عندي سؤال ..؟
 

يعني الحين كل الجمهور السعودي ما يفهمون كوره ..؟:confused:
ياخي طلال المشعل المباراة الاولى ما قدم شي ولا حنا مقتنعين فيه ..
الحين كثير من الناس بيزعلون خصوصا عشاق طلال بيقلون اني ظالمه
الله يعيني عليهم :(
ياسر القحطاني ليش ما يشارك في ربع ساعه اقل شي ذا .. :(
طيب كريري ابو عشره مليون ليش ما ينزله بدال الغامدي من بداية المباراة .؟
:confused: المدربين ذولا عقدوني ..
الحين نكتب في المنتديات ونتناقش معقوله نتناقش عن جهل..؟
يعني حنا ما نفهم :confused: قناعات مدربين .؟ اللي يقتنع يقتنع علي سنع
موب يدوبل راسه ويقول لا عندي .. طبعا انا ما اتكلم عشانا تعادلنا ..
بس مستوى المنتخب السعودي علي انه مسيطر علي المباراة الا انه
ناقص اكثيييير فرق شاسع بين المستويات السابقه والمستوى الحالي ..
ياليت نتكلم في عقلانيه شوي ..
ممكن اكون مخطي بس مو معقوله كل يوم بخطي والله لو عيوني في اذاني
:confused: ياليت يفهمني واحد حنا ما نفهم كورة ..؟

=================

وانت وش حارق رزك يالايطالي:rolleyes: :rolleyes:

=================

حبيبي ايطالي كلامك رساله ليت توصل عشان يفهم منهو يقولك انك ماتفهم كوره واذا تكلمت قالولك شايف نفسك وكنك انت الي تفهم وغيرك مايفهم هذا رايك ولهم رأي وانكان ماذكرته اختلف معك الا بقولتك طيب كريري ابو عشره مليون ليش ما ينزله بدال الغامدي من بداية المباراة
الغامدي وجوده بلوسط مثل عدمه بعد ماخذ الكرت والله ها على اعصابي اقول هاالحكم عارفه وبيعطيه الكرت الاحمر وتفوز علينا قطر وبيخلونها تاخذ الكاس عشان يتفرجون علينا ويوسعون الصدر
مدرب منتخبنا حسبها صح الشوط الاول يبي الفوز والثاني لعب لتعادل لوكان يبي يكسب لعب تميمي هالاعب ماراح يلعبه الا اذا خسر ولا تهمك قطر الخوف من عمان
الله يسامحك
المشعلل

حارق رزي اني اعرف ان منتخبنا افضل من كذا بس ماقدر اسوي شي
------------------
اخوي المشعلل كلن له وجهة نظر نحتلف ممكن في المشعل بس الكل يجمع ان الغامدي
ماله داعي
يلعب . طيب ليش يلعب وش اللي شايفه المدرب وكل الجمهور السعودي مو شايفه ..؟

حبيبي ايطالي
اسمك والصورة التي بتوقيعك تقول انك متابع لدوري الايطالي والكوره السعوديه ماتشوفها مثل ماتشوف الدوري الايطالي او الاسباني او الانجليزي والعتب موب عليك العتب على القناة السعوديه الرياضيه الي تنقلك مباريات القنوات الفضائيه تنقلها ويعرضونها تسجيل والله مارجعنا وراء الا اهتمامنا بلغرب بجميع المجالات والرياضيه منها مما جعل الجمهور السعودي يمل لم يشاهد مباراة لدوري السعودي والمضحك تمسع توني زيد وعبيد يتصل ببرنامج يتكلم عن الفريق الانجليزي ومستواها وحرام الاعب الفلاني ماخذ كاس افضل لاعب حببونا برياضتنا خلو رياضتنا مثل المسلسلات المصريه افلام كرتون الكبتن ماجد كم جزء له لو لم يكون متابع لما كانت له كل هذي الاجزاء هؤلاء الاطفال يعرفون الاعبين الاجانب اكثر مايعرفون لاعبيين السعوديين من البلاستيشن
افلا تتفكرون قبل عشرين سنه كنه نرمي الشمغ والغتر والان نرمي المتفجرات
الغامدي هاالاعب يبيله يرتاح شوف مباريات سابقه للغامدي كان يلعب وسط مهاجم ولكن بعد ماصار يلعب وسط مدافع امكانيته الهجوميه صارت موب مثل السابق وشف مباراة الهلال والنصر بلبطوله العربيه
بمباراة قطر لاعب وسط وجناح عند ماتكون الهجمه لنا مدربنا يعجبك حتى لو لم نحقق كاس الخليج
الله يعطيك العافيه
المشعلل