نادي الهلال السعودي - شبكة الزعيم - الموقع الرسمي - قصه واقعيه ......مرفقه بلغز شعري.....ادخل وشارك

هذه القصه قديمه :
فيه واحد راح يخطب وحده من ابوها(ياشيخ يعني مهوب من الجيران) وقال ياعمي تراني جايك اليوم خطاب .
وقال الرجال له والله ياوليدي انا ماعندي اشكال ولكن لازم اسأل البنت اولاً .
وقال الرجال اللي يبي يخطب في صدره( والله العظيم الأب هذا متحضر وفاهم شكله هلالي).

.............المهم رجع الأبو وقال للرجال ياوليدي البنت موافقه وماعندها اي مانع بس عندها شرط واحد , والرجال عاد مطفوق وشين بالحيل ولا صدق ان فيه احد يبي ياخذه وقال موافق..موافق موافق (مثل بشير غنيم في طاش ماطاش) .

قال الابو وشرطها هو لغز اذا حليته تزوجها واذا ماحليته اقضب الباب ولاعاد نشوف وجهك مره ثانيه.

قال اللي جاي يتزوج : مهيب مشكله هاته وانشاء الله اني ابحله .
.................وشوي....... ويظهر من ورى رواق الخيمه هاك القمر اللي يهز الأرض هز من جماله العيون مثل عيون البومه والخصر تقول خصر بقره والشعر مثل (العوشزه) والصدر تقول صدر (ام 100 سنه قبل الهجره)
وقالت له ست الحسن والجمال : جاهز للغز ياحلو (طبعاً قالت له الجمله هاذي مع غمزه في عينها اليسرى ), لأن اليمنى تركيب (قزازه).
قال الرجال توكلي على الله .
قالت
ابنشدك يازين عن اربع طعش
........حاضر منهن اثنين وغايب اثنعش
ان عرفتهن يازين قم تعش
.......ون ماعرفتهن قم تمـــــــش *

*ملاحظه:
للأمانه العلميه في البيت الثاني الشطر الثاني يقولون انها قالت
ون ماعرفتهن قم بس قم..... هذا للمعلوميه فقط.

طبعاً الرجال ماعرفهن وقضب الباب .
والمجال مفتوح لكم الأن ياشباب اذا حليتوه تراني ابدلكم عليها تراها حيه الى الان.

ودمتم,,,,