[ALIGN=CENTER]السلام عليكم

وانا اقلب الرياضيه رأيت أسم محمد العنزي من ضمن القائمة الأساسيه
وايضا ابعاد سامي وتراوري والجمعان
يا ناس ياعالم
فيه فريق يوجد فيه سامي وتراوري والجمعان والشيحان وجميعهم يركنون على الأحتياط وخارج التشكيله
ويلعبون هالعنزي وجه النكبه الي ما ادري وين بلانا الله فيه
يقولون ان سامي ماجهز الى الآن ... قلنا ماعليه المباراه الجايه يجهز
يقولون تراوري بيتوقف ... قلنا ماعليه المباراه الجايه يلعب ... مع أني مستغرب من هالوضع يا أخي الراتب قريب اسحبو مثل مالعالم كلها تسحب وتخصم عيه ولعبوه ... المهم خلوني ساكت
يقولون الجمعان ايضا غير جاهز ... قلنا ماعليه جهزوه مع ان السبب من الأداره والمدرب ... يعني يعاقبون لاعب يخلونه على كيفه يسرح ويمرح بلا تدريبات .. والمفروض يتوقف مبارتين اكثر شيء وبس .. يا اخي مصلحة الفريق أهم

الشيء الي بيجنني أن الشيحان من يوم دخل الهلال وهو في فترة اعداد للمشاركه لأنه غير جاهز الى الآن
ياناس عقولنا معنا ولا انهبلنا الى الحين
والشيء الي يقهرك العنزي يلعب وهو أحتياط

يعني سامي وتراوري والجمعان نقدر نقول نعذرهم شوي بس ...
لكن يا اخي الشيحان وينه ياناس
والله قهر قهر قهر هاللاعب يجلس احتياط لوجه النكبه العنزي ...

لا أريد أن أستعجل الأمور للحكم
لكن من أفعال اديموس السابقه لا استغرب هالشيء

وأنا أحترت مع هالمدرب
تقدر تقول جيد
وتقدر تقول خبل

المهم الى بكره
والله يوفق الهلال

ملاحظه :

سامي اختلف مع أديموس .. وتراوري أختلف مع أديموس ؟؟؟[/ALIGN]

ياخي العزيز اتمنى انك تحط الثقة بالمدرب ...


صدقني انه راح يعمل الانسب للفريق ...

8
8
8
8
8
8
لو انت هلالي جد وكنت في محل المدرب المجنون المتخلف العبيط هذا

ماعتقد انك بتسوي الي يسويه

كيف كيف نفسي اعرف الشيحان مو جاهز مع انو تقريبا المباريات الوديه يمكن كلها يسجل هدف او هدفين ايش يبا المدرب هذا ياناس هذا المدرب ملحوس عقله


ناموسه لحست عقله

موضوع ماله داعي

الهلال موجود ومحمد العنزي لاعب جيد بل ممتاز

شجعوه بدلا من تحطيمة


والشي اللي يقهر صالح النعيمة مهو بالتشكيله


اصحوا ياجماعه سامي خلاص سنتين ثلال وماشي شجعوا المستقبل

ياخوفي يطلع لي واحد ويقول الثنيان موب بالنشكيله

[ALIGN=CENTER]هذا الي والله خايف منه !!

الله يستر بس .. وإن كان سوها ادموس والله ما عنده سالفه ؟!!

ولا يتعلم من الدروس السابقه :sad:

كل التوفيق نتمناه للزعيم دائماً وابداً ..

تحياتي . [/ALIGN]

انا والله اني احترم بقاء اديموس وخطط اديموس

لكن وربي ثم وربي لين افرح الفقر وجماهيرلاه وركن ساميو الذيب احتياط ونزل العنزي وربي ثم وربي ان لا اغير فكرتي فيه جذريا الوغد

مايكفي الدور الاول سيطرنا سيطرة كاملة ومافزنا بسبب النقص في الهجوم


اااااااه لو ذيبهم سامي ينزل بس



تحياتي لك

شوف ياخوي.... العنزي لاعب شاب وممتاز ... لكنه ماهوب افضل من سامي ولا الشيحان... والشيحان لاعب انظلم كثير.... انا مادري كيف المدرب يقول انه موب جاهز لياقيا وهو ماجربه يلعب شوط واحد على الاقل عشان يعرف... شي غريب والله يستر...

سلااااااااااااااااااااااااااام ,,,,



اخواني الذين طالبوا بعدم تحطيم اللاعب محمد العنزي

انا معكم لكن ,,,,

العنزي صحيح انه لاعب جيد واداءه ممتاز لكن ليس افضل من الجمعان او تراوري او الشيحان او سامي واول من يعرف انه ليس الافضل منهم هو محمد العنزي نفسه


لذا على ادموس ان يلعب بالافضل

وسامي والشيحان والجمعان وتراوري كلهم افضل من العنزي رغم اداء العنزي الجيد ,,,


شكرا لك ,,,,

تراه مباراه نصر يا اديموس

الروس نامت والعصاعص قامت
اجل مستقبل الهلال في رجول محمد العنزي ؟؟؟؟؟؟؟؟؟؟؟؟؟؟؟؟


اما المدرب فهو غبي و جبان وش تتوقع منه , وبعدين كيف تبغى اللاعبين يجهزون وهو يعطيهم اجازه كل يومين ...


الله يستر من اخر المشوار مع المتخلف موس

العنزي ما يعرف يثبت الكورة صح و لا يعرف يناول و لا يعرف يرفع و لا يعرف يقطع كور بس اللهم عنده حظ غير طبيعي ! وفي التسديد جيد من خارج منطقة الجزاء فقط.

يعني لو يحطه المدرب في اي مركزي النتيجة واحدة ولا راح تتغير معدا ان كان عنده موهبه في الحراسة ولا درينا عنها.

وبكل صراحة اتوقع ان يختفي قريباً جداً لوجود عدد كبير من اللاعبين الجيدين في الفريق الاول و الاولمبي يلعبون في نفس المراكز اللي يلعب فيها
---------------------------------------------------
ليش ما يلعب الشيحان مبارات كامله ؟؟
الجواب سهل المدرب موب مقتنع فيه

ليش ؟؟
السؤال لازم يوجه للمدرب لأنه الشخص الوحيد اللي يقدر يجاوب على هذا السؤال
--------------------------------------------------

وش الفرق بين اسلوب ادموس و اسلوب النصر ؟!!!!
بشكل عام نفس الشيء اسلوب جبان لا تنهجه الا الفرق الضعيفة لتقوية خط الدفاع على حساب الوسط والهجوم !!

بمعنى أخر الفريق عايش على المرتدات و الثابته زيه زي النصر وهذا اللي رافع ضغطي ومكرهني في المدرب

فمتى نرى الهلال يلعب بلعبه المعروف
الهجوم المتواصل و الضغط على حامل الكرة و التمريرات القصيرة

لا ولا ولا لغير الهلال
اصحوا ياجماعه سامي خلاص سنتين ثلال وماشي شجعوا المستقبل!!
_________________

بس أعتقد اخوي الكريم من حق سامي لعب السنتين او الثلاث لأنها من حقه.. ولا أنا غلطان ..

ادموس
اختلف مع الجميع
ويشوف الناس ماهي فاهمة كورة
وهو افهم مدرب في العالم والله يستر من تاليها
شكله بيجيب العيد ويترك الفريق
وما نقول إلا الله يستر من تخبطات هذا المنحوس
لكم تحياتي

في ظل وجود ( المربي الفاضل ) لك أن تتخيل ( أسوء ) الأشياء

دمتم سالمين