نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/index.php)
-   ارشيف تقديم ونقل المباريات (http://vb.alhilal.com/forumdisplay.php?f=61)
-   -   الــهــــلال × النصر [ تحليل ] يحللها لكم ::: يا قاهرهم يا سامي::: (http://vb.alhilal.com/showthread.php?t=139749)

منادي 16/01/2004 02:02 PM

يعطيك الف عافية أخوي ابو هيا على هالتحليل,,,

الهلال خسر لقاء الامس بسوء التغطية الدفاعية, وكذلك بالتشكيلة الخاطئة (من وجهة نظري) والتي دخل بها المدرب أديموس,,,

عموماً يجب ان نستفيد من الاخطاء التي ارتكبها الفريق خلال لقاء النصر, وعدم تكرارها مستقبلاً,,,

تحياتي:)

هلالي الجوف 16/01/2004 02:15 PM

هلا ابوهيا ..
أديموس أديموس أديموس :mad:

وش تبي أديموس يسوي وفريقه مسيطر على المباراة من اولها لأخرها ؟؟
وش نبي أديموس يسوي وتراوري وسيسيه يضيعون فرصة ورى فرصة ؟؟
وش تبي أديموس يسوي والشريفي بيوم سعده ؟؟
وش تبي أديموس يسوي واهداف النصر الاول بهجمة مرتدة يتحملها التمياط والدوخي .. والثاني يتحمله المفرج .
وانا هنا ما انكر ابداع المفرج واشاداتنا به بأخر المباريات واتوقع ماينكر هالشي الا مكابر ..
ولا انكر ابداع الدوخي ولا ابداع التمياط .. بس غلطة والغلطة يتحملها الفريق كله مو بس المدرب والادارة .

وياغالي تتوقع ان النصر ومدرب النصر داخل بخطه للفوز ؟؟
لاتخليني احلف انه ماحلم حتى بالتعادل لكن حظه والله اللي يكسر الصخر .

واذا تبي تقتنع بس ان أديموس ماقصر وماله دخل بالهزيمه شف بس احصائية المباراة :
14 تسديدة للهلال مقابل 5 للنصر :bigeek:
6 تسديدات على المرمى للهلال مقابل 3 للنصر :confused:
10 اخطاء على الهلال مقابل 20 خطأ على النصر :upset:


عموماً مباراة امس انتهت ..
وانا معك بضرورة بقاء سامي خلف تراوري واللعب بمحور واحد بالمباريات القادمة .. والايعاز للحربي وسيسيه بالتجنيح مع دخول التمياط وسامي معاً .. او البدء بالشيحان كجناح ايسر بدل الحربي .
كذلك معك بدخول احمد الجري من بداية المباراة فيبدو لي انه اكثر فاعلية من الخثران والمطيري سواء بالهجوم او بالدفاع .

اما الدفاع .. فياليت فرانكي موجود :rolleyes:
صدقني ان الهلال بحاجته بالمباريات وربما بالمواسم القادمة .. وان شاء الله يكون المحترف الجديد يلعب قلب دفاع لأني ما اتوقع انه بيقدم بالمحور اكثر مما قدمه خالد عزيز بالأمس .

شرشبيل 16/01/2004 02:34 PM

مساك الله بالخير يابوهيا ....

آه وآه وآه
آآخ بس لو هالعلة يلعب بمهاجم ثاني وتقليدي لأن من جد تراروي غسلنا أيدينا منه ومافيه أمل يفك أزمة ... وياحظ الدفاع اللي يلعب قدامهم تراروي لأنه يضيع فرص ويخلص بعض الهجمات الخطيرة عن دفاع الخصوم ...أجل عمركم شفتوا مهاجم ينبرش على مدافع ويكسر رجوله ...عز الله إنك مهستر ياولد " كانديا " .....


نجي للحربي اللي أتمنى منه أن يستشعر على الأقل الرقم اللي يحمله على ظهره ....فمهما كان المركز اللي وضعه فيه أديموس فهذا لايعطي الحربي الحق في كل تلك التمريرات الخاطئة وقتل الهجمات بإعادة الكرات للخلف هو والكور اللي جنبه ...



ثالثة الآثافي ومصيبة المصائب والطامة العظمى ..فهد المفرج "صديق ابولما " بالله عليكم عمركم شفتوا لاعب في العالم يركض وهو "مفوحج"....وإذا جا ينبرش لازم يبوبز بعدين ينبرش ...
والله إني شفت مدافعين في أندونيسيا وبنغلاديش وحتى بوتان مايعرفون يلعبون لكن على الأقل يعرفون يكرضون ....
دائماً وابداً كنت أقولها المفرج أفقدنا نهائيات ومباريات حاسمة كثر التراب ...
1417هـ نهائي الملك قدام الاتحاد ــــــــــــ
1418هــ نهائي كأس الملك سحب به المهلل لين ماداخ والحمد لله إنه سامي معنا في ذيك المباراة ــــــــ
1419هـ دور الأربعة قدام الأهلي , والقهوجي يرقص مع المفرج سامري وخبيتي بعد ..
1421هـ نهائي كأس الكؤوس العربية وعلي يزيد يسحب المفرج ولكن الحمدلله الدعيع موجود...
طبعاً هذي هي المباريات الحاسمة والنهائيات فقط لم أذكر المباريات العادية ولاكأس الكؤوس الآسيوية ولاالبطولة العربية لأنها لاتهمني ولاتهم الجمهور الهلالي ....
وإذا كان الشريدة من المغضوب عليهم ياناس يجيبون مدافع اجنبي زي الناس والمصاريه عندهم واحد اسمه بشير التابعي وربي أني ماشفت في الدفاع زيه ...لكن ليش نطير فلوسنا والشريدة موجود ...


أديموس : " الظاهر إن ابن مساعد حالف يمين أنه مايغيره لين مانطلع من كل البطولات "



قفلة :
" وفي الليلة الظلماء يفتقد الشريدة "





قديماً قال الشيبان :" ياصبر نجد على وطي البقر "

22newcastle 16/01/2004 03:00 PM

هلالي الجوف ابغى من اديموس يختار التشكيل المناسب اجل يشيل الشريدة اللي يتفق علية جميع الهلالين انة اكثراللاعبين انضباط في الملعب ويحط ابو فلقة (المفرج) بعدين خلنا نكون محايدين فية احد يقدر يقولي ان المذكور (اديموس) من جاء شفنا معة تكتيك والا فزعة لعيبة اذا اللة هداهم بعدين المدرب ما يقدر يغير اي تكتيك داخل المبارة اللة يرحم ايام يوزيك والعيال

اكتمل الهلال بدرا 16/01/2004 03:21 PM

ياجماعة الخير اولا مابغى اقول غير الحمدلله الذي لا يحمد على مكروه سواه.........
اما مباراة الهلال هاذي تجيب الضغط .
اخطاء بالجملة ولعب ميت بلا روح وكأنهم يبون النصر ياخذ المباراة
دفاع (عز الله) انه شوارع
تمريرات مقطوعه (عد واغلط)
وسط منعزل عن الهجوم (لا ومهاجم واحد (وليت فيه خير).)
وبطء في تكوين الهجمه. و و و وييييييييييييييييياكثر الاغلاط.
عموما اللي فات مات ونبغى نبتدي من جديد (يعني بإختصار المباريات الجايه نبي النقاط في جيبنا)
ولا نبي نخسر الدوري مثل كأس الامير فيصل (رحمة الله عليه).

والله الموفق...

زعـــ( اسيا )ـــيم 16/01/2004 03:34 PM

مشكوووووووووووور على التحلييييييييييييييييييييييل ......

و بالتوفييق للهلال في المباريات الجاية .....

المرعب سامي 16/01/2004 03:47 PM

يعطيك الف عافيه..
واتمنى ان لا نبالغ في الحزن ونعطي المباراة اكبر من حجمها..
امام الهلال مواجهه عربيه يجب اعطائها ما تستحق من الاهتمام..
تحياتي

أبو الطيب المتنبي 16/01/2004 03:51 PM

أسعد الله مساءكم أيها الزعماء
والقادم خير بإذن الله
وهذي ترا بطولة النثر وحققها وتكفيه هالموسم !!
وبعدين بالنسبة للمدرب ترى المدرب له حسنات وله سيئات !!
وأنا شوف إن حسناته كثيرة وأكثر من سيئاته ..
خلني أبدأ بالسلبيات ..
من سيئات المدرب عدم قدرته على التغيير الصحيح أثناء المباراة ..
على الرغم من أنه مدرب كبير لكن ترى نظرته داخل الملعب تحس إن التغيير ما له دخل بالنهج إللي المفترض يسير سواء دفاعاً أوهجوماً ( يعني تغييراته أقل ما يقال عنها غريبة بل ترفع الضغط )
بالنسبة للتشكيلة ترى له قناعات عجيبة وإن كانت مفيدة على المدى الطويل لكن ما تصلح مع مجتمع زي مجتمع الملاعب السعودية .. تقولون لي ليش أقول لكم
هو عارف ومصرح أكثر من مرة لوسائل الإعلام إن المدافع الأول في الهلال هو الشريدة وبعده سليمان ثم المفرج وأخيراً خليل حسب الترتيب اللي هو حاطه بناء على عطاء كل لاعب في المباريات والتمارين
ومع هذا فهو يرى أنه من الضروري للفريق إعطاء الفرصة للجميع وعدم الحكم عليهم إلا بعد إعطائهم الفرصة كاملة
فالشريدة بالنسبة له معروف تماماً وكذلك سليمان أفضل السيئين في قلب الدفاع الأيمن
أما طيب الذكر المفرج فهو لم يأخذ فرصته كاملة ثم هو أصغر الأربعة سناً والبقية على وشك الاعتزال
يعني لازم ياخذ فرصته .. مهما كانت النتائج في البداية .. بس اللي مو عارفه أد دي موس إن المفرج عليه أخطاء قاتلة وأنه بطيء ردة الفعل وثقيل الحركة عند ارتداد الهجمة وخصوصاً إذا واجه مهاجم سريع ولكن الظاهر إن أد دي موس لن يعرف هذا الأمر إلا وهو مسافر و على سلم الطائرة
ترى أخطاء المدرب واضحة ولا تحتاج إلى اجتهاد !!!
لكن تعالوا ننظر إلى ايجابياته ... لكي نكون منصفين ..
منذ متى والفريق تحس أنه يلعب ككتلة واحدة يعني كفريق وليس كأفراد ..
على ما أذكر إنه من أيام يوردانسكو ..
وأذكركم بأن يوردانسكو جاء في منتصف الموسم وتغير الفريق معه نفسياً وتكتيكياً وهذا ماحدث لأد دي موس العام الماضي عندما جاء في منتصف الموسم
ومع بداية الموسم أعد المدرب فريقه بشكل جيد لموسم طويل وليس لبطولة واحدة يعني يحتاج على الأقل إلى عشرين لاعباً يعرفون طريقته كاملة عن ظهر قلب وتدربوا عليها كثيراً وهذا لايمكن أن يحدث لو أدخل اليوم المفرج وغداً الشريدة وبعده الجري وبعده الصويلح ثم يطلب الجمهور العنبر ويأتي بالعنبر ثم يطلبون فرانك ثم يقولون الشيحان
والأدهى والأمر عندما نطلب لاعبين زي الجابر ليس لأن الجابر سيء لا بالعكس فالجابر وحده فريق لكن تجهيز البديل الجيد للاعب مهم في أثناء الدوري الطويل وقبل الدخول في المباريات التي لا تحتمل الخسارة هذا تفكير جيد
لو أصيب الجابر في بداية المربع الذهبي أو قبل الدخول في نهائيات دوري أبطال العرب أو نهائيات آسيا ولم يكن البديل جاهز لقلنا أن المدرب غلطان ليش ما جهز البديل في بداية الموسم وعند المباريات التي يمكن التعويض فيها
أمر آخر نحن لا ندري ما ظروف الفريق في التمارين وما درجة تقبل كل لاعب لخطة المدرب
فنحن يجب أن ننظر لمصلحة الفريق بشكل عام وليس للاعب معين فأنا أحب الشيحان وهذا يحب الجمعان وذاك يحب الجابر والرابع يحب الصويلح والخامس يقول إن تراوري ترى ما تعرفونه وهكذا
بس المدرب عايش مع اللاعبين يومياً وأدرى باللي قاعد يصير عن قرب
بس احنا فينا استعجال زيادة عن اللزوم ونبي الفوز دائما ودون خسارة وهذا مستحيل في كرة القدم
ترى مدربنا جيد ( وطريقته إلى الآن جيدة بشكل عام )
وترى لا يوجد مدرب بدون أخطاء ولا يوجد فريق ليس فيه أخطاء ..
لكن الصبر زين والعبرة دائماً بالنهاية
وغير هذا وذاك قد يعمل الجميع كل شيء ولكن لا يوجد هناك توفيق
فالتوفيق من الله ونحن علينا الاجتهاد والعمل
والله من وراء القصد ..
أبو الطيب المتنبي ..

musaad_15 16/01/2004 03:55 PM

مشكور يابو هيا .. الجماهير تحترق ، واديموس يزيد النار حطب بأخطاءه الكبيررررره .. خاصه بعد ماحط التمياط يسار وتراورى يلعب 90 دقيقه والجابر والصويلح احتياط .. مدرب داااج .. ومعد نبي مدربين من هولندا .. انا ارشح من المانيا وفرنسا وانجلترا وامريكا الجنوبيه ..

