السلام عليكم مني ورحمة الله وبركاته والف الف مبروك فوز الزعيم واخص بالتحيه اعضاء المنتدى الاحباء واصحاب السمو الملكي الامير سعود بن تركي والامير الاخ بندر بن ثامر حفظهم الله وجعلهم ذخرا للزعيم.

من جد زي ما قلت في عنوان موضوعي ياشين الهلال!!!!!
يا شين الهلال اذا رد هزيمه على احد يخليها مؤلمه جدا وجرح يصعب تظميره ما امدى الاهلاوين يفرحون بفوزهم على الهلال في الدوري والنصر بالاربعه وينسون هزيمتهم من الهلال في كأس المؤسس بالخمسه وبالثنين حتى جدد الزعيم جرحهم من جديد.
أخواني الاعزاء لا تلمون ابدا الافرقه السعوديه واداراتها وكل شخص ميوله غير هلاليه انه يضمر الحقد لزعيمنا شوفو المهزله الي سواها في الاهلي بالامس وقبلها افرقه كثيره واحكموا. انا لو اني غير هلالي واهلاوي بالاخص كان بكيت البارح شر بكاء وانا اشوف المدعو الزعيم يتلاعب بأفراد فريقي باالشكل هذا وهدف تلو الاخر هذا غير الاهداف الضائعه يعني بقي قولين وتصير كرة يد وافراد فريقي متجمدين مش عارفين وش يسون قدام هذا الزعيم الي من حق مفترس يا اني باهجر الكوره او ما لي الا اشجع الزعيم الي من حق زعيم.

هذا ولكم جزيل الشكر مني والثناء وعقبال الكاس انشاء الله ويتبعها الدوري
وارجع واقول للمره الالف الحمدلله الحمدلله الحمدلله اني هلالي

السلام عليكم
أقول قم بس قم
كلامك صح بس لو تنتظر بعد النخبة يكون أحسن
ياحبي لك والهلال بعد