لاتفرحون انكم تبي تشوفون هلال مثل الناس يوم الاحد قدام الجيش لأن المدرب اديموس رايح رايح والمثل يقول اذا كنت رايح كثر الفضايح هذا غير انه مدرب جبان يعني الخطة 8 دفاع و2 محاور والظاهر انه يبي يجيب العيد بدري مع ان العيد باقي عليه 23 يوم( المباراة يوم 7/9) ...

هذا المدرب اما اللاعبين نفسياتهم رايحه وطي ومعنوياتهم مدحدره من عقب ايقاف الجمعان وسامي والتحقيق مع الشلهوب يعني زين منهم ان حافظوا على التعادل ...

عشان كذا انا اقول ولا تقولون عني متشائم ان الهلال بيطلع من البطولة العربية مهوب سوء فيه لكن الظروف متكالبه عليه والمثل يقول اللي هذا اوله ينعاف تاليه ...

فانا اقول احسن شيء يسويه رئيس النادي عبدالله بن مساعد هو تهميش دور المدرب ويحط الخطة والتشكيلة هو مع التشاور مع حسين الحبشي ويعاند اديموس اللي يحبهم ويلعبهم اساسيين يطلعهم بره مثل المطيري بندر والعنزي وأول واحد يلعب هو حسين العلي بكذا نضرب عصفورين بحجر اول شيء نقهر اديموس والشيء الثاني نحسس اللاعبين انهم تخلصوا من هالمدرب وخطته العقيمة بخطة اميريه نسب للامير عبدالله بن مساعد خاصة وانه يلعب كوره ويفهمها ....