السلام عليكم و رحمة الله و بركاته ..

ظهر الهلال البارح بآداء متوسط الى اقل من عادي .. للأسباب الثلاثة التالية

الاول .. وجود محمد كنو
الثاني .. قلة الخيارات الهجومية
الثالث .. ارضية الملعب المبللة
--------------------------------------------------------------------------------------------------------------

الاول .. وجود محمد كنو

من زمان و انا اقول و اعيد
محمد كنو لاعب اقل من عادي
بل مكانه الدرجة الثانية و ليس يلو حتى

محمد كنو
إما انه ما يفقه دور لاعب الوسط و هاذي كارثة
او انه لاعب يخاف من الكوره و هاذي ايضا مصيبة

مو معقولة اذا جات الكورة مع بونو
يصير بونو مهيئ ذهنية انه يشتت الكورة ببساطة لانه متأكد ان محمد كنو ما راح يطلبها
و علي البليهي اذا تقدم بالكورة عند اول ضغط من لاعبي النصر .. اول قرار يتخذه هو لعب كوره طويله
عشان يضمن ما تنقطع في النصف و هو خارج مركزه

ي جماعه الخير .. والله كنو نقص محسوب على الهلال
والله اكاد اجزم لو لعبنا البارح ناقصين بدون محمد كنو .. يمكن ادائنا بيكون افضل
لان على الاقل اللاعبين ب يعرفون ان فيه نقص حقيقي و راح يتحركون ..
البارح لا هو اللي اضاف شي ولا هو اللي فكنا من اخطاءه
----------------------------------------------

الثاني .. قلة الخيارات الهجومية

مع اني مع وجود محمد القحطاني
لكن البارح ظهر بصورة اقل لانه ببساطة
اقل سرعة و اقل بنية جسدية من ظهير النصر محمد بوشل

ل هذين السببين
اضطرينا نلعب على جهة لودي و سالم اكثر من مرة حتى لا نخسر الكرة بسهولة
و الشي هذا سهل عملية المراقبة اللصيقة من لاعبي النصر ..
لذلك قلت خطورة الهلال في الثلث الاخير حتى وصول الدقائق الاخيرة
----------------------------------------------

الثالث .. ارضية الملعب المبللة

ترى فعليا البارح
الملعب كان سيء بدرجة مربكة للاعبين و المدربين
امس الكوره مو قادره توقف .. و بنفس الوقت حامل الكره ما يقدر يجري بالكره او يغير جهة بسهولة
لانه فقد ميزة الاتكاء على القدم الاخرى .. و لذلك حتى عملية الضغط واحد على واحد ايضا كانت مربكة
لان في حال اللاعب النصراوي اذا تجاوز المدافع فالمدافع ماراح يقدر يرجع بسرعة لانه لو حاول راح يتعرض للانزلاق و السقوط .. عشان كذا شفنا تحرك اللاعبين بالكره و بدون كره كأنه باهت و فيه برود
لكن الحقيقه كانت بسبب بلل العشب المبالغ فيه

ايضا الشي هذا اثر على وصول التمريرات الارضية ..
لان اللاعب لو مرر بقوه فإن الكره راح تضل بنفس سرعتها و يصير صعب على اللاعب استلامها
ببساطة لان الكرة ماراح توقف اصلا ..
و اذا اللاعب قرر يمرر الكوره ببطء عشان يستلمها زميله زي تمريره سافيتش ل لودي نهايه الشوط الاول
راح تكون فيه فرصه للاعبي النصر اعتراضها .. لذلك امس كثرت الفردية و التسديد

و انا ما استبعد ان الجهاز الفني للفريق النصراوي هو اللي امر بالشي هذا
عشان يصعب المباراه على الفريق الهلالي اللي يجيد التمريرات الارضية بدقة عالية
--------------------------------------------------

في النهاية ..

صدارة هلالية

و اكبر سلسلة مبارايات بلا خسارة

كلنا فخر بهلالنا ..