| إقتباس | | | | |
الرسالة الأصلية كتبت بواسطة عاشق الزعيم505 | | | | | | | |
كلامك جميل وتحليل منطقي
الهلال باغت الرائد اليوم وسيطر وسجل مبكراً
واستلم زمام المباراة طوال 90 دقيقة وشوية سرحان بعض الأوقات لولا تالق المعيوف يمكن تتغير أحداث المباراة
فييتو اليوم اعتقد لاعب حر وفي مركزه المفضل
وهو من يوم جاء للهلال والحظ واقف ضده
بس بصراحة نجوم المباراة اليوم
فييتو وكاريلو وكويلار
هضمت حق كاريلو مع اني اشوفه لاعب كبير ونادر تحصل لاعب بروقانه إذا طلع مجهوده كامل وتهدبفه اليوم يثبت انه عاد لمستواه ياليت يكون اساسي في مواجهة النصر إذا تأهل
ودي أسالك عن بيريرا
وما ادراك ما بيريرا
ومن الأفضل يكون خلف المهاجم فييتو والا بيريرا والا ماريقا
وهل هي السابق لاوانه الحكم على بيريرا؟
ورانا كأس العالم وكأس السوبر ونحتاج ثبات واستقرار التشكيلة
فييتو اليوم لعب بديل مكان بيريرا واخذ التقييم بالعلامة الكاملة
وهل جارديم يحتاج لصانع والا يلعب بمهاجمين اثنين ويرجع بيريرا محور هجومي خارج منطقة الجزاء؟ | | | | | |
والله يا صديقي عاشق أنا بالنسبة لي أشوف كاريو فنان كامكانيات ..
لكنه لاعب كسول مستهتر .. و أرقامه بالهلال مخجلة و هو لاعب جناح هجومي ..
من اللاعبين اللي تشوفه تقول والله فنان .. بس مخرجاته و انتاجيته صفر على الشمال ..
بالنسبة لي أنا أشوف لاعب الجناح لازم يصير أفضل من المحلي ..
و إذا جيت أقارن لاعب جناح .. علطول يجي ببالي و يلهامسون ..
مسجل 54 هدف .. بينه وبين كاريو سنين ضوئية مع إن كاريو جاء بوقت أجانب و دوري يساعد ..
هذا غير الصناعة اللي صنعها ويلي و اللي أجزم إنه رقم كبير ..
بالنسبة لبيريرا .. أنا مازلت أشوفه لاعب امكانياته كبيرة جداً ..
لكن المدرب ماوظفه التوظيف الصحيح ..
ذكرن بإدواردو يوم كنا نصيح على المدرب اللي قتله بسبب جيوفنكو ..
تخيل الجوكر السوبر الهداف .. يلعب محور أو وسط أو وسط يمين .. ترقيع بكل مباراة ..
واذكر باخر موسم له مسجل 12 هدف و خلف قوميز بالتهديف و هو بعيد عن الهجوم ..
وكانت ارقامه افضل من جيوفنكو و كاريو مجتمعين .. صدق أتكلم اذكرها كنه امس ..
بيريرا يختلف عن ادواردو بحاجة وحدة .. انه مهب لاعب هداف ..
لاعب يحب يصنع الهدف .. مثل أوزيل ..
صانع ألعاب يطلع لك كورة أنت و ضميرك بالسهل الممتنع .. مخه مليان كورة
بس صديقي عاشق مستحيل أحكم عليه في مباراة كان فيها الفريق كله مدحدر ..
لكن لا جيت للأرقام .. الولد أرقامه بالصناعة جميلة جداً ..
لعب بآسيا 4 مباريات فقط .. صنع هدفين ..
بالدوري لعب 8 مباريات و صنع 5 أهداف ..
وسبق وذكرت إن مباراتين من الثمان مالعبهن كاملات .. وحدة لعب 6 دقايق بس .. و الثانية 30 دقيقة ..
يعني ارقامه جميلة .. وصناعته مهب صناعة صدفة .. لو رجعت لليوتيوب وشفت الصناعة بتقول صناعة من قلب ..
أشوف مشكلته توظيفه بالفريق ..
لا بغيت الحق عاشق ..
أنا أحب أشوف بيريرا بنص الملعب .. عقليته الكروية تسمح له يدير النص ..
التشكيلة الحالية للأجانب فيها تضارب مراكز ..
ماريقا و قوميز و كاريو و فييتو و بيريرا تواجدهم مع بعض مستحيل ..
لكن على سؤالك .. بهالوقت و بهالاجانب ..
أنا أتمنى قوميز احتياط .. يلعب اخر ثلث ساعة أو اخر نصف ساعة .. و مباريات يلعب فيها و يستبدل حسب المباراة
و يكون مكانه فييتو .. اللي قد لعب في هالمركز .. و أشوف فيتو حالياً ينفع مهاجم أو مهاجم ثاني ..
فييتو يعجبن به انه مشاغب و حركي و مزعج لأي خصم .. وقدمه قوية الصراحة ..
ماريقا يمين أساسي .. بديله كاريو ..
التشكيلة اللي اتمنى اشوفه في أي مباراة حالياً على مستوى اللاعبين ..
فييتو
ماريقا - بيريرا - سالم
كنو - ناصر
اليامي - الكوري - المفرج - الشهراني
المعيوف
لأن حرام كنو بمستوياته الخرافية .. وناصر المبدع بكل مباراة .. يصيرون احتياط لسلمان و كويلار
مهب سوء بسلمان والا كويلار .. بس عندنا تخمة محاور .. أفضلهم ناصر و كنو كثنائية شبابية ..
قوميز و صالح ماينفعون مهاجمين .. خاصة بطريقة الهلال الحالية ..
هذولا يبون كور مقشرة .. و الهلال حاليا يلعب ضد فرق تتكتل ..
يبي له مهارة و سرعة و استغلال مساحات ضيقة ..