|
جديدي بمناسبة فوز الزعيم بالبطولة الآسيويه الثامنه من كلماتي وآداء المبدع محمد السلام عليكم ورحمة الله وبركاته ألف مبروك للزعيم هذه البطوله التي تسجل بأسم الوطن وبأسم الأمه الهلاليه ومزيدا من الأفراح إن شاء الله شيلة البطوله من / كلماتي آداء المنشد المبدع / محمد https://f.top4top.io/p_21550i38p1.jpg وللمجد بقيه بحول الله تعالى القصيده أبدعك ياقاف وأنت البدع زكه خل طاروق الفرح يلعب طرابه ماوصلنا للذهب نبغا نفكه فطرة فينا ولافيها غرابه ومجدنا ما لاحقه ريب وشكه أسأل التاريخ من سطر كتابه إن وقف في دربنا الكايد ندكه نقدم بعزم ولانحسب حسابه نلحقه مر الهزيمه ثم نركه في مكانه قدمنا فاقد صوابه من بلاد أطهر ثرى طيبه ومكه حامل الرايه على متن السحابه الزعيم اللي ملك للكاس صكه وحط هالإنجاز مع غالي زهابه لاحضر بالفن فنه ما يعكه له مع الإمتاع سيره مستطابه بادع له داخل الوجدان سكه ومع عروق الدم مسراه وجرابه علم اللي صابته ضيقه وتكه الكآبه ما تجيب إلا الكآبه كان داه اللي بصدره مستلكه عند نادي القرن وصفات الطبابه غازي سهيان الحبردي رابط الشيله https://youtu.be/kpSR0NUhcSc تحياتي |
ما شاء الله عليك وبيض الله وجهك والزعيم دائما يرفع الراس ويبيض الوجه |
وجهك ابيض تسلم ويسلم مرورك |
أبدعت صح منطوقك واعتلا شانك يا زعيم دووم الأفراح يا رب |
اكتب لنا الكلام هنا لاهنت يامبدع |
إقتباس:
|
إقتباس:
|
صح لسانك يا شاعرنا ألف مبروك لجميع عشاق الزعيم |
ماشاء الله يعطيك العافية |
صح بدنك والله يسلمكم جميعا على مروركم |
صح لسانك يا مبدع قافك قوي وجميل |
إقتباس:
|
صباح الخير صح لسانك يا شاعرنا ألف مبروك لجميع عشاق الزعيم |
إقتباس:
صح بدنك وتسلم على مرورك المميز والله يبارك فيك |
| الوقت المعتمد في المنتدى بتوقيت جرينتش +3.
الوقت الان » 02:46 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd