السلام عليكم,,


الأسطورة وسفر وطلال وأبو ناصر مشرفين .. ياهي واللة أبرك ساعة
ألف مبروك ويستاهلون..

خاصة سفر ( الكاتب الرائع والشامل ) مشرف وكاتب رائع ومصمم مبدع وخفيف دم و(………) علشان مايحذفها ,, لكن أكيد عرفتوها :)

بس خلوا عنكم سفر راعي أخلاق ويعجبكم .. وعندي لك سؤال ياسفر ,, وش في المنتدى مليان مواضيع أرانب وبقز بني ومدري وش بعد؟!!!!!! واللة ضيعتوني معكم ..

لكن في النهاية عرفوا يختارون وسفر إحتل مكانة الطبيعي والحق ينقال إن منتدى المجلس العام كان قايم على سفر وعاشق نواف وجابر العثرات ..

وهذا الكلام مافية أي مجاملة,,
إلا وين عاشق نواف مالقبت لة مواضيع!!! عسى مايكون متاثر لين الحين من صدمة طهران .. طمنونا عنة ,,

وطلال صحفي المنتدى الرائع وبروحة الحلوة ومجهودة الجبار في المنتدى يستاهل كل خير .. عساك لقيت لك عروسة :)

وأبو ناصر أيضا بان معدنة الأصيل أيام طهران وساهم بوقوفة المشرف بالمواضيع العاقلة والمتزنة في حفظ صورة ومكانة المنتدى.. ويستاهل كل خير,,

أما الأسطورة فتعرفون رايي بة ومايحتاج أكثر كلام عنة ,, والحمدللة إنة صار مشرف ( صار عندي واسطة ) :) لأول مرة في حياتي وياويل إللي يتعرض لي فاهمين ( أمزح ),,


شكل موضوعي مغبر وعداة الوقت لكن حبيت أبارك وأهني من يستاهلون بدون مجاملة أو تملق .. ألف مبروك مرة ثانية وإنشاءاللة المنتدى بيتطور للأحسن مع هالكوكبة الرائعة..


سلامي للغريب والموج2000 أيضا,,




ريــم

هلا والله
 

اكيد المفاجأت راح تكون كثيرة واصبروا على المشرفين شوي
انا متاكد من كلامي
زي ما انا متاكد اني قاعد اكتب واشخبط في وحده من صفحات الانترنت














زعيم والله زعيم

شكراً أختي الغالية ريم ...

ورسامنا العزيز والمبدع سعد الهويدي ... بإذن الله بتشوفون كل اللي يعجبكم ...

وبإذن الله نكون عند حسن الظن ...

ولكم تحياتي ...

أخوكم / سفر المرزوقي .

الغاليه ( ريم ) ,,,

ياهلا فيك ياغاليه ,,, :)

وعسى الله يبارك فيك يارب , وباءذن الله ان المنتدى سيتطور للافضل ويصبح ينافس المنتديات الرياضيه العالميه (ليه لا ؟ ) :) فجميع اعضاء منتدى الزعيم يساعدون اى منتدى للوصول للعالميه كما وصل نادينا الحبيب الهلال للعالميه ,,,

واخواني الغالين (سفر وطلال وابوناصر) يستاهلون كل خير , وأختيار موفق من اداره المنتدى , وهم على قدر كبير من المسئوليه ,,,

وباءذن المنتدى سيتطور للافضل والافضل بتكاتف الاعضاء مع بعضهم البعض ,,,

وتقبلي خالص تحياتي لك ,,,

أخوي ورسامناالغالي (سعد الهويدي) ,,

ياغالي نوعدك بقدر استطاعتنا اننا نرضيكم ونحقق تطلعاتكم , والايام القادمه ستثبت ذلك :) ,,,

وتقبل خالص تحياتي لك ,,

طلتك البهية هي المفاجاءة
 

اهلين وسهلين ..اختي العزيزة : ريم الهلالية ...الف شكر لك ....واعتقد ان سفر والشباب موب مقصرين ويستاهلون بس اصبروا عليهم شوي وادعوا لهم بالتوفيق :) :)

تحياتي واشواقي :)

السلام عليكم:
الحقيقه انهم يستاهلون وقلنا من قبل انهم يستاهلون مع اني ما اعرفهم الا عن طريق كتاباتهم واحياناً القاهم على الماسنجر ....وسفر من يوم مسك خانته وهو مبدع يا ليتك ظهير ايسر كان مسكوك خانة الرجال الي صايره كنها الدائري الجنوبي :)
اخوكم سداح :)