=====(( شـــــباب الرياض .... وين الامـــاكن اللي فيها Art ))=====
 

السلام عليكم


اول شي مبروك لمنتخب الامارات على هالفوز الرائع امام استراليا وبالتوفيق الادوار القادمة


ثاني شي ودي اعرف من الاخوان بمدينة الرياض


وين الاماكن اللي فيها يعرضون قناة ART

المقاهي والكوفي شوب والنوادي الرياضيه زي هالاماكن عشان مانحوس اليوم

نقعد ساعه ندورها وتفوتنا المباراه


وبالتوفييييييييييييييييييييييييق للزعـــــــيم
s13s s13s s13s s13s s13s

تحياتي

[ALIGN=CENTER][TABLE=width:70%;background-color:transparent;background-image:url(backgrounds/8.gif);border:1 solid darkblue;][CELL=filter:;][ALIGN=center]

حياك اخوي عندنا بالبيت في كل اللي تبي شاهي وفصفص ووساعة صدر بس الله يعينك علىالتلفزيون 10 بوصه :D

المهم إذا تبي مقهى فيه قنوات الآرتي اللي تنقل مباريات الهلال عندك مقهى ابوهيثم اللي على طريق الدائري الجنوبي .. اللي عند مخرج 18 كأنك متجه للسويدي على طول بعد المخرج امسك الخدمه يجيك على اليمين بجانب مقهى الأمم ..

تحياتي لك
[/ALIGN][/CELL][/TABLE][/ALIGN]

هلا اخوي
عندك الكفي شوب الي في طرق الملك فهد بعد الفيصليه

وعندك مقهى الامم الي عند الفحص وهذا احسن واحد
والكفي الي عند كليه المعلمين

أقووول ارسل لي رقم جوالك على الايميل وخل عنك هالمقاهي وتعال شف المباراة عندي وانا اخوك ؛


بس جب معاك كيلوو فصفص الله لا يهينك .. :D


تحياااتي ؛؛

مشكوووووووووورين


والله من ناحية نجيكم بالبيت صعبه (( اجيك ومعاي عشره من اخوياي )) s96s


بس شرايك تجيب الريكودر حقك ونستاجر تلفزيون 6000000 بوصه

ونروح للثمامه ومعنا ماطور ونجمع كل الزعماء ونقلبها ملعب :D


على العموم يعطيكم العااااافيه على هالمواقع ومشكورين

تحياتي

فيه مقاهي طريق القصيم السريع
ابو هيثم والامبراطورة وغيرهما

وفيه دار القهوة طريق الأمير عبدالله بعد ماما نورة بس زحمة

وفيه في طريق أبي بكر الصديق قبل مخرج سته في التعاون
كوفي فيه شاشة كبيرة والدخول بعشرين الظاهر


تحياتي

حسبي الله على اللي حد شبابنا على القهاوي:upset::upset::upset:

لكن دير بالك تشيش:mad:

مشكور اخوي الفلسفه الكرويه 15

مصرقعهم اي والله حسبنا الله فيه

وش نسوي مالنا الا هالمقاهي بعد

لاكن شيشه لا ان شاء الله

حدنا شاهي والا حليب زنجبيل و7 كيلو فصفص

مشكووورين
تحياتي

حياكم كلكم بس الدخول بعشرة ريااااااااال :D

اعتقد كل المقاهي اللي عند كبري الفحص فيها art

- بسم الله الرحمن الرحيم

- أهلاً ( xxGOOLxx ) ... :)

- أخي الكريم ، هذي 4 مقاهي :

1 - مقهى ( أضواء المساء ) ، التحلية X العليا :

ممتاز ومشهور جدًا ، وطريقة ترتيب المقاعد وتقسيم الطاولات رائع ، إذا المباراة حماسية ، خذ عصير ليمون بالنعناع :) ، اجلس في الدرجة الثانية ( إذا رحت بتفهم ! :) ) ، وتصير كأنك في الملعب ! :) ، مشكلة هالمقهى (( شخص )) يعمل فيه ! ، من جنسية عربية شقيقة ، تعامله مع الزبائن ( زفت ! ) و ( غير مبالي ) !


2 - مقهى ( الفارس ) ، العروبة X مساعد العنقري ( ليلى الأخيلية سابقًا :) ) :

مقهى مريح وخدمة ممتازة وأكل يحبه قلبك ( جرب : كندا ساندويتش و ساندويتش الستيك :) ) ، وأحلى مافيه إن المدخنين جهة ، وغيرهم جهة ثانية ، ( بس التطبيق لك عليه شوي :) ) ، المقهى عليه ملاحظات فيما يعرض أحيانًا ( melody hits وطقتها ، ماأدري وين الهيئة عنه ؟! ) ، لذلك لا أقصده إلا أوقات المباريات ، وأنصح بذلك !


3 - مقهى ( دقائق القهوة ) ، طريق العليا ، شمالاً ، بعد تقاطع ( طريق الجامعة ) بـ 500 متر تقريبًا

جيد ، لا يزدحم بسرعة ، في الماضي كان تميزه في ( رخص السعر ) ، لكنه الحين بادي ( يتدلع ) ! ، أسعاره متقلبة ! ، بس ياحبّي للعمال ( الباكستانيين على ماأظن ) اللي فيه :)


4 - مقهى ( كوكب الرياضة ) ، طريق الملك فهد شمالاً ، اسلك الخدمة قبل تقاطع التحلية ، تجد المقهى يمينَا وشكله مميز ( نموذج كأس ذهبي على الواجهة )

من أقدم المقاهي المتخصصة في هذا المجال ، اسمه يدل على مجال عمله ، يتكون من دورين ( إنتبه لاتطلع فوق ! مرات ماتلقى إلا مكان ملفوز ! ، وصدقني تحت أفضل بكثير ! ) ، الجميل فيه أن أسماء الأكلات على أسماء الفرق ! ، يعني تلقى برغر ( أرسنال ) ! ، ساندويتش ( مانشستر ) ! ، فيه شي ماعجبني طعمه ! >> يمكن إنها وجبة ( ريال مدريد ) !! :) :) :)


- جميعها مقاهي مميزة ، وتستخدم أجهزة العرض ( البروجيكتور ) لعرض المباريات ..

- هذه النوعية من المقاهي تختلف أسعارها ( قليلاً ) ، بعضها يشترط الدفع للمشاهدة ، وبعضها لا ، وبعضها ( طواري ! ) مرة إيه ومرة لأ !!

- البعض يشترط الشراء بقدر معين نظير المشاهدة ( 10 ريال غالبًا ) ..

- غالبًا تتراوح الأسعار مابين ( 10 ) و ( 20 ) .. مع شراب ، وجبة ، أو بدونهما >> مرات الواحد يتحمس وينسى عمره ( مثلي ) مرة طقت الفاتورة فوق السبعين ، لا ويبيني ( أبخششه ) بعد !!

- تتوفر في المقاهي المذكورة جميعها ، القدرة على الحجز ، وتختلف الطريقة من مقهى لآخر ..

- أفضلها عندي ( 1 ) و ( 2 ) ،، لكن المهم (( يـالـغـالـي )) هو أنت ، جربها وأنت وذوقك عاد :)

- دمتم بخير ،، :)

أخوكم :: الجارف