تركي المحيميد 16/01/2004 04:07 PM

ياناس تراوري وش ضيع لاتحطون اللوم عليه لوحده

يلعب لوحده بالهجوم تعلمون مامعنى هذا الجمله يعني كل الدفاع مركزين عليه لوحده !!!!!!!!

العله والسبب وكل شيء بهالحمار اديموس الله يطمسه عن الهلال

ومانبي غير الحبشي مدرب للهلال لسبب الازمه الماليه التي يمر بها النادي

sam6×wolf9 16/01/2004 04:14 PM

أولاً / يا شباب ترى المباراة انتهت وكلها 3 نقاط ..( طبعا بالنسبة لنا ، لأن فريق النثر هذي بطولته اللي بيضيفونها لبطولاتهم التنشيطية ) ..

ثانياً / الهلال قدامه مباريات مهمة و أهم من مباراة أمس .. (صح) ولا (لأ) ..
يعني لازم نكون مع الهلال في هذه الأزمة ولا تأثر مباراة دوري على المباريات المحلية و العربية وغيرها ..

ثالثاً / بالنسبة لمباراة أمس الهلال هو المسيطر ولكن الحظ العنيد كان ضدنا و الشكوى لله ..

رابعاً / سلبية المدرب الوحيدة أمس هو اشراكه المفرج البطيء وركن الشريدة على دكة الاحتياط ..
أما بالنسبة لتراوري ما قصر هو وسيسييه بس أرجع و أكرر الحظ مو معنا عكس النثر ..



بالنهاية / أتمنى منكم أعضاء الشبكة تكونون مع الهلال مو ضده بسبب رأي مخالف للبعض ..


تذكروا دائما و أبدا :

[movel]الإختلاف في الرأي لا يفسد للود قضية ..[/movel]

القلب الأزرق 16/01/2004 04:55 PM

تحليل جميل ورائع ومنطقي جداً وغير مستغرب أبداً من ملك النت يا قاهرهم يا سامي :yes:
في البداية أحب أشكرك على تجاوبك معنا في اللجنة الإعلامية في هذه الإستضافة الجميلة بقدوم شخص مبدع مثلك :)

بالنسبة للمباراة ولآراء الجمهور وللمدرب والفريق الهلالي :

أنا لا أقول بأن اد ديموس لا يخطئ !!!! ولكن هل كان هو الوحيد الذي يخطىء ؟؟ ( سؤال يجب على الجماهير ان تعي إجابته )

لي عودة قريبة إن شاء الله

رموز الهلال 16/01/2004 05:02 PM

ابو هيا

الحكير مصرح قبل المباراة باستمرار بطاقات مسابقة الامير فيصل في الدوري.

كوكتيل 16/01/2004 05:06 PM

تسلم ابو هيا على التحليل الحلو والشكر موصول للجنة الاعلامية بعد على جهودهم الكبيرة

بصراحة اثارت انتباهي ملاحظتك بفترة التوقف وتجهيز الفريق. وهناك امر قلب المواجع الهلالية وهو مشاهدة صغار الهلال يبدعون كثيرا بينما نشاهد نجوم الهلال في هذا المستوى الباهت .

هذا المدرب يذكرني بهانغيم بعدم تعامله مع المباراة كما يجب ..


كوكتيل

كايدهم 16/01/2004 05:27 PM

بينتهي الموسم واحنا نردد نفس الاعذار ..

فرص ضائعه ؟!! خلونا نرتب اوراقنا ونصحح اخطاءنا !؟؟


ياجماعة الخير مدرب له اكثر من سنه مع الفريق موب عارف يديرها .. وش تنتظرون منه ؟!!


في اللي مايحفظه ان شاء الله هالمدرب


الوقت المعتمد في المنتدى بتوقيت جرينتش +3.
الوقت الان » 03:56 PM.

Powered by: vBulletin Version 3.8.7
Copyright ©2000 - 2025, Jelsoft Enterprises Ltd