المشكلة ليست في الهلال .. المشكلة في الفرق التي تلعب مع الهلال
 

السلام عليكم ورحمة الله ..

بادئ ذي بدء أقول من العايدين ..وكل عام وانتم بخير ..

وألف مبروك النقاط الثلاث بعد مستوى جيد من الفريقين ..

نعم الهلال قدم مباراة جيدة في أغلب فتراتها قاسمه افريق الاتفاق مستوى ولكن بدون نتيجة

وهذه حال كرة القدم ..

ولنكن واقعيين .. الزعيم رغم مايمر به من مشاكل وبعد عن المستوى المعروف

عنه الا انه يمر أيضاً بتحدي صارم من جميع الاندية التي تلعب معه خصوصاً الاندية الأقل منه

ناهيك عن الأندية العريقة والقوية ..

نعم كل الفرق التي تلعب ضد الهلال تجند وتستنفر جميع طاقاتها وامكانياتها فقط مع الهلال حتى

ولوكانت المباراة ودية ..وانظروا حال هذه الفرق عند مقابلة أي فريق غير الهلال ..

وانتم خيرشاهد على ذلك !!!

والسبب كما تعلمون هو الهلال الزعيم .. زعيم القرن وزعيمآ سيا المتخم بالكؤوس والبطولات ..

أي ان الفرق التي تلعب معه مهما كانت أهمية المباراة فهي بالنسبة لهم بمثابة مباراة بطولة وشرف..

ضد من ؟؟ ضد الزعيم وبس ..!!!

فهل يعي الزعيم هذا ويكون لهم بالمرصاد ..؟؟

وهل يعي جمهور الزعيم هذه الحقيقة ويعذروه ؟؟

عقبال النقاط تتوالى ..وعقبال البطولة تلوى الأخرى

وان شاء الله البطولات جميعها زرقاء وبس ..

لأن البطولة لآمؤاخزة يعني بدون زعيم ماتسواش حاجة

هي عوزاه وهو عاوزها ..ومايصحش الا الصحيح;)

تحياااتي/ هدف تسلل

بالفعل لو تلعب جميع الفرق بنفس المستوى و الأداء الذي تظهر به أمام الزعيم لوجدنا 12 فريقا ينافسون بقوة على المربع و لكنه الزعيم و تاج رأس الأندية السعودية و ضريبة بطولاته العديدة.

صح لسانك
وشوف الاتفاق وش سوى

من معنى كلامك أن الهلال هو السبب الرئيسي في تحسين وضع الدوري

شكرا لردودكم أحبتي :-

Abufaisal .. أكيد ..وتلقاهم بعد يموتون حسرة كل مااخهذ الهلال بطولة

rab7_saqer .. ماعليك زود طال عمرك



BASHEER AL-JAMAL ..أكيد أخوي ..هذا ماقيه شك ..وشف حال المربع يوم طلع الهلال من

المربع العام الماضي ..يعني إذا ماجاء الهلال طرف في أي بطولة بصراحة مالها أي طعم ..

حتى الفرق المنافسة ترتاح ..أقصد النثر والاتهاد

s60s s13s s86s

والله صرتوا زي النصراويين .. تكذبوا الكذبة و تصدقونها

الفرق تلعب زين لان طويل العمر الشلهوب باشا ما يقدر يمرر 3 تمريرات صحيحة متتالية .. واذا سحب تسحبتين تلاقي بعد المباراة من يقول الشلهوب افضل لاعب في الدوري .. والوضع ينطبق على كل لاعبين الوسط

الفرق تلعب زين .. لان كل لاعبين الهلال مهم في حماس تراوري ولا سيسيه .. والله اتعجب احس انهم ولاد النادي وبقية اللاعبين هم اللي محترفين ..

الفرق تلعب زين .. لان دفاع الهلال شوربة

الفرق تلعب زين .. لان الغامدي (فييرا السعودية) مدرب الهلال يقول انه افضل من الواكد .. مستواه زيه وجهه .. واخلاقه زي #$#$#$#$#$#$#$#$#$#$#$# .. والادارة حشا انها تكلمه

الفرق تلعب زين .. اذا كابتن الفريق .. نازل والفريق محتاج الفوز .. وهو جالس يلعب كعوب في وسط 5 لاعبين ..

الفرق تلعب زين .. اذا لاعبين الهلال .. مايتعاونوا مع الاجانب .. عجبي حتى بعد ماسجلوا الهدف .. ترواري وسيسيه يفرحون لحالهم .. وبقية اللاعبين رايحين للشلهوب ... ((سعودة))