08/11/2003, 01:06 AM
|
موقوف | | تاريخ التسجيل: 08/08/2002
مشاركات: 89
| |
خوف والا مثاليه والا وشهي بالضبط ؟ ==> ماجد يقول الحق ونجيب ساكت مانطق <== اخواني الزعماء :
شي عجيب الي يمر فيه الهلال , صدقوني انه شي ولا في الخيال , الهلال صار لعبه , صار مضحكه , صار تلهات يتلهون فيها الي ما يخافون ربهم .
صار أي واحد مهما صغر حجمه واحتقر قدره يقدر يتكلم وينال من الهلال ويسب ويشتم فيه وادارتنا نايمه ملء الجفون لا قادره تسكت هالظلام والحاقدين والمعدومين الضمير ولا حتى قادره انها تضبط النادي وتديره صح في الداخل !!
من مهازل اللاعبين ومشاكلهم الي ما تنتهي ومن دلعهم وهذا المدرب مانبيه وهذا المدلك جيبو غيره , مرورا بالعقم الاداري الرهيييييييييب الي متكدس بالنادي ناس والله اغلبيتهم صور وسد فراغ عن قولة مافيه اداري , ناس نامو بالليل وصحو لقو انفسهم في اماكن مسؤولية لاهم أهل لها ولا قاله الله
وانتهاء برئيس مو قادر يدير النادي ويوصله الى بر الامان حتى من الداخل مو قادر يضبط الاوضاع علشان نتامل فيه يرد حقوق الهلال المسلوبه او يدافع مدافعة قويه من الاعتداءات الي تضرب النادي من الخارج .
والله من جد أقولها الرئيس مو قادر يملى كرسيه , ما ادري هل هذي هي حدود طاقاته ؟
والا السبه هي المثاليه الي اتخذها عنوان لادارته حتى صار البزر يتطاول على النادي حتى قبل الكبير ؟
اقولها وربي وبكل ألم وحسره على الهلال وحال الهلال الي يتهمه أمثال البلتاجي بالرشوه بدم بارد ورباطة جأش وكان الي يقوله هو حق يشوفه حتى العميان !!
مصايب كوراث صرنا نعاني منها مع انها مهيب جديده , وهذا هو قدر كل نادي متميز ان الانذال والاوباش والصغار يحاولون يتطاولون عليه لدرجة ان تستأسد قدامه الفيران ولكن كانت ماتهمنا على الاطلاق لأنه كان عندنا مناعه ضدها وسد منيع وحامي بوجه كل متطاول وسور هائل يعزل الاطفال وخربشاتهم عن اللب والجوهر والكيان الهلالي الازرق الخالص
كان الاثر فقط خربشة ورعان , والتأثير شبه معدوم والانطلاقه الزرقاء تدوم لكن الان اختلف الوضع
وصار السور العظيم جدار قصير حتى المحرول يقدر ينطه . وأي بزر ينطل حصاة راح توصل لمكتب الادارة مباشرة وتشعط معاها الاثاث والقزاز هذا اذا ما كسرته وهشمته فوق رؤوس الهلاليين
والله مو ناقصني من هم وغم الا الي شفته اليوم من نجيب الامام في التحليل الرياضي لمباراة الاهلي والنـ صر
مع انه يمكن يكون في نظر البعض شي تافه ولكني أشوفه جزء لا يتجزء من سياسة السكوت عن الحق والمطالبة فيه الي تمثلت في ادارتنا الموقره الحاليه
بطاح البيشي كما يسميه احد الشباب يمارس هوايته كالعاده ويلحس عشب منطقة الجزاء الاهلاويه طمعا في الصافرة المعتاده من الحكام والله لا يخلف لهم عويده برضبة جزاء ولكن الحكم في لحظة تجلي للضمير وبهالشهر الفضيل قرر انه يحكم بالعدل ويمشي اللعب ولا فيه خطأ ولا هم يحزنون .
ويسأل بتال القوس نجيبنا عضو ادارتنا ( الشيك ) عن رايه في في اللقطه وهل هي ضربة جزاء والا لا وقعد لك خيونا ساعه يتأتأ ويفأفأ ويحوس ويدوس وكانه الكلمه اعترضت في حلقه
هي مهيب ضربة جزاء وهو عارف هالشي تمام وواثق منه ولكن خااااااااااايف يقول
مثله مثل السلك الاداري الهلالي وهو ترا عينه تمثل الشريحه الاداريه تمثيل كامل
مو قادر يقول الحق في اللقطه هذي لأنه هلالي , والهلالي مثالي , والمثالي يا حلالي لسانه مقطوع
يفترك بتال ويسأل ماجد الي زحلقها على صابونه وقالها مااااااااااااافي بلنتي , رفيقنا قاطع ماجد يحاول ينقذ ما يمكن انقاذه لأنه انفضح قدام العالم وبانت الحقيقه المره , ان الهلالي يولد بدون لسان |