يلتقي زعيم القارة الهلال الملكي العالمي بنادي استقلال دوشنبه
في دور المجموعات ( غرب آسيا ) من دوري ابطال آسيا 2022 المجموعة (A) - الجولة الثالثة
وذلك على ملعب الأمير فيصل بن فهد - الرياض

عزيزي المشجع الرياضي :

الشتم و القذف واللعن لن يغير في نتيجة أي مباراه , لكن سوف يغير في صحيفتك يوم القيامه ,,

فأحذر يرعاك الله ,,

تشكيلة نادي استقلال دوشنبه

على فكرة

يتأهل الأول فقط من كل مجموعه

لا للتهاون والتراخي والتخدير

سالم جناح يمين
وبيريرا يسار
!!

والا انا غلطان؟

الأعضاء اليوم وينكم




مكثرين في الشوربة الظاهر

راح يستمر العقم الهجومي
الين يطلع بيريرا

حارس استقلول رستم ياتيموف عمره ثلاث و عشرين سنة..
حارس كل المواصفات فيه.. مرونة و طول و تمركز..
و الله اللي بيجيبه ماراح يبلش بالحراسة عشر سنوات قدام..
و الاسيوي نخليه حارس..
و الدفاع نجيب له مدافع غير اسيوي..

القائد رجل المباراة

بعد التحية والسلام

( الْحَمْدُ لِلَّهِ عَدَدَ مَا خَلَقَ، وَالْحَمْدُ لِلَّهِ مِلْءَ مَا خَلَقَ، وَالْحَمْدُ لِلَّهِ عَدَدَ مَا فِي السَّمَاوَاتِ وَمَا فِي الأَرْضِ، وَالْحَمْدُ لِلَّهِ عَدَدَ مَا أَحْصَى كِتَابُهُ، وَالْحَمْدُ لِلَّهِ مِلْءَ مَا أَحْصَى كِتَابُهُ، وَالْحَمْدُ لِلَّهِ عَدَدَ كُلِّ شَيْءٍ، وَالْحَمْدُ لِلَّهِ مِلْءَ كُلِّ شَيْءٍ، وَتُسَبِّحُ اللَّهَ مِثْلَهُنَّ”)،
ثُمَّ قَالَ:”تُعَلِّمُهُنَّ عَقِبَكَ مِنْ بَعْدَكَ”

ألف مبروك فوز الزعيم ومواصلة الصدارة

ربي يوفق الزعيم الملكي وجميع محبيه فوق كل ارض وتحت كل سماء بكل زمان ومكان اللهم امين يارب العالمين
وارحم جميع المسلمين

الله يعطيكم العافية على التغطية والنقل



دمتم بود

kh2001k

صباح الخير ..

المباراة الهلال كان فيها فريق كبير و ثقيل و أظهر فارق امكانياته بينه وبين الفرق الثانية ..
والمفروض المباراة منتهية 4 على أقل تقدير ..

حارسهم استبسل و قدم مباراة جميلة جداً ..
ولاعبيننا قدموا لقطات حلوة أكثر من مرة و أظهروا فنياتهم ..

بيريرا للأمانة كان تواجده غير مهم .. و أول مرة أشوفه نشاز مثل مباراة اليوم ..
و مازلت أقول اللاعب امكانياته تختلف عن مهامه ..
اللاعب عنده بطء و غير مهاري ..
ميزته التمرير و الرؤية العالية و مخه و عقله حق صناعة لعب .. و يشكل ثنائية مع سالم عند الثمانطعش ..
لا تطلب منه يراكض ولا تطلب يدافع .. هذا تلعبه خلف المهاجم مباشرة .. أو أفضل حل لا تلعبه إذا لك تكتيك معين ماينفع له ..

ايقالو ..
هداف .. و يجي منه .. بس مازلت أقول فيه خيارات أفضل منه بمراحل ..
تقدر تجيب هداف مثله أو أفضل .. بنفس الوقت حركي و نشيط و يعرف يسوي كنترول زي الأوادم على الكورة ..
ايقالو يحتاج كور ترش رش عليه كل المباراة علشان يسجل لك ..
و بشكل الهلال الحالي و بلاعبي النص الموجودين .. أنت تحتاج للاعب نوعية ثانية .. لاعب مهاري .. يباصي .. خفيف .. يلعب الون تو بشكل مريح ..
ماتبي لاعب مبلش نفسه و مبلش أخوياه بالتحضين على كل صغيرة و كبيرة ..

البريك .. لاعب مجتهد الله يجزاه خير .. وله بعض اللقطات الجميلة ..
بس والله سعود أفضل منه و بالراحة بعد ..
سعود أوفراته أفضل .. و بالمجمل أسرع و أنشط منه ..
البريك الأوفر عنده شختك بختك .. اذا بغيته فوق حطها تحت .. اذا بغيته تحت حطها فوق .. قائم أول يلعبها خلف .. الخلف يلعبها قائم أول ..
هستر بي كمشاهد و لعب بنفسية المهاجمين ..


شكل الهلال جميل اليوم ..
كان ينقصه مصعب الجوير .. وعبدالله رديف ( الله يشفيه سريعاً ) .. و ناصر الدوسري من بدري ..
نبي هالثلاثي الصغير بالسن يدخل أجواء المباريات الرسمية بهالعمر و بهالفترة ..
نبي اذا اعتزل سلمان و سالم و الجيل الحالي .. يصير عندنا لاعبين ناضجين كروياً ..
وعبدالله رديف أراهن عليه لو لعبوه كذا مباراة ورى بعض .. لاعب و الله هداف و امكانياته جيدة و جسمانياً ماشاء الله ..
أما إذا ركنوه دكة .. ثم لعب بعد ثلاث سنوات أو اربع سنوات وهو احتياطي .. صدقوني بتدمر موهبته و الناس تبي تطالب بتنسيقه ..


بالتوفيق للزعيم في هالبطولة .. نبيها و بإذن الله نجيبها ..