هذي فـــــقـــــاعــــــــــه مهيب قناعه يا ادموووس :eek:أخواني الزعماء : يالي قلتوا لنا اصبرو وعطو المدرب اربع مباريات الين نحكم على مستواه :eek: وكأن المدرب جديد علينا وتوه يشرفنا بطلته البهيه :mad: الي خفنا منه صار والسيد أدموس دخل المباراة بتشكيل قريب لحد التطابق من المباراة الماضيه مع الاتفاق :no::no: ولا أدري هل مدربنا يعرف يميز والا لا , هالحين يشوف ان طريقته جربها الفريق وبغى يروح فيها لولا الله ستر وانتهت المباراة بالتعادل , والكل انتقده على هالخطه وبنفسه طلع علينا في الجرايد ووعدنا خير وبتحسين صورة الهلال في مباراة الشباب ومع كل هالحكي وهالوعود وطق الصدور طاح فريقنا مره ثانيه بفخ خططه التعبانه , والقهر ان الي يجي يدافع عن المدرب يقول هاذي قناعة مدرب ولا لنا حق نتدخل فيها , أيه نعم نترك له الحريه الكامله ونخليه يشتغل على راحته علشان يكسب الفريق مش علشان يخسرنا الي كسبناه ويهز صورة الهلال ويمسط بها لسابع أرض :mad::mad: بعدين يا ادموس تجي وتكرر نفس الخطأ مرتين :eek::eek: ومهيب بعيده بعد التعادل مع الشباب انه يستانس ويحسب روحه جاب راس غليص الحين ويطبق خطته الجهنميه ونشوف المفرج محور وماجر غصنه في مباراة النصر !!!!!!!!:no::no: ما أقول الا لا حول ولا قوة الا بالله :no::no: وحسبي على من قتل فرحتنا واملنا بفريق يبيض الوجه مع كل هالاستعدادات والمعسكرات الا ان اننا ما اخذنا منها شي :mad: والظاهر ان خويانا راحو بس يسيحون ويتفسحون ويتسابقون بالدببات ويرجعون :mad::mad: يقول رئيسنا : إقتباس:
أيوه يا سمو الامير لنا ضربة جزاء ما حسبها الحكم التعبان ولا تنسى بعد انه للشباب فرص ضايعه بالكوم كل وحده منها تقول انا أقرب للقول من اختي ما غير الله سلم ولطف وفكنا من فضيحه :(:( النصر وغير النصر راح ياخذون من الغنيمة ولا تتوقع انه بكلامك هذا وانت بفرنسا راح تعدل شيء والا تحفز احد , يا اخي لا تنسى انك رئيس النادي , وهالنادي هذا قاعد يلعب ثاني مباراة له في الدوري :no: وجودك ضروووووووووووري :mad: مبارتنا البارحه من أسوأ المباريات الي شفتها للهلال لا في الشوط الاول ولا في الشوط الثاني , لدرجة اني وصلت لشبه قناعه بأن الشباب قاعد يلعب مع مسوخ هلاليه ومش هذا هو الهلال ولا يمت للهلال الحقيقي بصله , فريق ضايع ودفاعات شوارع . كثرة على قل بركه يتحرجمون بزواية وينسون زوايا , التغطيه معدومه والمهاجمين الشبابيين اترام وربعه يتمشون بين عبدالله سليمان والشريده ولا حولهم أحد .:no: يقول مساعد مدربنا : إقتباس:
الي يبحث عن نقاط المباراة يا سيد ايان تلقاه يلعب صح , يهاجم علشان يوصل لمرمى المنافس وبنفس الوقت يدافع كويس علشان ما يجي فيه قول صدفه زي ما تقول , لكن الهلال لا هاجم زي الناس ولا دافع مثل الاوادم . الفريق ضااااااايع وتاااااااااايه ما تدري هو مشرق والا مغرب .:sleep: وبعدين هو انت تقوم بشغلك صح علشان تدوشنا بهذرك الفاضي :mad::mad: وين لياقة اللاعبين يا سيد ايان :mad: وش قاعد تسوي بهم انت بهولندا والا ماخذ السالفه اجازه وقعده عند الاهل :mad::mad: من نصف الشوط الاول والتعب واضح على اللاعبين , وكانهم ما عرفو شيء اسمه تدريبات لياقيه , أعنبو دارك هذا شكل فريق معسكر وحالته حاله ودافع مبالغ . الي يشوف الجمعان يلاحظ زيادة الوزن عنده ولا ادري هو معسكر هناك بملعب والا معسكر عند برجر كنج . :eek::eek: يقول ابراهيم اليوسف : إقتباس:
مهوب ذنبنا انهم ما لعبو في مباراة الاتفاق ولا ذنبا بعد انهم فشلونا مع الشباب لدرجة اني تصورت للحظه ان الشباب قاعد يلاعب فريق من دوري المظاليم , ولا راح نعذر واحد فيكم وكل هالمعسكرات والتحضير المبكر والرواتب الماشيه بانتظام كل هالاشياء موفره لكم وغيركم ما توفر له ولا ربع الي متوفر لكم :mad::mad: أبو خليل ما ادري ليش احس انهم ظلموك بهالمنصب :( لأكن اتمنى اني اكون غلطان واتمنى أن كلامك يصدق ويوقفون خويانا لعب البزارين ويستشعرون انهم لابسين الفنيله الزرقاء .:no: |
[ALIGN=CENTER]الغالي .... الشبكه ما عقب هرجك هرج .. ولا بعد كلامك كلام عاتبت ولم تجرح انتقدت ولم تبالغ سالت بحرقة .. اين الرئيس تفاجات .. من فريق هذا مستواه بعد معسكر خارج الحدود قبل ما اودع صفحتك يا غالي اباقول وش اللي صار معي وابيك تستر ما واجهت[/ALIGN] [ALIGN=CENTER]ما تقول الله يسلمك .. اني انتظر هالمبارة بشوق واضبط براد شاهي على كيفك وادخن سيجارتي واتبسم من كلام ماجد عبدالله الكلجه ... اللهم لا شماته وعقب ما بدا هالحكم المبارة الا والموضوع متغير يا هووه يا عالم يا ناس ما اتفقنا على هالشغله وبيني وبينك من يوم تفاءلت بخشة المفرج الا والمرارة .. تطق الباب واتقهوى قهوتي .. واشرب بيالتي واخذ اغراضي معي .. واشغل السياره واترك الهلال .. في الدقيقه 44 الشوط الاول وانا اتحسف على سامي والعن من كان السبب في هالفوضى وابشرك .. حتى المبارة الجايه ما عندي ذيك الرغبه اني احضرها لانهم ... وباختصار كل لعيبة الهلال ومدربهم بسلامة الدعيع ما عندك احد .. والله بالخير [/ALIGN] [ALIGN=CENTER]اسف شكلي طولت الف شكر .. لان هالكلام اللي سبق كنت محتاج اني اكتبه وسامحني يا غالي [/ALIGN] |
الوقت المعتمد في المنتدى بتوقيت جرينتش +3.
الوقت الان » 08:53 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd