إذا يا المشرفين بتحذفون من موضوعي لا تدخلون
 

السلام عليكم ورحمة الله وبركاته.. بصراحة بعد موضوعي اللي كتبته بعد مباراة الهلال والشباب والتشطيب

اللي صار لبعض فقراته قلت مابدهاش ماعاد كاتب في المنتدى..لكن بعد الصورة اللي شفتها للشبك المحطوط

عشان الجماهير ما تدخل خلتني أكتب.

أنا من أول قايل مدرب من جنبها بس الظاهر يوم قال أنه مكتشف رونالدو وأنتم مصدقين بأن فيه أمل يطلع

من هلالنا رونالدو!!

ورئيسنا لاتزعلون علّي هو يبغى يخدم الهلال بس لللأسف اللي معه من جنبها،،واللي رفع ضغطي يوم أصيب

سامي الجابر من بكره دخلوه مستشفى المملكه ثم فرنسا وسافر معه،، يعني ماتتوقعون اللاعبين بيشيلون في

خاطرهم بعد هالحركة .. البلاء مو في مدربنا بس الكل مشترك وأنت يامن تقرأ الموضوع سبب لأنك تسكت ولا

تكتب ألا من بعد مايطيح الفاس بالراس..

وجهة نظر خاصة فيني( أرجو على كل من يرد على موضوعي يعطيني رايه بوجهات نظري)
· التعاقد مع الشيحان أكبر خطأ لأنه معطوب
· سيدي بدارا من جاء للهلال وهو عله وكملت بأصابته
· هكتور كوبر مدرب الأنتر سابقا هو الأفضل للهلال
· تراوري يا يعطونه فرصه زي الناس ولا يوخرونه
· قاتو الله يستر لايصير مثل الكاتو

وأخيرا نرجو لهلالنا دوم العز

____________
هكتور كوبر مدرب الأنتر سابقا هو الأفضل للهلال
____________

ماتحس انها قوية شوي ؟؟

انا اشوف يااخوي اننا نحلم على قدنا ..
يعني لو جا اساد (( مدرب النصر العام الماضي )) يكون جيد ..
ولكن يجب ان نعطي فرصة لاديموس الى نهاية مبارات الاتحاد ..

ولك شكري وتقديري .. :)

وليه هيكتور كوبر قويه هذا العين جاب متسو محد قال قويه هيكتور الحين ما يدرب اي نادي ولكن انا رائيي اننا نستمر على اديموس ورانا الاسيويه وهو ادرى بالفريق

نجم الهلال

الله يرحم والديك يالغالي ..........تبي فرصه اكثر من كذا ..............!!!!!!:(:(:(
اخوي فاقد الشيء لا يعطيه ابداً.....!!!!!

اخي
الواقعي

وجهة نظرك بالشيحان اعتقد انها خاطئه فالشيحان بإذن الله سيعود لمستواه .......ونبي نصبر عليه
زي ما صبرنا على الرويسي وبدرا خان...!!!!!!!!!! وانا من وجهة نظري وجوده رغم اصابته افضل بكثير من وجود لاعبين متعافييييييييين ولكن ليس لديهم اي شيء يقدمونه للزعيم والامثلة كثيره..

اما تراوري يجب اعطائه الفرصه وانا معك في ذلك..

القاتو........الله يستر بس

أما الاداره فأنا ابصم لك بالعشره انك صادق.....1!!!!
اما من يقوول غير ذلك فل يجبني اذا على تسألي هذا ...!!!!!
نائب الرئيس ما علاقته بالكره ...؟؟؟؟؟ وهل من غير المعقول وجود منه اجدر منه أما أنها العلاقة الشخصية والصداقة هي التي جلبته للهلال؟؟؟؟؟


الف شكر لك .

اخوي الواقعي انا معك انت واقعي في بعض ماقلت
لكن الشيحان مكسب وسترى ان شاء الله .
اماتراوري فقد اثبت انه غير صالح واعطي اكثر من حقه وواحد ما يلعب الا برجل وحدة ما فيه خير وخاصة اذا كان محترف ومدفوع فيه كم وقدره !!
اما المدرب فصدقني اي واحد بيكون افضل من النكبه الي يدافع قدام الطائي والشعلة .
اما اللاعب القاتو فعلا عسى ما يكون مثل اللي انت خابر قاتو الطمره سابق الكوره .