|
السلام عليكم ورحمة الله وبركاته ... والله الإدارة عرفوا من يختارون يصير مشرف للمنتدى ( لا تصدق يا سفر وإنزل لتعرف الأسباب ) بعد شوي أمزح أخوي الاسطورة ... سم بالله وإقرأ الأسئلة جيداً ... ثم ابدأ بالاجابة ... # ما هوأحرج موقف مر عليك ؟ # ما هي الجرائد التي تتابعها يومياً ؟ # كم مرة أديت العمرة ؟ @ وش نوع جوالك ... تلبس غترة ولا شماغ ... كم رقم سروالك .. وش نوعه الأصيل ولا الدفة ..... تدري عطنا قصة حياتك ... ملاحظة :- العلامة ( # ) يلزم الاجابة على السؤال... العلامة ( @ ) الاجابة اختيارية ... العضو المرة الجاية أنا أختار ثلاث أعضاء بالترتيب ... الأول ... طلال ... الثاني ... طلال ... الثالث ... طلال |
اذا جاك ولد ولاّ جتك بنت في المستقبل القريب بإذن الله وش بتسمّي؟ كم كانت آخر فاتورة لجوالك؟ ماهي الصفات التي تريدها في فتاة احلامك ؟ ( قل بصراحة ولا تستحي) |
نسيت ارشح عضوللاسبوع الجاي ياريت يكون الكاسر88888 او طلال او سفر |
السلام عليكم: اخوي سفر الفكره حلوه ونتمنا ها ان تستمر ...... ضيفنا العزيز الغالي الحبيب (الاسطوره) بعد التحيه والسلام ... من هو الفريق الذي يقلق الهلال دائماً في نظرك.... اخوي انت متزوج ام غير متزوج,اذا كنت متزوج كم عندك من ولد ,وذا كنت ما تزوجت متى راح تتزوج,واذا بغيت تتزوج قلي عشان اقولك مبروك:) اخوك سداح |
أطول مقابلة في التاريخ ....!!! حسبي الله على المهندس الياباني :D ... كل ما سألته وش سويت يقول : يا سفر خلصت نص الأسئلة ...!! وأنا متأكد أنه نصاب :p ... لكن خلونا نعطيه فرصة أخيرة ... ولكم تحياتي ... أخوكم / سفر المرزوقي . |
وتعتقد من وين جاب كل هالنصب ياسفر ؟؟ <=== سؤال بريء جدا:rolleyes: تصدق عاد ياسفر إني كنت ناوي ارفع الموضوع هذا وبالتحديد بعد رجوع الأسطوره للمنتدى ,,, على العموم الموضوع هذا ماراح ينزل للصفحه الثانيه الين يرد عليه الاسطوره ;) ,,, يعني رد بالطيب أحسنلك قبل لاتكثر الأسئله :) ,,, |
هلا والله بالغالي سفر : مشكور اخوي على طرح ها الفكرة وياليت نشوف مثل ها الاشياء كل يوم في المنتدى . هلا بالاسطورة : والله يا اخوي طحت بين يدينا وما راح تطلع الا بالعافية :D :D :D :D <=== وين الاخوان جزارين . طيب الاسئلة : س1: ماهو اول موضوع حطيته في المنتدى ؟ س2: ماهو احب منتدى لديك بين المنتديات في الزعيم؟ س3: من هو العضو او الاعضاء الي اذا شفت اسمهم على الموضوع دخلت بسرعو عليه حتى بدون ما تقرى عنوان الموضوع ؟ س4: من الي دلك على التسجيل في ها المنتدى ؟ س5: من العضو الي ودك تصفقه ( الاجابة ضرورية )<=== قل fahoode??? هذي الى الان الاسئلة الي عندي واذا جد شي حطيته . يوووووووووووه الاعضاء الي ودي فيهم واجد : كوكتيل - طلال - سفر - زعيم اسيا - النجيدي ............... الخ |
