اتفق معك بشكل كبير بجودة كويلار لاعب يموت الهجمه قبل ماتبدأ لاعب كبير وشفنا مجهوده بكل المباريات

الهلال عنده لاعب الهلال مو مستفيد منه فيتو اتمنى تغيره بالشتويه بمدافع اجنبي جنب الاعب الكوري ويكون عربي وبقيمة حجازي لاعب الاتحاد يلعب بروح وقتاليه

كويلار مع سلمان إذا كان بيومه
والبدلاء كنو وعطيف
وتثبيت صانع لعب أمامهم

تذكرون طيب الذكر والاستثنائي
رازفان
مردغ النصر والأهلي والاتحاد والسد
والقاصي والداني

كل شخص له وجهة نظر و نحترمها ..

بالنسبة لي .. و كوجهة نظر من متابع و ممارس لكرة القدم سنين ..

كويلار كلاعب محور دفاعي ما عليه غبار ..

افتكاك قوي و التحامات و لياقة و لاعب نشبة ..

كلاعب يملك ميزات غير هذي؟ .. لا ..

إذا تبي محور دفاعي فكويلار هو المحور .. أفضل من بنتلي اللي أشوفه أسوأ من لعب للهلال في هالمركز ..

و أفضل من ميلسي اللي كان جيد بالدعم الهجومي .. عادي جداً بالدعم الدفاعي .. كان لاعب سنتر و ليس محور ..

مانقوت المقلب كان افضل من مليسي و بنتلي .. أما كمحور فتوليو البرازيلي ثاني أفضل من مثل الخانة بعد رادوي ..

رادوي يتفوق عليهم مجتمعين .. بصناعة اللعب .. و الحركة .. و التسديد .. و الرجولية بالالتحامات .. و الافتكاك ..

رادوي كان محور متكامل .. كويلار حالياً ممتاز ولا غنى عنه إلا بجلب لاعب محلي بنفس مواصفاته ..

من حق مشجع يطرح وجهة نظره باي لاعب ،،
لكن المقياس لاهمية للاعب هو غيابه عن اي مباراة و عندها ستكتشف أهميته ،،

ركز على خط الوسط و الدفاع بآسيا بدون كويلار و انت تعرف اهيمة اللاعب ...

كويلار مهمته قطع الكورة وتعطيل الهجمة ( الصناعة لها ناسها )

لا كويلار ولا يحزنون
لعبنا تصفيات آسيا والنهائيات بدون كويلار وكسرنا الأرقام
الدفاع يبدأ من الهجوم
الاستغناء عن جيوفنكو سبب المشاكل اللي يمر بها الفريق حالياً
قطع بناء الهجمات مهمة صعبة تحتاج لاعب وسط مهاجم وصانع بمواصفات جيوفنكو
لكن وش نقول
ويقولك رغبة اللاعب هي الخروج وهو جالس ف الرياض بدون نادي

الله يقلع من كان سبب خروجه وفضل فييتو عليه
ليته راح بداله
والله يرحم ايام المسند
دخلت حساب اللاعب شاب راسي.. أندية إيرانية وتركية ويابانية ومن كل دول العالم يبون خدمات اللاعب
واقربهم الاهلاويه قالبين الدنيا يبونه رغم أن اللاعب ما ظن يغامر ويروح للأهلي إلا إذا يبي المال فقط وحتى المال لاعبينهم بدون رواتب
الزبده تذكرون جيسوس كان يلعب ادواردو في المحور الهجومي وصانع في نفس الوقت لأهمية هذا المركز.. ولكن جيوفنكو تفوق عليه وكنا نشوف اي مباراة يغيب فيها جيوفنكو يعاني دفاع الهلال مثل اللي صاير الآن
هذا ليس تقليل في بيريرا ولكن مهام وادوار وحلول جيوفنكو تختلف عن بيريرا..
بيريرا مهاجم ثاني وصفقة مدوية جدا جدا
لكن جيوفنكو لاعب صعب تعويضه
والفترة الشتوية قربت ياليت إدارة الهلال تعدل الخطأ
وترجعه بدل راعي الغنم فييتو