وبختصار وبدون مقدمات .......جماهير الرياض حقيقه ( فشيله) ولاحد يزعل مني


معقول اكثر من مباراة للهلال والجمهور يا دوب 200 هلالي.. حتى يوم الخميس. ويش حال لو ما النادي داخل الرياض ويش بيكون الحضور .....في المنطقه الشرقيه والغربيه حقيقه جماهير الهلال ترفع الراس...... والا بس ياكثركم في النهائيات وفي المنتديات والجرايد...... لا تقولولي والله مطر والا رياح كلها ما تمنع انك تروح للملعب ..ياخي حتى استاد جده اللي بدون مقاعد والله نحرص على اننا نحظر مباريات الهلال .


تكفون يا جماهير الرياض
والله 15 ريال ماهي غاليه على الهلال

<br><font size=1 color="#000080" face="tahoma">[عدلت بواسطة ادارة الموقع التاريخ:24-03-2001 الساعة: 02:39 PM]</font>

جتى لو كان كلامك صحيح ،،،، العنوان ماله داعي ابد

ياعزيزي نحن لسنا جماهير مند سه ولكن زي ماانت شايف كان الجو ممطر جدا ولوكانت المسأله مسألة فلوس احنا مانبخل على نادينا وبعدين لوتتذكر ايام البطوله العربيه اللي نظمها نادي النصر كانت التذاكر غاليه وكان الجمهور الهلالي يحظر .... ولكن باذن الله مباراة القادسيه بنروح ومباراة الأهلي ...... علشان ندعم الفريق قبل السفر الى سوريا

جمهــور الهلال في الرياض مقصر و انا اولهم .... الظروف وشي مطر .. اختبارات .. مشاغل ؟؟ هل هي اسبوعيه الظروف هذي ؟؟

فعلا الجمـهور الهلالي في الرياض مقصر جدا جدا ....

كذلك احب اقول ان كثير من الجمهور ينتقد والله مستوى الهلال ويتحدث عن المستوى السيء ! .ز فكيف انت تنتقد وانت اصلا ماتدعم الهلال بحضورك للملعب وتشجيعه ؟ اللاعبين أكثر من مره يصرحون يقولون أحضروا الملعب والبـاقي علينا وابشروا بالفـوز .. ولكن الجمهور للأسف لايحضر الا مباراة غير منقوله وبكثافه ولو كانت ضد ضمك !! وايضا المباريات النهائيه . اما بقية المباريات الجمهور لايتعدى الالف شخص !!

ياجماعه لا تنسون نظام المربع في الحقيقه هذا النظام حرق الدوري وغابت الجماهير وكل يقول الوعد المربع واطفأالحماس حتى اصبحت المفاجأه ليست ذات قيمه كفوز الانصار على الاهلي او النجمه مع الهلال
ولكن في السابق كان هناك تسابق على كسب النقاط وكل مباراة لها اهميتهاوالسقطه تكلف الكثير فكانت كل المباريات هامه من اول مباراة حتى اخر مباراة

جماهير الهلال في الرياض
 

السلام عليكم

صراحة يا أخ ( زعيم الدنيا) سبقتني في طرح هذا الموضوع المهم وإن زعل عليك بعض الأخوان أعضاء المنتدى بسب كلمة (مندسين) والتي ممكن أن تغيرهاإلى كلمة ( جمهور منازل ) فجمهور الهلال منقطعين عن المدرجات منذ فتره ليست بالقصيرة وإن حضروا فحضورهم مثل عدمه كأنهم حاضرين في عزى بعيد الشر .... ودمتم

للأسف اننا صرنا نقتبس كلمات النصر في مواضعينا : جمهور مندس - جمهور الواق واق لازم نترفع عن كذا صراحه

وشي ثاني يا اخ زعيم الدنيا انت الواضح من كلامك انك من سكان جده يعني لا كثرت لعب الهلال في الموسم الواحد في جده حول الـ 10 مباريات بس وعشان كذا لازم يكون جمهور الهلال اللي في جده حاضر وهذا موب عذر لجمهور الهلال في الرياض بس المقارنه في هذي الحاله ما تجوز

ملاحظه بسيطه : مع العلم من اني واحد من الناس اللي حضروا المباراة الاخيره ولكن تذكر ان الامطار والرياح اللي انت تقول عنها بسيطه كانت السبب المباشر في انتشال اكثر من 75 شخص في المنطقه الوسطى عن طريق الدفاع المدني واللي احتجزتهم الامطار والرياح الخفيفه على قولتك

يالغالي اظن حتى اللعب بروح وحماس الزعيم ماهي غاليه علينا ...

والا لا................ اذا ما رجع هلالنا لصورته ومكانه الطبيعي ما اظن يا الغالي حتشوف جماهير

اخواني الاعزاء

اعتذر على كلمة مندس لكن والله كتبت الموضوع وانا منفعل

لكن المشكله ماهي في المبارتين الاخير المشكله من اول الدوري .
اخوي ابو مصعب يعنى اذا الهلال ماقدم مستوى يعنى ما نحظر للملعب .......كيف تبيهم يقدمون مستوى والجماهير يادوب 500 مشجع في احسن الظروف
في الدوري الايطالي او الانجليزي لو تشوف كيف الجماهير حتى لو المباريات ميته وحتى لو انهزم فريقهم في المباراة اللي قبلها برضه الجماهير تساند فريقها عندك مثال مانشستر ان نهزم من تشلسي 5/0 لكن في الباراة اللي بعدها وصل عدد جماهير مانشستر الى 47 الف مشجع واعتقد ان الهلال لايقل عن مانشتر جماهيريه في بلدنا

اخوي زعيم الدنيا .....


اقنعتني اسف واعتذر من الجميع .........................
.............
...................
.....................تحياتي