احب اقوللك انك يالاسطوره اسطوره فعلا .. سؤالي هو .. ما هو شعورك اول ما اخترت مشرف ..؟ ما هي اهم المواقع التي تتصفحها في انترنت ..؟((غير الزعيم طبعا)) كيف تتصفح الانترنت ..؟ .. كيف تعلمت القياده ..؟ ولك جزيل الشكر يالغالي الاسطورة .. |
اخوي الاسطوره وش تكون هالكلمات بالنسبه لك الحياة و الحب والرجل والطفل والمراه والهلال والزعيم:rolleyes: واخوي سفر تكفى خل العضو الجاي الاعصار الله يخليك سفر:confused: |
وش لون بشرتك:eek: سيارتك وشي ولونها وتوقف بالظلال ولا لا :p تشرب ماء اذا قمت من النوم .... اكيد لا تاكل بملعقه ولا بيدك..... لا تقول اكل باليمين قديمه وين تغسل ملابسك بمغسله ولا بالبيت واذا كان بالبيت مع الغسيل ولاسبيشل كم مره تكوي شماغك حدد . واذا ما تلبس شعرك جبهه ولا على ورى ... وش قصتك وخلصنا:cool: كم دفعت لسفر ؟؟؟؟؟؟؟؟:confused: بصراحه ليه ما رديت كل هالوقت نذاله تبي ردود واسئله اكثر:mad: ولا ما عندك سالفه:p واذا بتدفع:confused: للي يكتبلك الردود:rolleyes: انا بالخدمه:D |
هلا بسفرر فكره رائعه.... ------ هلا بالأسطوره.... س:- لماذا اخترت الهلال .. س:- ماافضل رئيس للهلال ؟(( بالنسبة لك)). س:- مامدى تفكيرك بالنصر.. ------ ماودنا نكثرررررر:D :D ;) :D :D |
السلام عليكم // والله الفكرة طيبة .. وعسى تستمر .. أسئلتي : س1 : ما رأي الأسطورة في تعاقد الزعيم مع آرثر جورج لو تم ؟ وما المدرسة التدريبية التي كنت تتمنى أن يتعاقد الزعيم معها ؟ س2 : من هو اللاعب السعودي الذي تتمنى أن ينظم للزعيم في الموسم القادم ؟ س3 : كيف تعرفت على مشرفي المنتدى سـ9ــامـ9ـي وكوكتيل والاعصاروباقي المشرفين ؟ وأتمنى أن يكون اللقا القادم مع طلال .. تقبلوا كل تحياتي نجم الصبح |
اخوي سفر شكراً على هالفكره الحلوه اللي اتمنى انها تستمر .. .................. اسئلتي للاسطوره هي :- 1- ماهو رأيك ((بصراااحه)) بوجود البنات في المنتدى ؟؟ 2- هل تقرأ المواضيع التي نكتبها نحن البنات ؟؟ وماهو تقييمك لما نكتب ؟؟ (اذا كنت تقراها) 3- ماهو اجمل يوم مر عليك في حياتك ؟؟ 4- هل قابلت اي من لاعبين الهلال شخصياً ؟؟(اذا كان نعم فمن هو ..وكيف رأيت تعامله )؟؟ ................. العضو اللي أتمنى تقابلون معاه المره الجايه هو واحد من اثنين .. اما سفر المرزوقي ... او الاخ عبدالله الموكاء آسفه عالاطاله:D |
بسم الله .........اهلين سفر مشكور علىالفكرة الحلوة ....بس ترى فتى الذهب سبقك فيها............ بس ما في مشكلة اذا بادرت انت كمان بنفس الموضوع ,,,,,,بس حبيت انه يكون موضوع رئيسي بعنوان (ضيف المنتدى)زي ما قال فتى الذهب .....علشان يكون موضوع واحد ......هاذا رايي يحتمل الخطأ ورايي غيري يحتمل الصواب............. المهم اسئلتي للاسطوره..................................... س : ا لاسطوره.........اسم يرمز الى شيء ,,,,,,فما محتوى هذا الاسم؟؟؟؟؟؟؟ س : المتلفت لايصل .........هل مرة حققت هذه العبارة عندما اردت الوصول لهدفك ؟؟؟؟؟؟؟ س : هل المراة تقاس في عين الرجل الواعي العاقل المتثقف بعقلها وذكائها وانوثتها.....او انها تقاس بجمالها فقط؟؟؟؟؟؟؟؟؟؟؟؟؟؟؟ س : المراة مربية الاجيال القادمة......المراة عضو فعال في المجتمع الاسلامي العربي......هل طبقت هذه العبارات في ضوء فتياتنا اليوم ؟؟؟؟؟؟؟؟؟؟؟؟؟؟؟؟؟؟ سؤال محتاجه له اجابه توزن بماء الذهب.. س : بعيدا عن الضوضاء ..........عندما تخلو بمفردك ...اول ما يخطر ببالك ماهو؟؟؟؟؟؟؟؟ س : الغناء........تعتقد ببالك ان الغناء او عالم الغناء حلم وخرافات ام انها حقيقه .....واذا كانت حقيقة هل مرة عشتها ......؟؟؟؟؟؟؟؟ بدون مجامله واذا كنت ما تسمع الله يسعدك س : الوصول الى التفوق سهل لكن المحافظه عليه صعب........ في ضوء هذه العبارة هل عملت انت كمشرف والبقيه بها ام لا ..؟؟؟؟؟؟؟؟؟؟؟؟ س : احلى الاسامي لعيالك ؟؟؟؟؟؟؟؟؟؟ س : هل مرة رسمت البسمة على شفاه طفل او انسان ؟؟؟؟؟؟؟ ومتى واين؟؟؟؟؟؟؟؟؟ س : هل سفر المرزوقي مجننكم في المنتدى ولا عاقل؟؟؟؟؟؟؟؟؟هههههه اتمنى لك حياة ملئها السعادة .........مكللة بالنجاح والتوفيق ....وان ترعاك عناية الاله الواحد المعبود اتمنى العضو الجاي يكون رئيس مجلس ادارة الموقع:الاميربندر بن ثامر ...صاحب الروح الطيبه |
أخواني وأخواتي الاعضاء الغالين :) بدايه أحب ان اعتذر عن تاخري بالرد على اسئلتكم , لان هذا الموضوع (للامانه) له اكثر من شهر (متأخر بالرد عليه) :( , لان تاخري بالرد وافق احداث مختلفه لم تمكنني من الرد عليها ,,, ولكن اعدكم اني سوف اقوم بالرد عليها , لذلك اطلب من اخونا الغالي (سفر) ان يقفل باب الاسئله متى ماوجد الوقت المناسب لاقفاله حتى اقوم بالرد عليها ورد اسئلتكم الغاليه ويكفي انها منكم يامحبي الزعيم :) ,,, وتقبلوا خالص تحياتي لكم ياغالين ,, الاخ الغالي (سفر) :) ,,, واضح انك ماتبي تترك هالموضوع يعدي من منتداك :D الا وانا مجاوب عليه , بس انت وكل الاعضاء واسئلتكم على العين والراس , وبجاوب عليها ما ان يقفل باب الاسئله ويقفل الموضوع حتى اجمع الاسئله واقوم بالرد عليها من خلال موضوع جديد موضحا فيه الاسئله والاجوبه واسم العضو او العضوه الذى قام بتوجيه الاسئله :) ,, وسلم لي على مساعدك الغالي (رامبو الاطخم) :D اللي شكله وراي حتى اجاوب على الاسئله :) ,,, وتقبل خالص تحياتي لك ,,, |
| الوقت المعتمد في المنتدى بتوقيت جرينتش +3.
الوقت الان » 05:13 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd