مفاجئة الموسم : بابلو إيمار الارجنتيني لنادي ..... بنظام الاعاره
 

بسم الله الرحمن الرحيم



السلام عليم ورحمة الله وبركاته :



[ALIGN=CENTER]مواصلا سلسلة مفاجآته وصفقاته الناجحة
الاتحاد يضم الأرجنتيني الدولي إيمار لصفوفه عن طريق نظام الإعارة [/ALIGN]

[ALIGN=CENTER]http://www.alwatan.com.sa/daily/2003...po.p19.n50.jpg[/ALIGN]
[ALIGN=CENTER]بــــابــــلـــــو إيـــــمــــــار [/ALIGN]

جدة: عماد عيسى
استكمالا لصفقاته الناجحة والمفاجئة هذا الموسم، توصلت إدارة نادي الاتحاد السعودي برئاسة منصور البلوي، إلى اتفاق مع لاعب الوسط الأرجنتيني الدولي بابلو بابلو إيمار الذي يلعب لفريق فالنسيا الإسباني، وذلك للانضمام لفريق الاتحاد الكروي الأول لمدة موسم واحد بنظام الإعارة من ناديه الحالي فالنسيا. ومن المتوقع حضور اللاعب إلى جدة عقب عيد الفطر المبارك للانخراط في تدريبات الاتحاد تمهيدا لمشاركته في الدور الثاني لكأس دوري خادم الحرمين الشريفين. وكان إيمار قد انضم لنادي فالنسيا الإسباني قادما من نادي ريفر بلايت الأرجنتيني الشهير، وسبق له المشاركة مع منتخب بلاده الأرجنتين في 24 مباراة دولية. ويبلغ إيمار من العمر 18 عاما( يبدو ان الغلط في الطباعه من جريدة الوطن لكن العمر ((24)) والمباريات الدوليه ((18)) انا اسف رغم اني لم اخطي )),,، حيث إنه من مواليد عام 1979. وسيكون إيمار دعامة حقيقية للفريق بجانب المحترف البرازيلي تشيكو الذي يظهر مستويات جيدة من مباراة لأخرى. من جهته رفض رئيس نادي الاتحاد منصور البلوي التعليق على خبر انضمام اللاعب لصفوف فريقه مما يدل على العمل بسرية تامة حتى تكتمل الصفقة نهائيا.
على صعيد آخر ينخرط في تدريبات فريق الاتحاد السبت المقبل الثنائي المنتقل حديثا لصفوف الفريق سعود كريري وسعيد الودعاني.


منقول منقول من جريدة الوطن




بصراحه ايمار ليس مكسب لنادي الاتحاد فقط بل مكسب للدوري السعودي ولو تمت الصفقه راح تكون صفعه في وجه الدوري القطري الذي يسعاء لضم نجوم قدمت كل ما لديها ولم يبقاء عندها شي لتقدمه بهدف رفع سمعت الدوري لكن ايمار في بداية النجوميه وعمره 24 وراح يستفيد منه عده نجوم في نادي الاتحاد وبقية الانديه

[ALIGN=CENTER]انـــــا هـــــلالي لــــــكـــــن اتمنى اتمام الصفقه سواء لنادي الاتحاد او لاي نادي سعودي [/ALIGN]

والله انه صدق مكسب كبير اذا كان هذا الامر صحيح واتمنى انه يكون صحيح والله صارت اتوقع كل شى مادام البلوى فى السالفه .

والله قهر,,,

ياليته يجي للهلال ,,,

بس مافية آمل ,,,

ولا تنسى أن الخبر من جريدة

(( الوثن )).

مااظن يجيء لانه نجم عالمي مطلوب من جميع الفرق الاوربيه

تحياتي ،،،

والله البلوي هذا بصراحه فرض احترامه علي وبقوه رغم ماكنه من كره له سابقا لكن الان فعلا انا عرفت انه رئيس عصري ومحترف ومخلص ومبدع للجمهور



واقول البلوي ليس مكسب للاتحاد فقط بل للكره السعوديه عامه

أنا معجب كبير بمنصور البلوي

لاكن بدري عليه إيمار

أيمار فعلاً لاعب كبير

ولا أعتقد أنه سيترك الدوري الأسباني ويأتي لسعودي

بعدين كيف من مواليد 1979 وعمره 18 سنه (((بالله كيف تجي هذي أكيد أخذين الجذر التربيعي لعمر باتيستوتا وزايدينه على عمر أيمار ,,,,,,,,,,)))

فكروا قليلاً قبل أن تنقلوا أي موضووووووع

وتقبلوا تحياتي

وانت صادق اخوي ،،، ايمار مطلوب من اكثر من نادي اوروبي وايطالي بالذات خصوصاً ان فتح باب الانتقالات في اروربا قريب وقته ،،، ولكن الجريده اعلاه ما حصلت شي تكتب وكتبت هذا الخبر المستحيل تصديقه من وجهة نظري ،،، ايمار النجم الأبرز حالياً في فريقه فالنسيا وسبب رئيسي في المنافسه على البطولات ورافضين فكرة بيعه لأفضل اندية العالم تبونهم يعيرونه للاتحاد او اي نادي سعودي ؟
وبعدين ايمار لاعب صغير واللاعب العالمي مثل ماهو معروف ما يجي لملاعبنا الا وهو كبير بالسن :)
فلذلك خذوها مني انا مااقول ان نسبة جيته ضعيفه ولكن اقول مستحيييييييييييل :)
والله اعلم

كثري منها ياالعفن.

ايماااااااار ؟؟؟؟؟؟؟؟

ياجماعة الخير خلونا واقعيين شوي............

اللاعب اساسي في فريق فالنسيا بالدوري الاسباني ( ثاني افضل دوري في العالم )

وعنده مشاركات في ابطال الدوري الاوربي

ويسيب كل هذا ويجي الاتحااااااااااااااااد ؟؟؟؟؟؟؟؟؟؟؟؟؟؟؟؟

فكروا ياجماعة الخير الخير شوي .........

وأحسبوها تلاقوها ماتنبلع لو تشرب وراها وايت ماء حلووووووو

إيمار .... مدرب انتر ميلان الايطالي يطالب رئيس النادي بالتعاقد مع هذا اللاعب كصانع العاب متميز

فمن ناحية صعب ان يتعاقد معه نادي الاتحاد ....... اكيد صعب .. في ظل سعي اكثر من نادي اوربي واولهم الانتر التعاقد معه .

لكن ماهو مستحيل ان يتعاقد معه الاتحاد بنظام الاعاره ... هذا إذا تمسك به ناديه (( فالنسيا )).

تحياتي للجميع ,,,

الف شكر للجميع - @البرفسور@ - هلالي2008 - عاشق &&& التمياط - الــخبــــيـــــر - الاحلام - الخثران7الهلالي - ابونايف(عاشق الزعيم) - رحال - ابوعبــدالرحمن -رايق طفشان - هــلالــي مــوت -الراعي يعطيكم الف عافيه

ياشباب الف شكر على الردود اما بالنسبه للعمر فانا اسف لكن الغلط ليس مني بل من جريدة الوطن انا اسف مره اخرى


لكن اللي ادهشني في موضوع ايمار ان منصور البلوي وعد بايمار عبر برنامج قضيه الاسبوع LBC