|
دوري ابطال اسيا خسرناه من الرياض وليس من سايتاما السلام عليكم ورحمة الله وبركاته ف البدايه هاردلك خسارة نهائي دوري ابطال اسيا البطوله المطلوبه عند الجمهور الهلالي ككل واقوى بطوله للانديه في اسيا https://m.al-sharq.com/get/maximage/...g?t=1637695695 اولاً خلوني احدثكم عن اهمية البطوله وايش يعني الرياده فيها.. دوري ابطال اسيا اكبر بطوله للانديه في القاره الصفراء وتحقيقك لها يعني انتشار وزيادة زخم وتوهج للفريق ولعلامته التجاريه عالمياً مش بس اقليمياً تحقيقك لها دائماً والمنافسه عليها كل موسم يعني سهوله في مفاوضات المدربين و اللاعبين الاجانب وانتشار وازدياد لجماهيرية النادي على مستوى العالم.. وكون الفريق حالياً هو اكثر من حقق لقب دوري ابطال اسيا اتمنى يكون الهدف الاول للإداره في كل موسم تحقيق البطوله وبعدها تحقيق الدوري وكأس الملك مثل كل اندية اوروبا ولحد يجيني يقول خلاص حققناها مره ومرتين وخلاص .. احتكار البطوله وتزعمها يجب ان يكون اول اهداف الفريق في كل موسم وخاصة الحين تعدل توقيت انطلاقها وبتكون مع الموسم من بدايته ل نهايته. https://gumlet.assettype.com/sabq%2F...fit=max&w=1200 ثانياً من بداية الموسم كان واضح صعف الاعداد للفريق مع المدرب اللي ( ما ادري وش الميزه اللي عنده غير ضعف شخصيته ) وهالشي محبب اللاعبين فيه .. قوة الهلال في موسم 19 و حتى مع جارديم وكانت فارقه مع الفريق هو قوة الاعداد واللياقه اللي عند الفريق وهذي فرقة كثير معنا وقتها اولاً لقلة الاصابات ف الفريق وثانياً كقوة في الاداء حيث ان الفريق وقتها يحسم اغلب المباريات ويريح اهم اللاعبين ويزج بلاعبين صغار ف السن لاكتساب الخبره.. وهذي مع طيب الذكر جيسوس ومع رزفان ومع كذلك جارديم بصوره اقل ثالثاً خسارة البطوله مو من مباراة الاياب خسارة البطوله بداية من زيادة وزن سالم الدوسري + واصابات سلمان الفرج العضليه واللي سببها الرئيسي ضعف الاعداد البدني واللياقي + وضعف اداء كنو اللي كانو موقوف طول الموسم ومفترض يرجع بأكمل جاهزيه له .. من مباراة الذهاب انت دخلت المباراه وانت ماتعرف وش تبي لاتبي تحسمها ولا تبي تلعب المباراه على لقائين انت افرغت النص تماماً من اهم اللاعبين كاريلو كويلار وفييتو بدرجه اقل .. الفريق افتقد للاعب اللي يطلع بالكوره وصاحب فكره في بناء او تمرير وهالشي ظهر بس مع نزول عبالله عطيف سلمان ف اللقاء ما احكي لكم عن كمية العك اللي عنده ب التمرير بخارج القدم والعرضي اللي ما استفدنا منه اي شي طول المباراه التركيز على خروج الكره الجمالي عنده اكثر من اهميتها فييتو لو مكانه ونلعبه في مركز غير مركزه اجزم انه بيخلق فرصه وبيلعب افضل منه ب 100 الفريق الياباني جميع اللقطات اللي تفكك دفاعه فيها هي من اللعب ون - تو بين اللاعبين وهالشي ما شفناه الا مره مرتين وفكك دفاعهم ليه ما استمر الفريق اللعب ب الطريقه هذي حتى لو تكون طول المباراه .. انت امامك فريق كله دفاع .. لا عندك لاعب ينطح ويجيد الضربات الرأسيه ( وبجي له المهاجم الفاشل ب جي له ) ولا عندك احد من الوسط يسدد لو قلنا بترجع الكوره من الدفاعات اليابانيه .. يعني الطريقه اللي بتلعب فيها محدوده وافضل شي وشفناه فكك الدفاعات اللعب السريع والثنائيات اللي تقدر تدخل فيها من عمق دفاعاتهم او حتى من الاطراف انت كسبان بكل الحالات اولاً زعزعة الفريق وثانياً لو ماحصلت على فرصه تهديف انت ع الاقل راح تكسب فاولات قريبه او حتى ضربات جزاء ... الفريق تقدم مع اول هدف وكان ب امكانه يفوز ب 6 و 7 حتى بس ليه تهدي اللعب .؟؟؟؟؟؟؟؟؟؟؟؟؟؟؟؟؟؟؟؟؟؟؟ ليه ما تستغل ارتباك المنافس .؟؟؟؟؟؟؟ المدرب مايشوف اللي نشوفه ؟ كابتن الفريق مايشوف ارتباك المنافس ؟؟ الفريق الياباني ماكان عنده شي ولا كان يقدر يبني هجمه حتى لاعبين مرتبكين .. يلعب على اخطائك حتى المرتدات اللي انت متخوف منها وحاسب حساب هدف بهدفين عشانها .. ماسنحت لهم ولا فرصه مهاجمهم عمره 36 ي الله انه يقدر يسوي كنترول ع الكوره لاعب واحد ورى كان يقدر يغطيه ويغطي اي مرتده .. لو اندفع الفريق وتجاهل مسألة الهدف اللي بيتسجل عليه فزنا 5 اقل شي بس ضاعات المباراه وضاع وقتها كله من التهدئه وايضا من اللعب العرضي اللي ابثرنا فيه الكابتن كاريلو كان مفترض يلعب جناح وفييتو وسط وماريغا مهاجم .. لو لعب الفريق ب الثلاثي الاجنبي مع جانغ فزنا 9 مو 1-1 مع الاسف بطولات سهله تتعب فيها وتضيع بطولات اخرى عشانها واخر شي توصل النهائي تلعبه وانت ماتعرف وش تبغى ؟ تبغى تفوز تبغى تعادل تبغى تخسر .؟؟؟؟ نجي ل اهم نقطه وهو المهاجم ذا اللي تحت اللي حرام انه يكون معوض لطيب الذكر قوميز https://s3-eu-west-1.amazonaws.com/c...8766d91832.jpg مميزات ايغالو في وجهة نظري هي كالتالي :- 1- انا ماعمري شفت مهاجم ينخش بين المدافعين و ينتظر الكوره توصل له !! 2- ماعمري شفت مهاجم يحظن ع كورته في الوقت اللي مفروض انه يلعبها من لمسه !! 3 مهاجم برغم طول قامته مستحيل تستفيد منه في الكرات الهوائيه ليه .؟؟ لانه يخاف !! 4- مهاجم ضعيف في قراءة اللعب واللاعب اللي بيمرر له وبيعتمد عليه في لعبه ثانيه يحلم انه يرجعها له !! 5- انانــــــــــــــــــــــــــــــــــــــــــي !! 6- يسدد الكثيرر من الكرات ف التمارين بس تجي المباراه اتحدى تشوف له هدف من تسديداته !! 7- مستحيل تشوف له لقطه يطلب فيها كوره ورى الدفاعات !! 8- مايضغـط على المدافعين و لا على حتى محاور الفريق المنافس 9- مستحيل تلقاه امام المرمى في اهم الكرات او العرضيات وا لدليل هدف سالم الدوسري 10- بطئي في اتخاذ القرار الصح مستعد اوصلها 20 ولحد ينبرش علي يقول لاعب مانشستر ومدري وش ... قوميز مالعب في مانسيتر ومع ذلك افضل منه ب 10000 مره وحتى الحمدان وماريغا اقسم بالله بيفرقون معنا افضل واكثر منه اختصاراً للكلام اللي فوق واللي باقي بقوله لاني طفشت وتعبت دياز وطاقمه اوت نهاية الموسم ايغالو اوت نهاية الموسم وحبذا من الحين كويلار اذا ماتقدر تجيب افضل منه ولاعب بمميزات لعب هجوميه خليه فييتو اوت وشكراً على كاس العالم مع ايماني التام بأنه كان بيفيدنا في لقاء اوراوا لو لعب ميشيل < اوت اوت اوت .. لقطاته وهو يراوغ ويتحرك تجيب الهم وتوحي لك بأنك ماراح تحقق شي لان جميع مراوغاته ما استفدنا منها شي ابد سوا سلكان الهدف ف الذهاب بيريرا < بيع عقده جانغ جيد واحس قدم كل اللي عنده وينطبق عليه نفس الكلام عن كويلار .. اذا ماتقدر تجيب اسيوي افضل منه خليه الوحيد اللي اتمنى يبقى هو كاريلو بس واللي رغم الهدف ب الاياب الا ان ادائه وقتاليته تجعلـنا نخجـل من انتقاده وشكراً ل سامي الجابر اللي جابه لنا ملاحظه هدف اوارا ف الاياب كان فيه خطأ على سعود عبدالحميد وضعف ف التغطيه ... ليه ترك المدافع يلعبها على راحته لاحد يقول المدافع اطول كان ب امكانه يضايقه نقطه تخص المعيوف برغم اداء المعيوف الجيد ف الحراسه .. الا اني اتمنى حارس اجنـبي الموسم الجـاي وكذلك اتمنى يكون دياز اخر مدرب لاتيني يقود الفريق ... لان ولا زمان المدرب اللاتيني .. تحتاج مدربين يشتغلون على الاعداد واللياقه وهي اهم شي في الكره الحديثه وكذلك مدربين اصحاب شخصيه قويه مثل جيسوس مجاملة اللاعبين ماراح تحقق لك شي .. اللاعب بنفسه يجب ان يحس بالمسؤليه واهمية التي شيرت اللي يرتديه .. فانيلة الهلال ثقيله يجب ان يعرفها ويحس ب اهميتها جميع اللاعبين وشكرا تعبت مليت باقي ب صدري حكي كثيررررررر اي مشرف يقدر يغير اسمي ياليت يراسلني |
هاردلك يا زعماء شكراً لادارة بن نافل للأمانة كل شئ تمنيته حصل تمنيت نجيب آسيا وجبنا بطولتين تمنيت المركز الثالث بكأس العالم والحصول على البرونزية وحصلنا على وصيف العالم والميدالية الفضية ما تصدقون فرحتي بهذا الانجاز لذلك انا بدأت حديثي بشكر ادارة الهلال وماني زعلان منها حتى لو خسرنا كأس الملك وطلعنا بموسم صفري بعد الشكر اجي للعتب الجميع تحدث عن دياز واللاعبين لكن انا عندي شئ اهم ليش ننساه اتمنى انه ما يتكرر مره ثانية لأنه والله ما ادري وش اقول يعني معقولة اتوقف فترتين علشان لاعب منهو هالاعب ميسي بعزه على غفله عندنا 7 اجانب وبعضهم ما يلعب يعني معقولة ما اقدر اجيب لاعب اجنبي بخانته بعدين وش قدم انا متأكد لو راح كان صار مثل اللي عندهم مجرد عدد ههههه فريق المحاور عموماً نحذر من تكرار هالحادثة مهما كان اسم اللاعب اخيراً ابي اعلق على بعض اللاعبين والمدرب دياز كثر الله خيرك لكن الواضح ان عندك ضعف بالنهائيات ولو نجلس 3 ايام نلعب ما سجلنا خصوصاً بعد غياب سالم اساساً من يوم طلعت من الفيحاء فلا يجب ان نحزن على اوراوا انت ما فلحت مع الفيحاء فكيف مع اوراوا نبي مدرب يعرف يقرأ الخصم ويجيد وضع التكتيك المناسب اما اللاعبين فالاجانب اوت ماهي معقولة ابعد جوفينكو وغوميز واجيب بيريرا وايغالو سوء اختيارات اللاعبين عجيبه اما المحليين فنحن نملك الافضل لكن اتمنى عدم الرضوخ لهم واضح من ابعد جارديم واحضر دياز نقول للفرج كثر الله خيرك لكن انت كبرت وكثرت اصاباتك خلاص يكفي الى هنا اعتزل او اقعد دكه المعيوف اركن دكه لو سمحت ونجيب حارس اجنبي افضل العويس حارس ثالث او الى الدوري الرديف هذي اهم الخانات المحلية اللي تحتاج تغيير وشكراً |
معليش الهلال ضيعها في الرياض لو حسمها في الرياض كان الحين 9 القاب اسيويه |
تسلم يمينك "فآ‘إْلديفيآ‘إْ" على هذا الطرح التفصيلي من زمان لم نشاهد مثل هذه المواضيع المتكامله فقط تسائل؟ ولي عوده للموضوع هل تعتقد من هذه دكة بدلاءة يحقق طموح الأمة الهلالية https://pbs.twimg.com/media/Fvnzvo7WYAER8e5?format=png |
إقتباس:
بالنسبه للعويس وجحفلي و صالح شكراً لهم ويتهم تنسيقهم او اعارتهم ومخالصتهم ولكن المشكله بشكل عام اللاعب المواطن الجيد واللي يستاهل يرتدي تي شيرت الهلال مافيه حالياً او يتواجدون في انديه ثانيه وراح تتدمر مسيرتهم انا مقتنع اقتناع تام ان فيه لاعبين راحو للنصر ولو جاو للهلال راح يكون عناصر اساسيه مع الفريق ولاتقل عن الموجودين حالياً الصليهم + الحسن لكن المشكله انهم راحو للنصر اللي معروف انه يدمر المواهب لان النادي مايعرف وش يبغى اصلاً |
إقتباس:
كلامك بشكل عام اتفق معك فيه ب استثناء نقطة الفيحاء و اوراوا .. اوراوا ماهو قوي وما فاز عليك بقوته .. انت اللي اهديته الكاس وخسرت نفسك قدامه فقط لا اكثر ولا اقل .. ! انا مقتنع اقتناع تام افضل فريق في القارتين اسيا وافريقيا بعد يلعب كوره هو الهلال .. مافيه نادي يقدر يجاريه ولكن مع الاسف مع رحيل المهاجم وتواضع شخصية المدرب وتعالي لاعبين الفريق ( سالم وسلمان و كنو ) نادراً ماتقدر تثبت افضليتك ب الفوز الكاسح والمستحق ضد اي فريق . |
إقتباس:
لاتزيد الغبنـه تكفـــــــــــى :cry: :ranting: :mad: السنه الجايه مالهم عذر في كل شي .. البطوله يجب ان تكون اول اهداف الفريق قبل الدوري حتى .s13s |
يعطيك العافية اخوي العضو المميز فآ‘إْلديفيآ‘إْ على الموضوع المميز وياليتنا تناقشنا قبل النهائي بفترة طويلة لكن اللي صار صار وانتهى الحلم والجاي أفضل بإذن الله وهذا وقت الالتفاف وتعديل الأخطاء اسباب كثيرة للخسارة تحدثنا عنها قبل الموعد ولكن الكبرياء والتكبر والخيلاء الزائد والتتويج على الورق اشوفه اهم الأسباب إعلام الهلال والإعلام المنافس وحتى جماهير الهلال كانوا ضامنين البطولة ومنها منتدانا هذا ولا اي تفاعل قبل النهائي وكأن البطولة قد حسمت..!! مدرب بليد في النهائيات عدم التوفيق في اختيار الأجانب للنهائي هذا النوع من المعارك تحتاج اختيار الرجال فقط ما نسيت حملة قوميز على زملاءه قبل النهائي بشهر وهو يحفز ويشحذ همم اللاعبين في كل مناسبة وما نسينا جيوفنكو في الذهاب والإياب كيف يقاتل ويحسب كل دقيقة تمر وكأن المبارة حياة او موت لاعب يحمل المسؤلية ويقدر الشعار ويدرك أهمية الحدث الاتحاد السعودي إتحاد جورجينا والعناد ونكران الجميل وهو اصلآ نكرة مجهول لولا لاعبين الهلال على مستوى المنتخبات والأندية ومع ذلك يتم إرهاق الفريق بفعل فاعل قبل النهائي بعدم تأجيل الديربي والكلاسيكو عشان لا يزعل الدون المنتهي عدم وجود القائد سلمان الكابيتانو خذلنا واي خذلان لم يكن له أي بصمة ولا تأثير منذ تأهل الهلال للنهائي وهو يتفرغ للدعايات ويتابع جدول هيئة الترفيه ومواعيد حفلات الهز والرقص والسنابات وهو شايف الفريق مستواه يتدهور في الدوري ويخسر بنتائج مخزية ويبتعد عن الصدارة بشكل مخيف ويخسر السوبر من أمام فريق صاعد.. كذلك الحال للمعيوف وسالم وكمية الغرور والغطرسة سالم وثقافة القصات والميوعة عدوى انتشرت بين لاعبين الهلال فجأة وبعد المونديال مباشرة تغير الحال وبدأ التخاذل والتشتيت والضياع ينتشر في مفاصل الفريق حتى سعود عبدالحميد ظهر بشكل باهت حتى الأجانب ظهروا بشكل سيء رغم الفوز على النصر والاتحاد بالحظ الهلال يحتاج حارس اجنبي عالمي قبل كل شي الهلال يحتاج مهاجم فتاك واتمنى مهاجم فلامينقو رقم 9 أعتقد اسمه بيدرو.. مهاجم حي وعمره مناسب ورشيق وشويت وقناص ويجيد التسجيل بكل الطرق الهلال يحتاج ظهير أيسر عالمي يكون الشهراني دكة له الهلال يحتاج مدرب يتم اختياره بعناية |
إقتباس:
لكن اوراوا يلعب بنفس نهج الفيحاء تقفيل المناطق الخلفية وخطف هدف واللي ما عرف يتعامل مع الفيحاء فلن يحسن التعامل مع اوراوا ونتفق ان الهلال افضل فريق ولكن عندنا مشكلة مزمنة ومستعصية وهي التسجيل على الفرق اللي تنتهج النهج الدفاعي مثل الفيحاء واوراوا مثلاً ومن عوامل هذه المشكلة المزمنة والمستعصية هي ضعفنا في التسديد على المرمى وضعفنا في الاستفادة من الكرات الثابتة وضعفنا في الاستفادة من الكرات الهوائية نبي مدرب يعالج هذا الخلل ونبي لاعبين اجانب مميزين في هذه المهارات |
| الوقت المعتمد في المنتدى بتوقيت جرينتش +3.
الوقت الان » 03:57 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd