بياله شاهى على الماشى
 

البارحه يوم الخلايق نيام ------ أخمد وش مسهرك :D

طلعت للبر انا وخوى اللى سافر معى تخبرون خوى هذا احبه بالحيل لدرجه انه يوم جاء يعرس قلت

له سكنى ببيت ومرتك ببيت :D يوم وصلنا للثمامه وفرشنا بساطنا وكل واحد مد هالكراعين ومن

طول كراعين خوى عركل لتريلا وهو مايدرى :D وتونا فى اول بياله شاهى الا وطب علينا جاج

وطبعا جاج لاتصب له شاهى منعنش ينقلب 180 درجه شرق قناه الجزيره :D شوى الا مفعول

النعناع اشتغل وقام جاج يغنى ( بو سالم سرا ليله هل الدمع من عينه ) :D المشكله هالاغنيه اذا

سمعها خوى يتحول الى مارد ماسدد فاتوره الكهرب :D وهو اللى يبدا يصارخ ويطامر

( ابيها ، ابيها ) ولا يهجد الا اذا صرخت بأذنه وقلت ( بخارى ) على طول يهجد :D قال جاج وش

رايك اقراء عليه يمكن يطيب ... قراء عليه جاج شوى الاخوى مهوب فيه ومادريت الا وطلع لنا مارد

( يمه ):eek: ومن زين الطبايع انا اللى بخشته واول ماشفنى قال ( أمر وتدلل شعر سيقانك تهور )

قلت له وراكم غيرتو شبيك لبيك :D قال هذى موضه قديمه والحين حنا ماشين مع العولمه :D

قلت يعنى لو اطلب اى شى بتجيبه لى قال اللى تبى تبى طياره سياره قصر والله لو تبى تحبنى

مااعى عليك :D قلت له انا مقدم على قرض وابيك تكفلنى شوى الا وتغير وجهه وصار لونه احمر

وغير الموضوع وقال ماشفت شارع الحمل وشلون صار يهبل ولا مدرب الهلال مهوب شكله شكل

لاعب مضيع بلنتى بين الشوطين :D قلت له الحين صاجنى وهذا اخرتها :mad: قال شف مسئله

انى اكفلك لاباالله معصى مبعد انهبلت تبينى اخذ القرض بأسمى وانت اللى تكفلنى ماعندى مانع

---- شكله ملكع هالمارد:D

قلت له الشره مهيب عليك الشره على هالخال اللى مسكنك ببلاش :D

ههههههههههههههههههههههههههههههه

الله يرجك يا ابا النحاس


=================

اجل المارد غير من شبيك لبيك إلى آمر تدلل شعر سيقانك تهور :D


=================


وبعدين تعاااااااااااال يا سئيده :D

جاج إذا شرب نعناع منعنش ينقلب 180 درجه :D

=================

الله يرجك انت وموضوعك ,,,

تحياتي لـ ( سئيده ) :D

ههههههههههههههه

الله يرجك أنت وأخوك وجاج بعد :D:D

أجل مسكنينه ببلاش واخرتها كفالة ما يكفلكم ..:mad:

قسم بالله لو إني مكان أخوك طرته..:D

بعدين أخبرك تقول إنك بتكتب عن رحلة المغرب مدري أريتيريا..أشوفك قلبت الثمامه..:D:D


تحياتي لك .. ولأخوك .. ولجاج .. وللتريله الله عركلها أخوك :D..

[ALIGN=CENTER]:D:D:D:D:D[/ALIGN]

جمــ ناطل باللفه ــس :
ماتدرى انهم ناوين هالايام يغيرون اصواتهم بالجوال :D
احم احم مهوب كانه جاب طارى المعزبه :D
واذا منت مصدق مر من عند بيته وهذا وجهى اذا اشتغل جوالك تلقاه يقطع من ذبذت جاج :D



البارق2000 :
بالله عليك مهوب قهر ساكن اكل نايم ببلاش :D
وش نسوى هاليومين تقشف :D وبعدين اذا بغيت اسافر لازم العب على كم واحد واخلى القطه معى :D


الأزرق العالي :
هلا حبيب البى ومشكور على مشاركتك :D

[ALIGN=CENTER]

إقتباس:

البارحه يوم الخلايق نيام ------ أخمد وش مسهرك

البيت ركيك ومافيه وزن:razz::D

الا تعال..ماقلت لنا عن رحلتك الى اريتيريا:D

تخياتي لك ولاخوك وجاج:D





بس عندي سؤال:embarrass

7
7
7
7
شنو معنى يعركل..وتريله:embarrass:(:D[/ALIGN]

هلا وغلا بقولد فاذر:D:D:D
اسمع في العولمه بس ماادري لها علاقه بمحو الاميه ولالا؟؟:D:D


وشلون لوقلت له اني مقدم على صندوق التنمية العقاري وابي اقدم دوري؟؟ كان ينتحر:D:D:D
الا على طاري صندوق التنمية انا مقدم على قرض من 5 سنين متى تتوقع ياصلني الدور؟؟؟؟؟؟؟

كيفي كويتية:
كخخخخخخ مع انى تونى مطلعه من عند راعى البنشر :D
اه جيتى على الجرح يابعدهم ياسئيده
يعركل يعنى يعركل :D كخخخخ تصدقينى انى مدرى وش معناها :D
تريله يعنى قلابى وفى روايه اخر انها اصغر من الدستن غمارتين :D
ياخوفى تقول وش معناه دستن :confused:








قرقاص :
يعنى حول الدعوه بس العولمه محو الاميه بالعنقريزى :D
ههههههههههه ردد ياليل مااطولك :D

ابوالذهب


شاهيك مغشوش خخخخخخخخخخخخخخ

والا الرجال ماقام يغني الا وراه بلى هههههههههههههههههه



تصدق عاد لو ان هالمارد دخل فيك كان شي


تجي المنتدى وتقعد تكع كل شي في بطنك هههههههههههههههههههههههههههههههههههههههههه



بس هالخال اللي مسكنه ببلاش كيف دخله ؟ ابي مارد زيه:D

@!الفيصل!@ :
ههههههه الا منتهى صلاحيته :D
تصدق انه يغنى لو تشربه خروع :D

ماله محل عندى المكان شاغر :D
كخخخخخخ لايردك الا برج منفوحه :D