مباراة لا تنساها اذكر المباراة وليش ما نسيتها
 

مراااحب لكم
الهلال والعربي الكويتي 1\0 كاس الخليج سعد مبارك
الهلال والنصر 3\0 سجل اهدافهاالحبشي التخيفي حسين البيشي
النصر والاتحاد 6\0 للاتحاد
النصر و نيسان 5\ 0 نيسان
السعوديه والمانيا سود الله وجيهم 8\0
مباراة الهلال والجيش السوري الي تعادل الهلال بهدف الصويلح المباراة ماشفتها ولا اعرف نتيجتهاوكنت اشوف كل الرياضه لقطات منها بعد ماسجل الصويلح الهدف تذكرت مباراة منتخبنا مع قطر
ياجعلكم سالمين
المشعلل

ثلاثة مباريات مستحيل أنساها مهما صار :

1) مباراة الهلال والاتحاد كأس العرب اللي فاز فيها الهلال ضربات جزاء ،
السبب : كنت حاضر المباراة ، بطولة عبدالله بن سعد الله يرحمه ، ابداع سامي في البطولة .

2) مباراة الهلال والشباب نهائي كاس الملك واللي سجل فيها سامي هدف الدقيقة 45 من نص الملعب ،
السبب : حاضر المباراة ، حرام كل هالجمهور يطلع مهزوم ، والاهم البطولة وهدف ابو عبدالله في هالوقت .

3) مباراة الهلال والترجي التونسي 1 / 0 هدف أبو يعقوب .
السبب : حاضر المباراة ، أهميتها ، الحضور الجماهيري ، روعة الهدف ..

1) الهلال و النصر 4-1 (مباراة نضاو و العليان)
يوم شات نضاو الفاول كانت الكوره طالعه بره و في آخر لحظة لفت الكورة و إتجهت للمرمى كان يغمض شاكر و يوخر عنها.

2) الهلال و الأهلي 4-0 (نهائي كأس الملك 1404)
كان لاعبي المنتخب راجعين للمشاركة بالمباراة و الكل مرشح الأهلي لإكتساح الهلال لكن حنكة الأمير عبدالله بن سعد رحمه الله اللي أخذ الفريق لمزرعة في الخرج للترفيه عنهم وإبعادهم عن جو المباراة و أثمر ذلك عن إكتساح هلالي لبطل الدوري آنذاكرغم وجود أفضل مدرب بالعالم تيلي سنتانا معهم.

3) الهلال و النصر 3-0 (نهائي كأس الملك 1409)
هذه المباراة لا يمكن أن تنسى أبدا فقبل المباراة بليلة خرج اللي إنتم خابرين للصحافة و قال لهم "سنذهب بعد المباراة لمكة لأداء العمرة شكرا لله على الفوز ثم نعود للرياض اليوم التالي للإحتفال مع جماهيرنا و إلتقاط الصور التذكارية مع الكأس" فجار الرد كالصفعة من أقدام الحبشي و التخيفي و البيشي.

و الله ذكرتني بذيك الأيام و آآآآآآآآآآآآآآآه يا زمن.....!!!!!

من احلى المباريات التي ما انسها مبارة الهلال و التجرجي والهلال وايواتا والهلال والنصر في المربع يوم يفوز الهلال 3-1

1 : مباراة الهلال والشباب 3 / 2 على نهائي الدوري
والسبب هدف سامي وتوقيته


2 : الهلا ل والاهلي المصري 1 / 0 نهائي الصداقة
والسبب ان الاهلي لاعب بجميع نجومه بينما الهلال يلعب بالرديف
وكذلك لحضوري للمباراة


3 : الهلال والترجي 1 / 0
والله يذكرك بالخير ياابو يعقوب

هلا بالمشعلل .....


وكذا عربون الصداقة وإلا فلا .

أفضل مباراة كرة قدم فعليه لعبت في السعوديه هي مباراة



الهلال السعودي - جابيلو الياباني


مدربين كانو من الطرفين قمه +جمهور غفير + لاعبين على مستوى عالي


مباراة تكتيكيه بمعنى الكلمه وليس فيها أي عشوائيه .




