هـلا ابـوعـبـدالرحمـن ,, :)

انـا معـك أن الـهـلال لـعـب ضـد التحكيـم والحظ ..

لـكـن هـذي عـادة الـهـلال .. دائـمـاً

يلعـب ضـدهـم .. ويهـزمهـم :)

اذاً ... هـنـاك أسـبـاب أخـرى من الفـريق .. نتمنـى زوالهـا سريعـاً

وبالتوفيق ان شاء الله :)

هلا اخوي هلالي جلاجل :)

ولو ان ردك خارج عن الموضوع بس يعجبني حماسك :smilewink
اجل انا سلمت على شعاع الهلال .. وهو راد(ن) بعدي :confused:
لكن لي الشرف ان شعاع الهلال يسلم علي وانا اسلم عليه :yes: ولو ان ماصار شي من اللي تقوله :no:
لو قلت هلالي الجوف يسلم على هلالي جلاجل كان صدقتك بحكم الاخوة الأسمية :p وبحكم الألفة والمحبة اللي كانت ولازالت بيننا :razz:

طيب ياللي تفهم كورة ممكن تجاوبني وش الحل لتغطية العمق الدفاعي واللي جا منه ثلاث اهداف كما تقول ؟
مدام ان الفريق يلعب بمحورين هم عزيز والغامدي وماشفنالهم تقدم .. هل برأيك ينزل المفرج علشان تكمل الرصة وماينقصهم الا رابع علشان يطقونها بلوت :D
واذا افترضنا انه ضعف بقلوب الدفاع .. من برأيك هو البديل المناسب لاحمد خليل وعبدالله شريده لتغطية العمق الدفاعي ؟
نورني الله ينور عليك دنيا وأخرة ;)

ضربة الجزاء صحيحة :bigeek:
والله مدري وش اقول .. مدري انا اضحك والا احزن :(
واضح انك مو بس فاهم كورة .. الا فاهم كورة وفاهم تحكيم :razz:

المدرب ما اخطأ ..
فريق يلعب وهو ناقص خط وسط دولي كامل ويلعب خارج ارضه وامام فريق شاب متوسط اعمار لاعبيه 24 سنه فاز بأخر مبارياته بسته اهداف وخارج ارضه وداخل بمعنويات مرتفعه .. وحتى الدقيقة 85 وهو متقدم بهدفين لهدف وش تبغى المدرب يسوي يالفاهم كوره ؟؟
تبغاه يحط حارسين بالمرمى ؟ والا تبغاه ينهي وقت المباراة ويقول بس خلصنا لعب والنتيجة لنا :laugh:

هاللاعب الكسول زي ماتقول ياما فرحنا .. وحتى لو اخطأ في مباراة والا مباراتين والا عشر مافي لاعب بالعالم وحتى رونالدو يستطيع تسجيل جميع الفرص .. والا انت ماتتابع الكورة العالمية :smilewink
ولاتنسى مطالبة الجمهور فيه بمباراة الهلال والنصر .

لكل مدرب وجهة نظر .. ولكل واحد فاهم كورة وجهة نظر ;)
فاديموس وعندما احرز كأس ولي العهد العام الماضي شلناه فوق روسنا وعندما زج <<== مايمديك :D اقول عندما زج بالصويلح في الشوط الثاني من مباراة الاهلي واحرز هدف الفوز رفعناه للسما وخليناه افضل واذكى مدرب وماتجرأ احد يقول عليه نص كلمة .. وهالحين صار مايعرف يغير ولامن يغير :(

فال الله ولا فالك :upset:
ما استغرب هالكلمة من نصراوي لكن استغربها من هلالي :confused:

فعلاً عقلية واحد فاهم كورة :confused:
فالفريق الصاعد لايستطيع تحقيق الفوز .. انما هدفه فقط تجنب الهبوط ومنع مرماه من الاهداف وليترك لبقية الفرق التنافس على البطولة .. لما لا فهو استراحة الفرق بالدوري :rolleyes:
مو الوحدة فريق صاعد .. وحتى الخليج فريق صاعد وفوزه على الشباب فورة ببسية :laugh:

انا اقول انك ماتتابع الكورة العالمية والا عرفت كييفو الايطالي وريال سويسيداد الاسباني وفولهام الانجليزي :razz: وهي فرق مغمورة اتت من الدرجات الدنيا بدواريها ونافست على البطولة وقدمت مستويات رائعة .. ولاتنسى كأس العالم وماحدث فيها من نتائج لفرنسا والارجنتين وحصول تركيا وكوريا على المركزين الثالث والرابع باقوى واكبر بطولة عالمية .
ليس من الغريب ان مفهوم الفريق الصاعد فريق ضعيف لكن الغريب ان واحد فاهم كورة يقوله :razz:
ومفهوم فريق صاعد هابط انتهى زمااااااااااااااااان :yes:

ولا قناع ولاشي ..
ظروف واصابات وحظ وتحكيم ارى انها هي السبب بكل مايحدث وهذي وجهة نظري والدوري لازال في بدايته .. وانت لك وجهة نظر وانت حر فيها :)

اما معسكر هولندا فشهادتي فيه مجروحة بحكم تغطية شبكة الزعيم المميزة :smilewink

لله درك يامنصور :yes:
ومادري وش دخل منصور بهزيمة الهلال من الوحدة :confused:
لو قلت المصيبيح يمكن اصدقك :uhoh:


تحياتي لك اخي الكريم :)

اخوي هلالي الجوف

كيف الحال ؟؟؟؟؟؟

اشهد بالله يبي يضيع الهلال اذا هذا راي الجمهور !!!!

ارجع للمبارات المنقوله في الاوربت وليست المنقوله في تلفزيون ( اثيوبيا ) !!!

لتعرف ان الوحده افضل من الهلال واستحق الفوز بلا مكابره !!!

هلا ابولوز .. وعاش من شاف هاليوزر :D

اثيوبيا :D

مشكور على الملاحظة يابو لوز :)
وترى قناة اثيوبيا اعادت المباراة اليوم الظهر قصدي قناة الاوربت :)
واكتشفت ان ضربة الجزاء الوحداوية كانت بالدقيقة 88 :(

وعلى فكرة .. اذا انت تستخف بطريقة تشجيعي للفريق فانا قلباً وقالباً مع الفريق وبالسراء والضراء .. وماني من جماهير الفوز فقط ;)
كذلك مو شرط اني احش الادارة والمدرب واللاعبين علشان اعجبك :)
يعني راضي بنفسي ولله الحمد :)

المدرب يتحمل الجزء الاكبر من الهزيمه والتعادلات الساااااااااابقه

بإختصار شديد الفريق بحاجة لهداف وليس لمضيعين أهداف وبس

اخوي هلالي الجوف

صحيح ان المهنا حسب بنلتي ظالم ضد الهلال ولن يحتسب للزعيم البنلتي الصحيح كعاداته مع الزعيم,ولكن هل الهلال قدم المتسوى الذي يشفع له بالتعادل؟ وليس الفوز,المدرب يدير الفريق باستهتار غريب وتشكيل اغرب وتبديلات اقل مايقال عنها بانها غبيه,الجمعان يعلب والصويلح احتياط وترواري يلعب والعلي احتياط والعنزي الفاشل من الدرجه الاولى يلعب بشكل يثير الاستغراب حول الطريقه التي يدار بها الزعيم سواء فنيا او اداريا,الزعيم لن يعود كما عهدناه زعيما لايشق له غبار الا بالصدمه الكهربائيه ولو كان ضحيتها الاداره والمدرب من خلفها ولن يعود بالتصاريح الرنانه والمؤتمرات الصحفيه التي تعقدها الاداره بين الفينة والاخرى,نحن نريد مدرب بمواصفات كندينو يسرح الفاشلين ويلعب بالشباب كما فعل في فترته الاولى والتي ابرز لنا سعد مبارك والثنيان وغيرهم من المواهب التي لمع الزعيم من خلالها في المحافل الدوليه ,واما غير ذلك فانا لااستغرب اليوم الذي يأتي ويحتفل الهلاليون فيه بعدم الهبوط ان استمرت الطريقه العشوائيه التي يدار الزعيم بها سواء اداريا او فنيا.

وللجميع شكري وتقديري.

يااجوان المشكلة ماهي في الحكم ولا في المدرب المشكلة في اللاعبين مافية تعاون ولا انسجام ولاحماس داخل الملعب .اللة ردك ياسامي باسلامة وانا اعذر المدرب لان اكثر من نصف الفريق الاساسي مصاب .

أخوي هلالي الجوف أحييك على روحك الرياضية أما بالنسبة لمتابعتي للكرة العالمية فلا أدعي أني متابع جيد لها مثلك!!!!
بالنسبة للمعسكر الترويحي الهولندي والذي تم خلاله تغذية اللاعبين بحليب الأبقار الهولندية فقد سقط القناع عنه لأن الفريق بلا لياقة ،ثم من قال لك أنني سأرفع أديموس أو أي مدرب على عنقي يكرم عنقي وعنق كل مسلم أن يدنسه نصـ......... .
عزيزي الفريق للأسف من سيء إلى أسوأ ولن يتحسن حاله إذا استمر الوضع على ماهو عليه في النادي .
بالنسبة للكسول الذي تقول عنه أنه أفرحنا أنا لاأنكر هذا الشيء ولكنه بالأمس كان ضيف شرف .
العمق الدفاعي إسأل عنه الداهية أديموس ومن حوله أين نجوم دورة الصداقة الدولية أين لاعب منتخب الشباب ذياب مجرشي .
الهلال يا عزيزي لم يكن في يوم من يعتمد على نجم واحد فقط فقد سبق أن حقق البطولة بغياب أكثر من نجم يشار له بالبنان ( 1408) مع أبو راس فلم نتذرع اليوم بغياب نجم أو إثنين ، للأسف ياهلالي الجوف أن الهلال يسيرفي إتجاه العد التنازلي والإدارة تتفرج عليه ولم تكلف نفسها عناء البحث عن العلة ثم أن الداهية طالب ببعض اللاعبين المحليين فماذا عملت الإدارة لاشيْ .

يعطيك العافية ياغالي ياهلالي الجوف وربي يسلمك على موضوعك بس لو انك تركت التحكييم كان احسن لان التحكيم لهم رب يحاسبهم وخلونا منهم احسن

يعطيك العافية ياغالي ياهلالي الجوف وربي يسلمك على موضوعك بس لو انك تركت التحكييم كان احسن لان التحكيم لهم رب يحاسبهم وخلونا منهم احسن