الوليد بن طلال.... وانا.... والمليون؟؟؟!!!
 

سلااااااااااااااااااام

تفضلوا معي لتفاصيل القصه.......

التاريخ : الخميس 23 / 6 / 1424 قبل يومين
الساعه : 9 مساءا
المكان : استراحه بأطراف الرياض

كنت جالس مع الشباب............ تيت تيت... تيت تيت..... جتني رساله على الجوال
قريت الرساله :eek: .... وهذا المكتوب فيها بالنص- وما زلت محتفظ بها الى الآن - :

لقد تم اختيارك لتصبح
مليونير الشهر
الرجاء مراجعة
مكتب 232 برج المملكه

المرسل:
96655555555+
:eek: :bigeek: :laugh: :cry:
اناظر الرساله مصدق..... مكذب....وش السالفه
المرسل رقم مشهور كله خمسات واسمع انه للوليد بن طلال
مافيه اسم ورقم علشان اقول انها حركه من واحد من اللي اعرفهم... ولاعب في جوالي

مديت جوالي لواحد من الشباب جالس جنبي وقلت له وش رايك في هالرساله :bigeek:
ناظرها وقراها زين :bigeek: وقال شكل الدعوى صدق... والوليد يسويها.. ومهيب غريبه عليه ذا الحركات.

قلت طيب وش اسوي الحين؟؟؟؟
قال قم واتصل وتأكد؟؟

قمت ودقيت على جوال الوليد 055555555 <=== اذا كان له فعلا زي مايقولون
جتني مسج.... الهاتف المطلوب لايمكن الاتصال به الآن

قلت لخويي : جواله مقفل :no:

قال خويي: اسمع بكره الجمعه... والمكاتب اكيد بتصير مقفله.... رح لعمارة المملكه وأسأل عن مكتب 232 من هو له؟؟

المهم

جت الساعه 12 وسرينا لبيوتنا.... وانا في الطريق دقيت مره ثانيه ومقفل :no:

وصلت البيت

دق علي خويي وقال: اسمع ارسل رساله للجوال (055555555) واستفسر هل هو صدق أو لا؟ وحط خاصية استلام التقارير على نعم علشان تعرف هو قراها ولا لأ؟

قلت : خير ان شاء الله

قال خويي : اسمع لا تعلم احد انك جاك مليون... ترى يصكك واحد بعين ثم تروح فيها؟؟

قلت له وانا اضحك : خير خير

جلست افكر وش اسوي..... الدعوى فيها مليون.... والرساله شكلها صحيحه ومافيها مقلب :)
حتى لو كانت مرسله عن طريق الانترنت مفروض يطلع في الرساله عنوان الموقع
انا قد ارسلت عن طريق النت ومن كذا موقع.... ويطلع في آخر الرساله موقع الانترنت اللي ارسلت منه
يوم جت براسي فكره

فتحت الرساله ورحت لخيارات ثم تفاصيل... طلع لي التالي:

المرسل:
96655555555+
مركز الرسائل:
4560990999+

يووووووووووم بديت اشك في السالفه

انا اخبر مركز الرسائل عندنا يبدأ بـ 966550+
وهذا يبدأ بـ 4560+
يعني الرساله ذي عن طريق النت
بس وشلون قدر يخلي اسم المرسل يطلع كذا 96655555555+ ولا يطلع فيه موقع انترنت

ويوم ضاق صدري
وبس راااااااح المليون

اما اللي ارسل لي هالرساله- وإلي ساعتكم مدري من هو - فأقول له :

بصراحه انت رهيب
يكفي انك خليتي اعيش مليونير لو لمدة ساعات


هذي السالفه من طقطق لسلام عليكم


وسلااااااااااااااااااااام

حلوووووووووووووووووووووه تعيش وتاخذ غيرها والحمدالله انك ماطولت على حاله المليونير ولا كان علوم .... وماعرفت من اللي مسوي هالحركه فيك:confused::confused: ..

هلا بالشايب المليونير لساعات فقط :D

إلا لو أنها صدق تبي تزرع لك شعر بدال اللي منحت من الصيني :D

يا زينك وأنت مليونير وهالشوشه عليك والله أن تطلع شئ مهوب طبيعي :D

إلا أقول ما ودك أصير صديقك هاك الساعات بس :D

<<< مصلحجي نمبر ون :D

تحياتي لك والله لا يحرمنا من سوالف اللي توهم راجعين من الإجازة وضايقتن صدورهم :D

نشوتك :D على خير :D

سلاااااااااااااااااااااام

ذئب تناجيب.......... وش دعوى؟؟؟ كنه ضاق صدرك يوم بغيت اصير مليونير!!!
ومن جهة اللي سوى فيني هالحركه.... موووووووووودري منهو للاسف
لأني لو عرفته كان بوووووووووز ولصقته في اقرب جدار

بعض الناس <======= الشين عارفن نفسه

الشعر خلااااااص حت من الصيني..... الخوفه يلحقه الشنب
تصدق مافكرت فيها ........ شوشه ومليونير....... ماش ماتصلح

تصير صديقي هااااااااه؟؟؟؟؟؟؟ اقول انقلع

رجعنا من الاجازه......... وبدت المدارس بعد ..... يعني زودن على هم الليالي زغا؟؟؟؟؟ ;)

شاتك زيدي على خشتك


_______________________

ريفيلينو - مليونير الخمس ساعات بس

وسلاااااااااااااااااااااام

طيب يا اخي .. يمكنه الوليد مرسل لك الرسالة من أحد الدول الأوربية ..!!!

وعشان كذا طلع لك مركز الرسائل غير ..!!!

ومن جهة إن جواله مقفل هذي بسيطة المسألة تحويل على رقم مقفل ..وجواله يصير ارسال فقط..!!!

<---- ماكني زرعت فيك أمل جديد :D..

أما كلام اللي ما يتسماش ( تعرفه زين :D ) فخله عنك .. ترى لو ان الشكل غلط كله مع المليون تصير أطخم واحد :D..

تحياتي لك .. وإن شاء الله يصير كلامي صحيح وتصير مليون من جد..:D:D

اخوي ريفيلينو صحيح كلام اخوي البارق 2000 يمكن ابو خالد ويسويها

كريم ولاهيب غريبة عليه " شف انت تأكد من الموضوع وأنا بدعيلك لكن

بشرط اذا جاك شي لي ربع المبلغ " .

سلاااااااااااااااااام

اقول يالبارق

بدل ما تزرع فيني أمل ياخي ازرع فيني شعر تراني صلعت

http://www2.uol.com.br/espnbrasil/ca...elino1capa.jpg



_______________

هلالي شقردي........... ما تحس ان ربع مليون واجد...... هنا مية ريال تبيها ولاّ انقلع :laugh:


وسلااااااااااااااااااااام

سلااااااااااااااام

نسيت اوصف لك حالتي يوم جتني الرساله

بس اظن الصوره ابلغ من الكلاااااااااااام


شوفوني وشلون صاير مسبوووووووووه

وسلاااااااااام