المنتديات الموقع العربي الموقع الانجليزي الهلال تيوب بلوتوث صوتيات الهلال اهداف الهلال صور الهلال
العودة   نادي الهلال السعودي - شبكة الزعيم - الموقع الرسمي > منتديات نادي الهلال > أرشيف مواضيع منتدى الجمهور الهلالي
   

أرشيف مواضيع منتدى الجمهور الهلالي ارشيف بمواضيع منتدى الهلال السابقة

 
   
 
LinkBack أدوات الموضوع طريقة عرض الموضوع
المشاركة السابقة   المشاركة التالية
  #1  
قديم 17/09/2003, 06:23 PM
موقوف
تاريخ التسجيل: 08/08/2002
مشاركات: 89
Red face وش بلاه خربها ؟ ===> ابراهيم اليوسف

::اخواني الزعماء :

يقول أبو فهد الكابتن صالح النعيمه عن ابراهيم اليوسف ايام ما كان يلعب حارس في نادي الهلال انه بعض الاحيان ينسى أبو خليل روحه ولا ادري فيه الا لاحقني لخط النص مع انه حارس وأضاف انه مافي لاعب في الهلال تعبني زي ما تعبني ابراهيم اليوسف


الاغلبيه استغربت صدور قرار تعيين ابراهيم اليوسف في منصبه الحالي وسبب هالاستغراب هذا مش تاريخه المتواضع كلاعب ولكن عن مدى ما يتمتع فيه من خبره تخوله لمنصب مدير الكره

ما أذكر مره اننا سمعنا عن اليوسف بأنه مسك منصب اداري في الهلال او في غير الهلال علشان نقول ان الرجال تمرس وانمرس او على اقلتها عرف الوضع كيف يكون


ولا حتى استعدينا نفسيا احنا كجماهير لقرار تعيينه الي صدر فجأه ودون اي مقدمات ومبررات ومغريات تخلي من اليوسف بديل ناجح للأحمد ويرتجى منه تطوير وتحسين


يعني بكل أمانه أقولها اننا ابعدنا الجيد وجبنا محله الضعيف في الامور الاداريه والضعيف في الشخصيه والضعيف حتى في القدرة الكلاميه والضعيف بعد في السيطره على اعصابه


كل هالمواصفات هذي تعتبر عناصر مهمه لابد انها تتوفر في مدير الكرة والي للأسف أشوف ابراهيم اليوسف ما له فيها لا حظ ولا نصيب

واذا كانت ادارة الاميرعبدالله بن مساعد أبعدت منصور الاحمد علشان العصبيه والنرفزه والتلفظ على الحكام زي ما تفضل الرئيس وقال فالمفترض والواجب على الادارة مراعاة هالنقاط هذي في مدير الكرة الجديد الي راح تجيبه بدلا من الاحمد ;)


ولكن الي نشوفه يقول عكس كذا وأن الادارة يمكن تكون ساقت هالمبررات السابقه ذريعه فقط علشان يبعدون الاحمد والا مين يصدق ان ابراهيم اليوسف ينطرد من رابع مباراة يلعبها الفريق تحت ادارته وبتقرير مرفوع من خليل جلال مسجل فيه تلفظات تلفظ فيها ابراهيم اليوسف في مباراتنا مع الاهلي والي بسبتها صورنا بصورة رديئه جدا قدام الاعلام والجماهير خاصة وأن المباراة منقوله تلفزيونيا وكل هالاشياء اختلفنا عليها ايام كان الأحمد مدير للكورة مع أني ما اذكر انه انطرد ولا مره , وما زلنا نستنكرها من ابراهيم اليوسف الي أخطأ قبل نذوق نفعه


وعلى كذا ما ادري على اي اساس تم اختيار ابراهيم اليوسف مدير للكره ووش هي المميزات الي يمتلكها هالانسان هذا ولا يمتلكها الاحمد علشان يبعد ويحل ابراهيم محله لكن الي أعرفه ومتأكد منه زين ان قرار تعيينه يعتبر ثاني أكبر خطأوقعت فيه ادارة عبدالله بن مساعد من اول يوم استملت فيها الهلال .
   

 


قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 07:47 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2025, Jelsoft Enterprises Ltd

Google Plus   Facebook  twitter  youtube