مساكم الله بالخير يا شباب....كيفكم ...مبروك علينا كلنا تاهل الزعيم...
انا من الناس اللي غير مشتركه بال:art وكنت مخطط اني أذهب للمقهى علشان اشاهد المباره هناك.لا ني مش من سكان الرياض....ويا ليتني من سكان الرياض في ها المباره .ما اطول عليكم .كنت متواعد مع صديق عزيز (نصراوي)أن حنا نروح مع بعض.طلعت من العمل الساعه تسع ونصف...المقهى بعيد عن مقر عملي...كلمت صديقي قال انا بعيد عنك...رح أحجز محل وأن بجيك....في الطريق الى المقهى..كلمي واحد من الشباب هلالي على الموبايل قالي : ما نقلو المباره في التلفزيون؟؟؟مسكين خوينا ما عنده خبر...قلت له المباره مشفره .قال لي : كيف بتشوف المباره.قلت له انا رايح للمقهى. تجي معي...قال مر علي...مرت عليه ورحنا للمقهى......يااااااااااااااااااااللهول....؟؟؟؟ وش ها السيارات....وين بنلبق سيارتنا....لقينا لنا محل يا دوب....نبي جلسه فاضيه ؟؟؟ماااااااااااافيه...كله فل؟؟؟؟فوق...تحت...برا في الهواء الطلق..ما فيه...انا وصديقي واقفين حالنا حال غيرنا من عشرات الشباب...يبون محل ما فيه...ونجلس ندور على الجلسات وننظر بعين العطف لكل من هو جالس ويتفرج على المباراه عله يعطف علينا أو يحن يخلينا نجلس معهم نشوف المباره...ما أحد معطينا وجه....راح من عمر المباره 25 دقيقه...وقفت عند جلسه ما بها الا واحد جالس يحرق في الشيشه ومنسجم مع المباره...ثم أشر لي بيده...تفضل...ما صدقت على طول أزرق نفسي معه في ذيك الجلسه ثم انادي خويي اللي معي الهلالي...لان النصراوي ما بعد جاء...
قالي : ترا فيه شباب بيجون بعد شوي؟؟؟يعنى افهموها...اذا جو...ضفو وجيكم...قلنا له : اوكيه...جلسنا معه...بدو يجون ربعه واحد ورا الثاني...ثم خلاص...صكت الجلسه...قلنا عن اذنكم ..ضيقنا عليكم..واحلفو الشباب...ما تمشون ...اجلسو معنا..لو نوقف كلنا من الضيق...يكفي انكم هلاليين؟؟؟ صدقوني...أخنقتني العبره ....فرحت فرح كثير ..لاننا في ذيك الليله كنا يدا واحده وقلبا واحدا من اجل الزعيم..
جاء هدف الجيش ؟؟؟وبدأ بعض النشاز والحاقدين با لصياح والفرح و الشماته في زعيمنا....وش نسوي فيهم...نتضارب معهم.....الله كريم....مع مرور الوقت فرح الحاقدين يزداد...وشماتتهم فينا وفي زعيمنا متواصله.....يوم جاء الفرج من الله ثم الصويلح....الله ما أعظم تلك اللحظه...صدقوني كأننا في الملعب.....تزلزل ذالك المقهى من الارض ثم نزل ثانيه من صوت وفرح جمهور الزعيم...
أتضح أن الزحمه ناتجه من جمهور الزعيم....بدأنا في الصياح على الحاقدين وفريقم الحالمي وحرقناهم حرق.... ثم طقو اللطمه وضفو وجيهم غير مأسوف عليهم...والله يا شباب ان المقهى مليان عن بكرة ابيه كله من أجل الزعيم...هذا مقهى واحد بس....فما بالك في باقي المقاهي...
الله يزيد ويبارك في جمهور الزعيم...وأنا ما كنت غلطان يوم أخترت توقعي...لانه نابع من احساس صادق تجاه الزعيم.

أسف على الاطاله....ولكم خالص تحياتي

الله يعطيك العافيه اخوي ..

بس تخيل لو الي بالمقاهي هذولا بالملعب مع الي حضروا انت معذور يمكن عشانك برا الرياض لكن انا اقصد الي بالرياض ولا حضروا مع ان والله الي جوا ماقصروا ساندوا وشجعوا وحمسوا الاعبين لكن تخيل لو كل الي بالمقاهي بالملعب كان تشوف 120 الف مشجع زعيماوي وممكن مااضطرينا اننا نجيب هدف بالدقائق الاخيره كان مرتاحين من اول المباراة من كثر الاهداف ترى الجمهور له دور كبير مره بالنتائج لكن يالله المباريات الجايه نكون يد وحده بالملعب ..


تحياتي اخوي

طبعا أن أعمل في ينبع الصناعيه ولأن المباراه مشفره في الART ذهبت إلى أحد المواقع التي تعرض فيها المباراه (لا بارك الله في من شفرها) المهم دخلت ولكن للأسف فالمباراه المعروضه هي مباراة الإتحاد والمكان عن بكرة أبيه مليئ بالغوغائيين من هذا الجمهور الجاهل. ولم يكن هناك مشجع واحد يشجع الهلال. فأنسحبت بهدوء وحاولت أشاهد المباراه بأي طريقه فلم أستطع فعدت أدراجي إلى البيت أجر الأسف والندم وأدعو على من شفرها وشكرا.

الله يعطيك العافيه اخوي ..

فعلا



لقد حصل لي مثلك تماما ولكن المكان كان محجوز من زمان



تحياتي لك


وللجميع


سلا اااااااااااااااااا م

انا مع راي اخوي ابو طاقية ياجماعه لو كان الجمهور الهلالي اللي راحوا للمقاهي بالملعب كان شفتوا زعيم ولا أحلى ياناس الحضور الجماهيري بالملعب له مردود طيب على اللاعبين والجهاز الفني والإداري صدقوني واتمنى من الجمهور الهلالي الحبيب يحضرون مبارايات الزعيم حتى يكون الهلال بدراً في أي مباراة يخوضها ويتركون عنهم جلسه المقاهي ........

وإذا كانت جلسه المقهى ضرورية ليه ماتكون بعد المباراة وبعدها الله يوفقكم كل يروح وين مايشتهي بس بنفس مرتاحه لأن الزعيم راح يريح اعصابهم بعد حضورهم للمباراة .........

وبالتوفيق للزعيم وجماهيرة العريضة .......... والى الأمام .............

ولكم تحياتــــــــــي،،،،،،،،،،،،، هلالي نجدي،،،،،،،،،،،

ليش



ما نقوول احتجاج ومقاطعه




سلا اااااااااااا م

اما انا شاهدتها على ART ومعاي صديقي نصراوي منسجمين ومولعين ذيك الشيشة وصديقي يبغى يشرب ماعطيته منسجم مع المباراة والشيشة كل حين يقول عطني وانا تاركنه يوم جي هدف للجيش تركتها وراح هو مستانس شيشة وهدف للجيش وهو نصراوي المهم قلت عطنا اشوى موراضى يقول انت من اشوى مت راضي تعطيني مو راضي مسك الشيشة وهو يشرب المهم جي هدف للهلال رمى الشيشة وطلع زعلان مررررررره ههههههههههههههههههههههههههههههههههههه واقوم انا اسوى حجر ثاني لحالي هههههههههههههههههه
تحياتي وآسف على الاطالة ...

وش دعوة كلكم محشيشين اااااااااااااا اقصد تشيشون......

المهم ما علينا ....... بالتوفيق للزعيم مشفره ولا غيره.........

هذي مسلسلات وين طاش عنكم وعن معناتكم

موضوع سوف اقدمه لاسرة طاش ماطاش التشفير وماذا يعمل في الناس

الله يكثر من أمثالك أخوي (بخيت)

لا بارك الله في ART هي وتشفيرها
ياخي اشتروا ابو ظبي ونشترك عندكم ولا تبون نشاهد دوري الابطال بس وش الفايده؟
لا ايطالي ولا هولندي ولا.....!