مبروووووووووووك الفوز في مباراة الكأس

إقتباس ومبروك فوز الفريق بالأمس على إيفرتون برباعية ولا أحلى وكان نجم المباراة دون أدنى شك فيليبس اللي لعب كأنه يلعب مع عيال حارتهم أيام ماكانو يحطون البيبان حصى

زين والله الله يبشرك بالخير .. ماتابعت المباراة .. كنت أحط عليها إذا شفت فيه تغيير في النتيجه على موقع لايف سكور عشان أشوف إعادة الهدف .. لأني كنت أتابع الريال الملكي

إقتباس قدم مستوى ممتاز في كلا المباراتين وفاز بهما وسجل 6 أهداف في مجموعهما بعكس فريقك يايزيد اللي انصقع 6 في مباراة وحدة << بيتشوت

في مباراة إيفيرتون ما أقدر أحكم .. لكن الكتاب باين من عنوانه ... 4 .. أكيد ان شاء الله إن اللعب كان لابأس فيه

أما مباراة الليفر فالمباراة كشفت للجميع الفارق الكبير بين تشيلسي وليفربول .. سواءً هجومياً أو دفاعياً ...

وحتى على مستوى التحكيم .. تشيلسي إنظلم كثيراً ومن الممكن أن ينهي المباراة برباعية بكل سهوله .. ولكن لم نحتج أو نتبكبك كعادتنا في هذه الرابطه حفظنا الله

تصدق يابو عابد على طاري التحكيم .. قريت رد لواحد من حقين ليفربول .. يقول فيه .. إن ليفربول لهم بلنتي

وحاط مية خطأ على تشيلسي .. لدرجة إني شكيت إنه يتكلم عن مباراة الدور الأول لأني ماشفتها

لو إني حكم ذيك اليوم كان ( سطرت ) حارس ليفربول بكف ... همن طردته ... لعب مهبل ... يتوطى في بطن الرجال .. همن يضرب روبين !!

والله قليل أدب

يالله بالتوفيق اليوم يارب قدام البورو << عليهم إسم

@ وفيه سؤال ثاني ياشباب وش قصتكم أنتم مع مانشستر بالنسبه للاعب النيجيري ميكيل
يقولون أنه فيه هوشه بينكم بتوصل للفيفا الي يعرف السالفه يعلمنا الله لايهينه

انا ياشباب من عشاق البلوز صاحب اللعب الممتع

وهاردلك الهزيمة الثلاثية لكنها ان شاء الله كبوة جواد

والقادم افضل

[align=center]السلام عليكم ,
هارد لك ياشباب الهزيمة والبورو يستحق الفوز لان تشيلسي ماقدم اي لعب يذكر ,
المباراه من بدايتها كانت واضحه من خطوره البورو ( انا كنت خايف من هالمباراه من زمان ) ,
لان بالذهاب ومن يذكر المباراه مابغينا نفوز الا بالقوه , لكن في الاياب توقعت الهزيمه ,
انا معك يا اسير مورينهو هو السبب في الهزيمه كلها ومو السبب الوحيد انه مادخل فيريرا ,
انا مثلك مستغرب بس السبب انه تسرع في التبديلات بالشوط الثاني والمفروض انه مابدل على طول ,
ومابلشنا الا جالاس لما أصيب راح فيها الفريق ! , مانيش قدم الي عليه بالوسط وايسيان صراحه افضل لاعب بالمباراه ,
وتيري ماكان في مستواه ابدا ابدا وكارفالهو <---- لاتعليق ابد ,
وكريسبو ماينلام محجور محجور , ولامباارد كان يتحرك صح بس يخسر الكور كثير كان فاقد تركيزه بالمره ,
ولا قدر يسيطر على عمره , جودي لو انه برا التشكيله الاساسيه كان احسن قسم بالله ! ,
روبين قدم كل الي عنده وجوكول المفروض مورينهو عطاه فرصه لان اللاعب كان يتحرك صح صح ,
رايت فيليبس مقرود المسكين مالقى نفسه في تشيلسي ابدا , ومستواه امس كان سيء ,
انا مالفت انتباهي امس الا كارلتون كول مع ان الفريق كان منهزم الا اني اشوف انه قدم مستوا جيد واضاع فرصه
الهدف الي بالقائم ,
على العموم هارد لك وماهي مصيبه اذا انهزمنا ومع العلم انها ثاني هزيمه بالدوري ,
لكن ان شاء الله مورينهو يركز اكثر في كيفيه وضع الدفاع والوسط ,
وقسم بالله يادروجبا انك مسوي فراغ ومسبب ازمه بالهجوم في غيابك ! ,
بالتوفيق لتشيلسي في المباريات القادمه وان شاء الله نشوف الفريق احسن وافضل في رجوع دروجبا ,
وهارد لك مره ثانيه ولازلنا بالصداره ولا زال البلوز هم الاقوى
تحياتي لكم[/align]

هاردلك الخسارة الثقيله،،،