|
قـلــــــــــــــــ أدب ـــــــــــــــــــــة قـلــــــــــــــــ أدب ـــــــــــــــــــــة إنك تروح للمسجد ببجامة نوم بينما تروح لربعك بثوب مكوي وطيب يشق الخشم قـــلـــــــــــــــ أدب ـــــــــــــــــــــة إنك تتصل على ربعك كل يوم وعادي تقعد معه نصف ساعة أو أكثر بينما عمك أوخالك أو عمتك أو خالتك لهم شهور ماسمعوا صوتك !!! قـــلـــــــــــــــ أدب ـــــــــــــــــــــة تدور بسيارتك بالساعات وماتخلي شارع ما ( شبرته ) وحفظته وكل هالدوران غالبا لأسباب ( قليلة أدب ) (بينما أهلك لويبون مشوار ساعة وحدة قلت : ( التكاسي موجوده ) قـــلـــــــــــــــ أدب ـــــــــــــــــــــة إن الواحد يضبط ساعته على الدوام بينما صلاة الفجر مايدري متى وقت أذانها !!! قـــلـــــــــــــــ أدب ـــــــــــــــــــــة إن الواحد يشتري الأغاني بالشيء الفلاني ويسمعها بينما مستحيل يشتري شريط إسلامي ولو بخمسه دراهم ولو يهديه واحد شريط إسلامي سجل عليه بابا فين قـــلـــــــــــــــ أدب ـــــــــــــــــــــة اذا جيتي تطلعين لعرس او لصديقاتك تتزينين وتتعطرين واذا جلست عند زوجك تقعدين بوساختك وريحتك بصل قـــــلـــــــــــــ أدب ـــــــــــــــــــــة ان الوحده تقعد على التلفون ساعه وتقعد في صلاتها دقيقه قــــلــــــــــــــ أدب ـــــــــــــــــــــة اذاطلعت البنت من البيت وهي كاشخه وريحة عطرها واصله اخر الشارع وتقول للشباب لا تلحقوني قــــلــــــــــــــ أدب ـــــــــــــــــــــة إن الواحد يشوف (منكرات ) ولاينكرها ( قلة أدب مع الله ) قـــــلـــــــــــــ أدب ـــــــــــــــــــــة قلة ادب انك تحصل واحد يحترم الناس كلها الا امه او ابوه تلقاه يكلمهم بطرف خشمه قــــلــــــــــــــ أدب ـــــــــــــــــــــة قلة ادب انك تشتري كل اللي نفسك فيه ويوم يجي طاري الحج او العمره قلت انا ما عندي فلوس وانا غير مقتدر قـــلـــــــــــــــ أدب ـــــــــــــــــــــة قلة ادب انك تكون جالس في المدرج وتسمع الاذان ومن بعدها الاقامه وانت مكانك وكأنك مثبت بمليون مسمار على كرسييك قــــلــــــــــــــ أدب ـــــــــــــــــــــة لماتشوف عامل في الشارع وتستصغره ولا تسلم عليه قــــلــــــــــــــ أدب ـــــــــــــــــــــة اذا شفت صديقك في ورطه ولاتساعده قــــلــــــــــــــ أدب ـــــــــــــــــــــة اذا قدم لك صديقك خدمه وأنكرت فضله عليك قــــلــــــــــــــ أدب ـــــــــــــــــــــة انك تحط سيارتك عند باب جارك ..وعندك مكان ابعد شوي.. قـــــلـــــــــــــ أدب ـــــــــــــــــــــة لما تجلس بمكان عام تتقهوى انت وعيالك..وتقومون وزبايلكم وراكم.. مع ان صندوق الزباله حولك... قــــلــــــــــــــ أدب ـــــــــــــــــــــة انك تكون مسئول عن عمل يتوقف اداؤه عليك..وتطنش وتتأخر ويتحمل الباقين مسئولية اهمالهم قــــلــــــــــــــ أدب ـــــــــــــــــــــة انك تطولي لسانك على الشغاله..وهي بسن امك..عشان شغله ممكن تسويها بنفسك ((ليس منا من لم يوقر كبيرنا )) قـــلـــــــــــــــ أدب ـــــــــــــــــــــة لما ترفعي صوتك بالسيارة ومع السواق وتضحكين وتقهقهين ..وكأنه محرم لكِ وتكشفين للدكتور عاااادي...وكنه من بقية أهلك قــــلــــــــــــــ أدب ـــــــــــــــــــــة لما تعزمين صديقاتك وتخلين الوالده تسوي قهوتكم وتجيبها لكم..وتسوي عشاكم ..وانتي مشغوله بالسواليف قــــلــــــــــــــ أدب ـــــــــــــــــــــة لما ترفضين شريط اسلامي او كتيب من احد الدعاة..بينما لو أحد اعطاك شريط لمطرب العرب كان ماتدرين شلون تشكرينه قـــلـــــــــــــــ أدب ـــــــــــــــــــــة عندما نسهرساعه على النت ولانصلي لو ركعة لله قـــلـــــــــــــــ أدب ـــــــــــــــــــــة انك متعلم وحاصل على شهادة عليا..وماتفقه اقل شي في دينك قـــلـــــــــــــــ أدب ـــــــــــــــــــــة أنه مانشوف القرآن إلا من الجمعه للجمعة عشان سورة الكهف . هذا إن كان من الجمعة للجمعة |
هلا وغلا ... ابداع مابعدوه أبداع وتسلم ها ألأ نامل اللي سطرت ها ألأ حرف المطرزه بالذهب ياذهب ... تحياتي لك سعودي ... وللجميع تحيتي ... |
^ الله يحييك وشكرا لك على المرور والرد |
أخي / saudi2002 صدقت في كل كلمة قلتها فهذا هو الواقع وللأسف الشديد ولا ندري إلى متى سيستمر الحال و لكننا نسأل الله أن يهدينا لما فيه الخير والصلاح الله يعطيك العافيه |
آمين وعافك الله |
إقتباس:
مشكور على الموضوع |
^ العفوو أخي ومشكوور على الرد |
يا خطير يا سعودي :D تصدق ماقريتها كلها طويلة.... وكلها قلة أدب :D مشكوررررررررر .......... |
^ :D مشكوور على المرور والرد |
أخوي سعودي 2002 : الموضوع هذا أحد المواضيع التي تشرفت في كتابتها عبر شبكة الزعيم وهو من بنات أفكاري وانتشر عبر المجموعات البريدية دون الإشارة لكاتبه في تصرف غير احترافي وخال من الأمانة وتاريخ نزوله في شبكة الزعيم يحفظ حقي في الموضوع ورغم أن المسألة ليست اختراعا ولاتستحق بذل الجهد لإثباتها إلا أني رأيت أن من واجبي أن أنبهك وأن أعاتبك على عدم ذكرك أن هذا الموضوع منقول !!! |
| الوقت المعتمد في المنتدى بتوقيت جرينتش +3.
الوقت الان » 07:45 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd