اعتزال الموهــــــــــــــوب ... ؟ - نادي الهلال السعودي - شبكة الزعيم

الموهوب · #1 26/03/2001, 02:58 PM

السلام ... هلا والله بالشباب الطيب
عساكم ان شاء الله بخير ..

في بداية تسجيلي للمنتدى .. من تقريبا شهرين ونص ..
كنت في قمة السعادة والغبطة ..
كنت مبسوط بقوة ..
حتى اني كنت ما انام الا بعد ما امر على موقع الزعيم .. واذا صحيت من النوم .. حتى قبل ما اغسل وجهي .. اشغل الكمبيوتر .. وادخل للموقع ..

صارت لي ظروف سيئة للغاية ... ما قدرت بسببها اني ادخل للموقع لمدة اسبوعين تقريبا .. وبعد ما رجعت من مشكلتي .. اللي مفروض تكونون انتوا اول ناس يسالون عنها ..!!؟ بعد ما رجعت وكلي شوق ولهفة لاخواني في موقع الزعيم ... تمنيت بكل صدق اني .. ماراجعت ...

- بعد انتظار وملل ...
- بعد ما ضاق صدري وتحطمت من جد ..

قرر الموهوب ( اللي هو انا ) اعتزال كتابة المواضيع ...

لانه ما فيه اي فايدة من اني اكتب اي موضوع ..
وبعد ما يمر عليه ويقراه بدون مبالغةاكثر من 77 شخص ..
ولا واحد فيهم يتكرم يرد على الموضوع او حتى يتواضع علشان يرد علي ....

القى نفسي في النهاية ارد على موضوعي .. مو علشان شيء .. بس علشان ارفع موضوعي ؟؟!! ..
يمكن يقرونه الشباب .. لكن لا حياة لمن تنادي ...

على فكرة .. ترى مو موضوع واحد ... تراهم اربع مواضيع على مدى اسبوع واحد فقط .. كل ما فشل موضوع .. اكتب واحد ثاني ..
- ( واللي يبي المواضيع يروح يدورها .. بيلقاها في الصفحة الثانية او الثالثة ... وعدد الردود .. واحد .. طبعا هو انا هالواحد )؟؟!!!

- ما ادري هل انا عضو مستقصد من الشباب ..
- ام هل مكتوب على جبهتي ( نصراوي )؟؟؟
- ام ماذا ؟؟؟؟؟!!!

انا اسف يا شباب اذا كنت قسيت شوي بالكلام ...
لكن والله من حر ما فيني ... وصدقوني ..

انا ما كتبت ذا الموضوع علشان تردون عليه (( هذا اذا اصلا عندكم نيه ...) والدليل اني لو اقدر اقفل الرد كان سويتها ..
وانا الحين اطلب من ادارة الموقع تقفل الرد على موضوعي هذا ..

وانا من الحين .. اعتزلت كتابة المواضيع ..
واذا ودكم حتى ما ارد على مواضيعكم .. حاضر وممنون ..
واذا تبون بعد ... اطلع من هالمنتدى وما عاد تشوفون وجهي ... ترى من عيوني ...
لكن ما راح اسمح لكم تخلون اترك تشجيع الزعيم ... وما راح احد يقدر يزعزع حب الزعيم في داخلي ...

شوفوا هذا نهايتي صارت في موقع الزعيم بعد اكثر من 240 موضوع .. وانا كذا ما ودي احطم اللي توهم باديين في الكتابة .. من يدري ..؟؟

يمكن العيب فيني ..؟؟
يمكن اسلوبي سيء .. عشان كذا راح اريحكم مني ..
ويعلم الله قد ايش النار اللي في داخلي .. وذا اللي اقوله .. شوي من لهبها .....

بس صراحة يا شباب الزعيم ........ ما كان العشم والله ...

بعض الجروح ان جت من اغراب عادي ..... الجرح موت الجرح لا جاء من احباب ...

http://www.walhan.net/card/eli.htm

واسف اذا غلطت في حقكم ....؟؟

------- الموهوب اللهلوب ... المجروح من احبابه ...

[عدلت بواسطة الموهوب التاريخ:26-03-2001 الساعة: 03:12 PM]