سؤال للي عنده علم - أعضاء أو مشرفين أو إداريين
 

السلام عليكم و رحمة الله و بركاته ..

الآن من اللي قائم بإدارة المنتدى؟

أقصد اللي معه الصلاحيات على الموقع بشكل عام.

هل مازال تسجيل الأعضاء يحتاج لتفعيل من قبل إدارة المنتدى؟

و هل الوساطة مازالت موجودة؟

المنتدى من فترة طويلة و الأعضاء نفسهم.. و كل مالهم بالناقص لظروف الحياة الانترنتية ..

إذا كان المنتدى فعلاً عضويته تحتاج لتفعيل فهي أم المصايب ..

ولازم حنا كأعضاء نتواصل مع القائمين على المنتدى .. يفتحون التسجيل مثله مثل أي منصة إلكترونية ..

و إذا كان الخوف من الانفلات من بعض الأعضاء .. هذي وظيفة الإشراف من 21 سنة بالمنتديات ..

والمشرف اللي تواجده أصبح شبه معدوم .. ينشال و ينحط غيره من الأعضاء الموجودين و فيهم البركة ...


المنتدى يتم نحره و ذبحه .. و غيره من المنصات و المنتديات أصبحت منصات يومية للرياضيين ..

كنا نقول نطور المنتدى و نربطه بمواقع التواصل و نخليه أسهل بترقية المنتدى ليصبح مناسب للجوالات والأجهزة الذكية ..

الحين نبي بس المنتدى يستمر بالحياة لين ييسر له الله من ينتشله و يطور به ..



غير معقول العضويات تحتاج لتفعيل إداري ..

و غير معقول ترك المنتدى يعمل على 20 عضو أو أقل مازال الحنين يجيبهم للمنتدى بين فترة و أخرى ..

واحتمال الحين يروحون بعد ..


أتمنى أي شخص يوصلنا للقائمين على المنتدى ..

نوصل صوتنا للأدمن لربما ينتبه شوي و يسوي بعض التعديلات و التحسينات و الترتيبات ..

المنتدى يبقى صرح لا يمكن تغييره ..

نقل مباريات .. لقاءات .. صور .. مواضيع و كتابات و أخبار صحف ..


إذا كانت الإدارة اتجهت لتويتر و غيره .. ياليت أقل شيء يعطون 5% من مجهودهم للمنتدى ..

للاسف المنتدى مهمل حاليا يعتبر اسوء منتدى في الاندية السعودية بعد ماكان المنتدى الصفحة الاولى في نفس اليوم الواجهه

كلها تتغير لمواضيع جديده الان الواجهه هيا هيا لاكثر من شهر

والله يا هلالية قد نقول التويتر و غيره أخذ الأعضاء ..

لكن وش اللي يمنعهم الآن من فتح المنتدى للأعضاء الجدد؟

المشكلة لو تدخلين على بروفايل المشرفين و الإدارة .. كلهم آخر تسجيل دخول قبل سنين ..

قليل جداً اللي متواجد السنة الماضية أو هالسنة ..

و أعتقد إن العضويات الجديدة مازالت تحتاج تفعيل من قبل إدارة المنتدى مثل ما كان قديماً ..

والإدارة شبه مختفية .. لذلك نادر تشوف عضويات جديدة .. أو أصلاً مانشوف عضويات جديدة ..


المنتديات مازالت تعطي .. و فيه منتديات الآن مستمرة .. و منتدى مثل منتدى الزعيم حرام يتم نحره بهالصورة ..

ضروري الإدارة تشوف حل .. أو حنا نشوف حل .. نراسلهم نشوف وينهم ..

لكن كيف نتواصل معهم خارج المنتدى؟

علمي علمك يا بو ساري
وكلامك مهم للغاية
وفي نظر ي ونظر كثير من عشاق الزعيم أن هذا الصرح العملاق
يعادل كل وسائل التواصل الاجتماعي مجتمعة
والمفروض يكون الاهتمام بالمنتديات وهذه الشبكات العملاقة اهتمام مباشر من وزارة الثقافة والإعلام ومن وزارة الرياضة
كم اتذكر من أسماء وهامات وقامات كانت تسطر حروف ومواضيع من ذهب
أين هؤلاء مع احترامي لكل الموجودين حالياً وهم الأكثر وفاء
ولكن نتمنى عودة كثير من الأسماء والمشرفين

تسلم يابو ساري على هذا العتب الجميل والموضوع الهام
كان الموسم قبل الماضي يتواجد الأخ العزيز

بن جبلة المطيري

وهذا الموسم والذي قلبه هناك المميز والعزيز

DAWADMI

وياليت احد المشرفين يتداخل معنا ويروي لنا الحكاية



طاب مسائكم بكل خير زعماء وزعيمات هذا المنتدى الغالي

من يوم تشوف شعار موبايلي تغسل يدك
السؤال من المسؤول عن المنتدى حتى نخاطبة


المنتدى كتعاطي ونقاش
لا يقارن بمنصات التوااصل الاجتماعي الاخرى
لانها منصات تعتمد على الفرد او مجموعات صغيرة
فأستغرب اهماله

عاشق ..
فعلاً بن جبلة افتقدناه من فترة عسى المانع خير يارب ..
و المنتدى يحتاج تفاعل و يحتاج أعضاء جدد ..
ويحتاج إدارة تتابع ورى المنتدى و تطوره و تجيب الأخبار أول بأول ..
والمشكلة مايبي له مجهود .. اللي بينزل الأخبار بتويتر و الا بواقع ثانية ماراح يضره لو سوى نسخ لصق للمنتدى بعد ..

mxo
مع العلم إن عندي حساب تويتر لكن استخدمه للمراسلات الرسمية مع بعض الجهات
لا عمري تابعت أحد ولا تابعني أحد ..
ولا يغنيني عن المناقشات الكروية إلا المنتديات ..
حتى عضويتي في منتدى آخر رمزتها للنادي و للعضوية اللي بالمنتدى هنا ..


نبي أي قناة تواصل مع القائمين على إدارة المنتدى ..
متأكد إنهم بتويتر لكن حساباتهم ما أعرفها ..
و لو كنت من رواد تويتر وعندي متابعين كان سويت هاشتاق للمنتدى لعلهم ينتبهون .. :d

مع الأسف العهد الذي بينا وبينهم اخبار الصحف فقط وياقلب لاتحزن