يخور ويوطي كور ويتمشى بالملعب ! المشكلة ياجماعة إن لاعبين الهلال مافيه أحد أحسن من وضعهم ورواتبهم ماشية والإدارة مخلية رواتب اللاعبين من الاولويات عندها ! ياليت لاعبينا يقدرون هالشي ! :( الله لايكثر امثالك ... أقولها لكل صحفي ينسى أمانته الصحفية وينسى إنه لازم يحترم القراء ! هالصحفيين صايرين يكتبون على كيفهم ! هذا مايبي إداري وهذا مايبي لاعب وياويلكم لو تنشرون صورته والمشكله محسوبين صحفيين هلاليين ! :mad: الله لايكثر امثالك ... أقولها لأديموس هاللي ماهوب راضي يقتنع بالجري ولا المطرف ولاالبرقان ولا الحوطي ولا الخراشي ومخلي الشيحان بجنبه وجالس يلعب بمهاجم واحد على باله خطة عالمية ! الهلال طول عمره من 4-3-3 إلى 4-4-2 وهو وش زينه ! أما مهاجم واحد ماتصلح له ! :mad: |
هلا اخوي كلام العجاجي ميه الميه صحيح ,انا لا ادافع عن العجاجي ولكن كلامه منطقي ووالا وش رايك في اللي طفش العويران وجعل الزعيم يعيش ازمة البحث عن بديل له ولن يجد,. ولك شكري. |
اذا كنت تبي تكون عضو صالح للعمل اولا اقر المواضيع وتكلم عن اعضاءالمنتد ا ويقول مانساند الهلال انت ساندت الهلال في الملعب علشان تقولنا الله لايكثر من امثالنا شف ترا في ناس ارجل منك وابرك منك واذا كنت تبي الصداقه الاحسان ياولد الاحسان ياولد |
كلامك معقول نوعا ما |
المعاني...70% من كلامك صح....وزي ما قال الاخ / السلماني...من اللي طفش العويران علشان مليون ريال (على ما أضن كان طالب لتجديدي عقده) وشف كم خسر الهلال من مليون علشان يسد خانته ...ولا زال الفريق يعاني من ها الخانه...وش تقول للي سبب لنا ها المشكله؟؟؟ أما مسألة المزاجيه في اللعب با النسبه للاعبينا....ما جبت جديد ؟؟؟ها العاده من زمان وهي في فريقنا ؟؟؟ |
انا معك .. الا ان كان العجاجي يدعم و احنا ما ندري كلامك صح .. و صرييييييح .. و ما اقول الا آميييييييييييييييييييييين والغريب إن كل الهزايم والبلاوي يخلون السبب ان المصيبيح فرط بخميس .حسب تعبيرهم. مباراة النصر لو فيها فيرون موب خميس , ماراح يسوي اكثر من الي سواه عزيز |
أول شيء أقول شكرا لكل من تفاعل مع مويضيعي .. السلماني // يمكن يا خي تلقابه أمور صحيحة بس المشكلة انه محسوب علينا عضو شرف وهو ماغير ينتقد ! هذي وظيفة عضو الشرف بس ؟ وراه مايتبرع هو ووجهه ؟ وراه مايروح للنادي ويشوف وش المشكله ؟ abo_alhilal // وراك مطرطع أنت وهالخشه ؟! :D تقول إني هارجن عليك ! إلا كانك حسيت إن الكلام يشملك فأنت أدرى بروحك ! :D هلالي السويدي// تسلم وانا اخوك وليت بعض الناس يعرفون يهرجون بادب مثلك ! بخيت // اللي طفش خميس هو نفسه اللي وقع معه عقد وقال له يصير خير ولاصار خير ! يعني اجحده ! ويوم جاء سعود بن تركي يبي يجدد عقد خميس قال له يصير خير ولااقتنع خميس لأنه مقروص من بندر بن محمد قبل وراح وقع للاتحاد ! المستحيل الأزرق // مشكلة بعضنا إنه إذا حقد على واحد لزق به كل شئ ! ملاحظة // ياشباب رجاء ترى كلنا نحب الهلال وماودي أغلط على أحد وماجيت هنا أغلط على أحد فاللي يبي يختلف معي يختلف بأدب وأحطه على راسي واللي يبي يسوي مثل بعض البزارين ماله عندي الا أطقه مثل مااطق اصغر عيالي :D |
إقتباس:
|
| الوقت المعتمد في المنتدى بتوقيت جرينتش +3.
الوقت الان » 02:53 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd