19/10/2003, 10:07 AM
|
| زعيــم متألــق | | تاريخ التسجيل: 01/03/2002 المكان: قلبي تولع بالرياض حب ورث به من جدود ياسعدنا سعد الفياض زرعت الصحراء ورود
مشاركات: 1,250
| |
|
سمو الأمير سترتكب أكبر غلطة إن كان هــالكلام صحيح ....؟؟؟
بندر المطيري ...أحمد الجري ...عبدالله العنزي ..عبدالله غازي ....
كل هؤلاء يلعبون بخانة الظهير الأيسر ومع ذلك يبحث الهلال عن ظهير أيسر بمفاوضاته مع اللاعب البارد سعود خيبري ...
والله إني تابعت مالايقل عن ست مباريات وكنت مركز فيها على سعود الخيبري "الظهير الأيسر" بنادي الطائي ....لاعب عادي جداً .. جداً
ولو فيه درجة أقل من العادي لأعطيتها إياه .... مليون ونصف  والله حرام ياسمو الأمير ....ولن نلوم الجماهير إذا قالت بعد هذه الصفقة بأنكم تبعثرون الأموال وانتم في أمس الحاجة لها ....
مليون ونصف ياسمو الأمير تجيب لك 15 "خمسة عشر " لاعب موهوب من الحواري وصغار في السن واسألوا ابوذكرى عن صحة هالكلام ...
مليون ونصف ياسمو الأمير تجيب لاعب في المحور واللي لنا سنتين واحنا مالقينا من يسد هالخانة باقتدار ..
مليون ونصف ياسمو الأمير تقدرون تعطونها الجمعان وتجددون عقده خمس سنوات وبعدها ترتاح من الإتحاد وبلاويه ...
مليون ونصف ياسمو الأمير تصرف فيها راتب شهري رجب وشعبان ....
مليون ونصف ياسمو الأمير بإمكانكم أن تسدوا بها مصروفات الناشئين والشباب واللي يعانون بعض الأحيان من قلة ذات اليد ...
مليون ونصف ياسمو الأمير بإمكانك أن توفر بها وسيلة مواصلات للصويلح والعنزي وغيرهم من اللي حالهم على باب الله
سمو الأمير ....الله يرحم والديك  لاتــتــسرع
على فكرة :
من لم تسعفه ذاكرته في تذكر سعود الخيبري ...فعليه بالرجوع لمباراة الهلال والطائي واللي انتهت 6/0 وشوفوا وش سوى الدوخي بالخيبري في تلك المباراة ....فقط شاهدوا تلك المباراة وحينها ستعلمون أنه لايستحق أن يرتدي شعار زعيم آسيا ...وللأسف هالشعار صار يلبسه اللي يسوى واللي مايسواش ... |
الوضع العادي