تحياتي لك




وللجميع





سلا اااااااااا م

مباراة الهلال والأهلي في ربع نهائي كأس ولي العهد 4/0 أيام روني

بصراحه المباراه الي عجبتني ولايمكن انساها ابداااااااااا هي مباراه الهلال والترجي طبعا انتهت هلاليه 1\0 سبب اعجابي بهذي المباره عدة اسباب ان الهلال كان في ذيك الايام كان مرعب كل الانديه وثاني شيء ان المنافس نادي النصر هو الي منظم البطوله ثالث شيء ان عبد الرحمن بن سعود جالس في المنصه يشوف الابداع الهلالي وانا احلف يمين انه كان يتمنى الهلال ينهزم في ذيك المباراه والدليل عند تسجيل النمر لهدف المباراه الوحيد ما كان يناظر الهدف كيف جاء يعني يصرف نفسه وبعد اعلاان نهاية المباراه انسحب من المنصه ومدري وين طس واتحدى الي يقول اني شفته في المنصه لحظه تسليم البطوله للزعيم وهذي المباراه الي لاازالت عالقه في ذهني والسلام عليكم

المباره الي ماراح انساه مباره الهلال وجبيلوا الياباني
3/2 للهلال

موضوع شيق
أنا بالنسبة لي
1-مباره الهلال مع الأستقلال الأيراني
فاز الهلال بركلات الترجيح,حينها صد خالد الدايل ضربة الجزاء بقدمة
2-مبارة الهلال مع الأتحاد
كأس الخطوط الجويه السعوديه
والسبب كان الأتحاد متقدم بركلات الترجيح لكن السلومي ماقصر.
3-مبارة المنتخب السعودي مع كوريا الجنوبيه
تصفيات كأس العالم 94
حينها سجل أحمد جميل هدف بالرأس في آخر الدقائق

1- مباراة الهلال والشباب 3 / 2 على نهائي الدوري
والسبب هدف سامي وتوقيته ولأن وقتها كنت في الكلية الحربية والمباراة كانت يوم أربعاء وطول الأسبوع وانا منضبط خايف من التوقيف وأنحرم من شوفة المباراة،،،،،ويوم الأربعاء من الكلية على الملعب على طول حتى أهلي ماشفتهم الا الخميس من بكرة


2- الهلال السعودي - جابيلو الياباني


3- مباراة النصر والجيش السوري
لأن الهلال كان بعيد عن البطولة وفرط فيها الفريقين وأخذها الهلال




تحياتي /

ابـــــــــــو ســـــــــــــــاره

مرحبا


في مباراه دايم تجي في بالي مباراة الهلال مع العربي الكويتي

مباراة الذهاب كانت بالكويت وانتهت بفوز الفريق الكويتي 1 / 0

مباراة الاياب كانت مثل الطوفان على الفريق الكويتي وكانت على استاد الملك فهد

انتهت المباره بفوز الهلال 6 / صفر وكان الملعب مليان وكان يدرب الهلال المدرب الشهير يوزك الكرواتي
في المباره هذي ما كان ناقص غير ان الحارس يسجل لان جميع خطوط الفريق سجلت اهداف

هذي المباره ماانساهااااا

المباراه اللي ماانساها ..


1- الهلال والشباب عام 1418هـ
السبب .. كنا معزومين عند عمي واللي بالمجلس كلهم نصراويه واهلاويه واتحاديه مافي هلالي غيري انا بس .. ومتحمس وجالس عند التلفزيون وهم يقولون لي اقلب وجهك انت وهلالك ماتعرفون تلعبون الا يوم ابو عبدالله بالدقيقه 45 نقزت نقزه عمري مانقزتها وجلست اخمخم اخوي الصغير وحاله ذيك اليوم وصفقت ولد عمي ( طبعا مزح ) بس هذيك المباراه مستحيل انساها وياليت تجيبون لي الهدف تكفووون ..


2- مباراه الاخضر مع قطر كاس الخليج 15 ..


3- مباراة الهلال والنصر في المربع 3\1 للهلال يوم ابو عبدالله جاب الهدف الثالثه بمضحي وحط الفانيله على حقت الركنيه ..


تقبلوا تحياتي


اخووكم


شفشينكوووو الهلالي ..