سامي والتفاحه والرجيم
 

[ALIGN=CENTER]بسم الله الرحمن الرحيم[/ALIGN]
[ALIGN=JUSTIFY]في يوم الخميس الماضي ركبت سيارتي انا والاخ فيصل بالاضافه إلى زميل ثالث سمين ( حوالي 120 كيلو ) بعد اذان العشاء متجها إلى نادي الهلال اوقفت سيارتي واتجهنا لمسجد النادي وصلينا العشاء ودخلنا الملعب دخلنا مع الابواب الشماليه وبعد أن راينا سامي في الإحتياط صرنا نعبر الحواجز حتى اتينا خلف سامي مباشرة وبعد كم هجمه احتك احد لاعبي التعاون باحتكاك قوي مع احمد الدوخي فقلت ( ذا القصمان متحمسين ) وكالعاده صوتي كان اقوى من اللازم سمعني سامي والتفت وهو يبتسم وهو عرفني من صوتي لاني دايم اجلس خلفه التفت وقلت ( مساك الله بالخير يا ابو عبدالله )
رد سامي : ( هلا مساك الله بالخير )
قلت: ( نبي نشوفك يا سامي )
قال: ( إن شاء الله )وقبل نهاية الشوط بربع ساعه قام سامي من مكانه وراح وجاب تفاحه ورجع واكل منها شوي الا جاء اديموس وقال سخنوا ( ما تهنا بالتفاحه )
انتهى الشوط وجلس الفريق يسخن كانت فانيلة سامي البيضاء على كرسيه ورجع سامي عشان يلبسها لما رجع كان وجهه مقابلنا
قلت: ( سامي نبي هدف اليوم )
قال وهو يبتسم: ( خليها في الدوري أحسن )
قلت : ( منت مقصر )
نقز السمين محمد وقال: ( نبي في الاسبوع الثالث مع النصر)قال سامي: ( ابشر بس خفف وزن )

جلسنا نضحك عليه ونستهبل وهو يردد كيفي انا وسامي نصلح وسامي يتبسم ووعدني سامي بهذي الفنيله ولكن بعدها اصيب سامي وركضنا وشفناه وهو يطلع وطلعنا معه ورحنا بزيادة الفلسفه لدله وجلسنا ساعه ونص على غير فايده .[/ALIGN]

تأخرت في طرح القصه بس اصابة سامي السبب الله يرفعك يا سامي بالعافيه وما تشوف شر

اهااااااااااااااااااااااااااااااااااااا

إثرك أنت اللي كنت تكلم سامي :) ...

انت واثنين من أخوياك :) ...

انا كنت وراكم وكنت أتمنى وش يقول سامي عشانه يكلمكم وانتم تضحكون :) :) ...

والحين عرفت :) ...

مشكور أخوي والله يقوم سامي بالسلامة ...

تحياتي لك ،،،

واثق انت الي سالني عن حال سامي لما رجعت



الله يرد خطاك يا سامي وجعلها نهاية الاحزان وما ندري وش الخيره فيه
وعسى ان تكرهوا شي وهو خير لكم

مساء الورررررررررررررررررررررررررررررررررررررررررررررررررررررررررررررررد

ماأقول غير الله يصبرنا ..

ويصبر الملاعب ..

على فراق سامي ..

@@ شكراً جابر العثرات .

الله يقومه بالسلامه
اقول جابر العثرات سام وش فيهم القصمان لاتغلط هاه هههههه
وتراني تعاوني بعد
بس قلنا كم رقمه الي كسر سامي على حسب علمي انه هو سقط من نفسه
بس الله يقومه بالسلامه
والله اني كنت سعيد للتعاون انهم بيقابلون الهلال
عشان يستفيدون داري ان الهلال مو مستفيد
بس عقب الاصابه قلنا بلا ها الاستفاده منين لنا سامي ثاني