|
لدي اقتراح بودي ان اقدمه للأخوان وارغب في البدايه اشوف عدد الموافقين معه او المصوتين ضده . وفحوى الاقتراح انه هل يوافق كل عضو هلالي في هذا المنتدى ان يتبرع شهرياً لناديه الهلال بمبلغ خمسين ريالاً تسدد لحساب خاص بالنادي يفتح لدى احد البنوك ويسمى حساب تبرعات اعضاء منتدى الجماهير الهلاليه ويرفع طلب من ادارة الموقع لصاحب السمو الملكي الامير بندر بن ثامر بالتفاهم مع ادارة النادي بمنح العضويه الشرفيه للعضو المتبرع . كما تمنح ميزه اضافيه من ادارة الموقع لذلك العضو بمنحه مرتبه شرفيه في المنتدى . اعزائي لو بحسبه بسيطه استطعنا ايجاد 1500 عضو متبرع شهرياً بمبلغ 50 ريالاً شهرياً كحد ادنى لأوجدنا دخلاً شهرياً ثابتاً لنادينا قدره 75000 خمسه وسبعون الف ريالاً وهذا اقل ما يمكن عمله تجاه هذا الكيان العظيم الذي ما اكثر ما ادخل السعادة والبهجه على قلوبنا وميزنا واعطانا الصدارة على الجميع محلياً وخليجياً وعربياً واسيويا ًوكما تعلمون احبتي فأن ناديكم يعتمد على اعانة الدوله التي تصرف عن طريق اتحاد كرة القدم وعن طريق اعضاء الشرف الذين لا يألون جهداً في سبيل رفعة وتقدم الزعيم . |
الأخ العيار ..الموضوع جميل والإقتراح رائع بيد انني احبذ دراسته جيدا من قبل ادارة المنتدى ومن ثم رفع النسبه او تركها مفتوحه لرغبة الأعضاء على ان لاتقل عن المبلغ الذي اشرتم اليه |
اقتراحك مقبول واظن الجميع يوافقونك الرأي , وان كان كلام اخوي عايش حلو بان يكون المبلغ مفتوح بحد ادنى خمسين ريال . |
الاخ العيار اقتراحك جيد ولكن ولو جعلنا الاشتراك في المنتدي يكون ببطاقة عضويه قيمتها 50 ريال ولتكن سنويه ويكون الدخل للزعيم ونحد بها من المندسين في المنتدى يعني عصفورين بحجر واحد دعم الزعيم وطرد المندسين ..... |
انا اؤييد هذا الموضوع وبشده...ولو يكون بعد له بطاقه عضو هلالي.... لانه كل هلالي اكيد وده يكونله شي رسمي يثبت انا هلالي... ليزيد من انتمائه لهذا الكيان العضيم... ارجو يااعضاء المنتدى انا تاخذو هذا الموضوع الذي اقترحه الاخ عيار بجديه... لانه اقتراح جيد ويجب ان نحس باننا نخدم النادي بمالنا .. مهب بالتشجيع بس... |
يا حظ كل من قال انا هلالي للرفع |
احسنت اخوي العيار .. والله الاقتراح جدا ممتاز وانا مواااااااااااااافق وبقوه والله يجزاك خير على هالاقتراح الرااااااائع والاخ ابومصعب اقتراحه مسكت وااعتقد اننا بهالطريقه نبي نرتاح على قولته من المندسين :) ونبي نتخلص من اليوزرات الاضافيه .. وكلش بحقه لكن من وجهة نظري التأني في هذا الامر ودراسته من جميع الجوانب !! حتى نكفل له النجاح |
يا حظ كل من قال انا هلالي عايش العنزي حبي التيماوي ابومصعب الشبح الهلالي 15 ابوفاس ( عاد هذا حبيب القلب صديق الاقلاع ) شكراً لتجاوبكم وننتظر المزيد من المشاركات والتجاوب ابومصعب فكره رائده اشتراك المنتدى ومثل ما قالت تحد من المندسين وكذلك مثل ما قال العزيز ابوفاس تحد من تكرر اليوزرات يالله يا حبايبنا جماهير الزعيم الحبيب لا تبخلون علينا بتجاوبكم ومشاركتكم |
اقتراح صح 100% وكلنا معكم |
يا حظ كل من قال انا هلالي للرفع |
مرحبا اخوي العيـــــار ... اتوقع غالبية الاعضاء راح يباردون بالدفع لصالح نادي الهلال ولكن لابد من وضع طريقه وآليه معينه لذلك ... ولكن جمهور الهلال اذا دفع يريد ردة فعل من ادارة النادي بحيث يأخذ بمواضعينا وترشيحاتنا .. كلاعب اجنبي او مدرب .. وماشاء الله جمهور الهلال او عدد الاعضاء تعدى ال الفين عضو .. فمو معقوله ندفع ولانشاهد اي تحرك من ادارة الهلال ... وانت حسبتها من خمسين ريالت طلع خمسه وسبعين الف ريال ... وانا اتوقعه اكثر لان الجمهور الهلالي راح يدفع اكثر من 50 ريال ... غير زوار الموقع .. يعني خلنا نقول 100 الف ريال شهريا !! مبلغ اتوقع انه حلو .. واتمنى التنسيق بين ادارة الزعيم و ادارة نادي الهلال لهذا الاقتراح الرائع ،، |
انا مستعد |
ادفع لهم وهذا مستواهم ؟؟ لا انا اسف . اذا جابو النخبه وولي العهد والدوري يصير خير . |
يا شباب انا مستعد اتبرع بمليون ريال كل يوم لمصلحة الزعيم والله لا يخلينا من الهلال ومشجعيه وجعله ما يفارق المنصات قولو امين<br><font size=1 color="#000080" face="tahoma">[عدلت بواسطة أبوفيصل التاريخ:20-03-2001 الساعة: 08:38 PM]</font> |
موافق................................... موافق موافق موافق موافق موافق موافق موافق موافق موافق موافق موافق موافق موافق موافق موافق موافق موافق.........................الخ الخ |
الاخوان الذئب99 كايدهم شفاف ابوفيصل عدنان الطيب بكم نشد الظهر الاخ نجد اتوقع انك تشجع الهلال بغض النظر عن مستواه الحالي فأن كان مستواه الان لا يسر فكم من المرات والمرات اسعدك وسر خاطرك فلا يمضي موسم الا ولك نصيب من الفرح وفي كل عرس لك قرص واحمد ربك بس غيرك يتمنى نص مستواك هالايام . |
والله انا ايدك الراي ومهما سوين لهاذا الكيان انا مقصرين |
انا من ناحيتي ما عندي مانع أبدااااااااااااااا |
اقتراح جميل ياالعيار ولكن نود ان يكون من خلال نظام الكتروني حتى يكون هنا ك تفاعل مع النتائج التي تظهر بشكل مؤشر لقيمة الد عم وانتم ترون مايتم من تبرعات من جميع الأعظاء اذا كان الموضوع مفتوح ومباشر وكذالك التصويت لبعض الأحداث كماانه يوجد الكثير من محبي الهلال الذين لا يستطيعون اماالأ شتراك بالمنتدى اوليس لديهم اجهزه او لهم ضروف خاصة لأن ابو عشرة ريالات اذاكان عدد جماهير الهلال فقط مليون =10000000 عشرة ملايين شهريآ وانا اقول عشر ذالك العدد مليون ريال شهريآ 12000000 سنويآ هذا خلاف الأعظاء الذين يستطيعون دفع اكثر من ذالك وحتى الف ريال شهري ومن جهتي لا امانع ان ادفع 500 ريال شهريآ تحياتي لك ولأقتراحك ونأمل من ادارة الهلال ان تستفيد من هذاالحب الجماهيري للزعيم قبل ان يأخذ الأفكار غيرهم تحياتي للجميع |
وانا اويد هذه الفكره تأييد تام واول المشاركين فيها لان الخمسين اعتقد ماتأثر على اقتصاد اي فرد لاكن عندما تكون جماعيه يكون لها مردود جيد على النادي حقيقه اقتراح رائع اتمنا ان ينفذ في اقرب وقت |
اخوي العيار اقتراح حلو.......وخمسين ريال مبلغ تافه بس خلني افكر فيه بيني وبين نفسي _________________________________________ (فأن ناديكم يعتمد على اعانة الدوله التي تصرف عن طريق اتحاد كرة القدم وعن طريق اعضاء الشرف الذين لا يألون جهداً في سبيل رفعة وتقدم الزعيم ) اذن مالحاجه لان نتبرع ........ واذا كان اعضاء الشرف لا يألون جهداً في سبيل رفعة وتقدم الزعيم مقابل فرض لاعب معين و مقابل صخب اعلامي و....و.... فنحن ما هو المقابل لتبرعنا .... بطاقه لا تسمن ولا تغني من جوع تغطس بها رجلينك في المسبح لو قلت الدخول لجميع مباريات الهلال بدون تذاكر ولو في الدرجه الثانيه..... فهذا شئ مغري للمتبرع ومشجع للحضور الجماهيري الي يفشل اذا جت الكمره على المدرجات __________انتهى تفكيري_____________________ انا موافق لكن...... اتحدىان النادى يوافق على هذا الاقتراح |
والله يا العيار انك جبتها وانا مواقف وما اظن ان فيه احد من جماهير الهلال معترض ويا ليت لو يصير هالشيئ اليوم قبل بكره وما يحتاج لا شكر ولا عضويه شرفيه ولا هم يحزنون حنا لما نسوي كذا نسويه علشان نادينا اولا واخيرا |
اقتراح ممتاز ورائع والله مستعدين ندفع أكثر وأكثر بس ان شاء الله هذا الاقتراح يلاقي القبول عند رئيس الهلال ، والله الزعيم يستاهل أكثر من كذا . |
بسم الله الرحمن الرحيم اخواني كلامكم جميل جدا ولكن انا لدي اقتراح لتفعيل الموضوع فبدل ان نبحث عن المميزات من النادي فلنبحث عن هذه المميزات من عند الله سبحانه وتعالى بحيث ان الهلال غني برجاله والذي لم يبخلوا عليه يوما ما سواء ماديا او معنويا فاذا قدمنا مبلغ شهري فاتمنى ان يكون هذا المبلغ عباره عن تبرعات شهريه باسم نادي الهلال وجماهيره لاخواننا المسلمين في كل مكان وللجمعيات الخيريه وبذلك نكون قد قدمنا فكرة جديدة عن الهلال وجماهيرة وماهي افعالهم واخلاقهم وثانيا وهو الاهم فزنا بالاجر العظيم من الخالق سبحانة وتعالى واعتقد ان رجالات الهلال سوف يوافقون على هذا الاقتراح خصوصا وان الاقتراح الاول من الممكن ان يرفض بسبب ان في هذا نوع من الاهانه لادارة النادي ولاعضاء الشرف وكان هناك امثله سابقه من انديه طلبت مساعدات من جماهيرها وقوبلت بالاستهجان والتهكم فما بالكم بالهلال ارجو ان يؤخذ اقتراحي بعين الاعتبار. |
قدام والريوس مفصول 000 انا معاكم واقتراح ممتاز 0000000 وعلى راي الاخوان تكون العمليه مفتوحه وكحد ادنى 50 ريال 00 |
السلام عليكم يا عيار انا معك فى اقتراحك الرهيب بس يا ليت يطبق على الواقع ولا يفكرونه عياره وانا مستعد باى مبلغ ولك تحياتى |
يا سلامي عليكم يالهلاليه سيرو على بركة الله |
العيار اقتراح ممتاز وينبغي دراسته من قبل ادارة الموقع ورايي من راي ابو مصعب وانا مستعده من خمسين الى ...... الي تريدون ........... جميعنا من اجل الزعيم ....... |
والله انا معك فى هذا الاقتراح يا اخ عيار |
| الوقت المعتمد في المنتدى بتوقيت جرينتش +3.
الوقت الان » 01:52 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd