سلمان الفرج الرائع والمميز والمبدع كل ذلك لن يكون الا في نادي بحجم الهلال ولك فيمن غادر عظة وعبرة المبلغ اللي يطلبه الفرج ممكن الادارة تجيب 2 محترفين افارقه يفوقونه في كل شيء .. واذا النصر يبيه وهو يرغب في الذهاب للفريق المنافس لاجل المال فقط فليذهب غير مأسوف عليه. وجهة نظر |
الهلال أكبر من أي لاعب ..قبله النعيمه والثنيان والتيماوي والتمياط أعتزلوا وحقق الهلال معهم وبعدهم البطولات .. اذا كان يتغلى ويفرض شروطه قولوا له الباب يوسع جمل ..بنصف مبلغ عقده يقدر النادي يجيب لاعبين أفارقه وبرازيليين شباب يحرثون الملعب .. خله يروح للفقر عشان يعتزل وهو يداوم في المحاكم يطالب بحقوقه |
ان جدد العقد والعهد مع الهلال الله يحيه وان راح لنصر يدور المال فهذا مو اول لاعب يروح ولا اخر لاعب يروح لجل المال... و الهلال ما راح يتوقف او يدمر او يقفل.. هو لاعب مبدع لكنه مثله مثل اي لاعب ممكن تعويضه... الشخص اللي ابد مش ممكن تعويضه هو ياسر الشهراني والبريك...بنظري المسالة بسيطه: ان كان المبلغ كبير والنصر بيعطيه ..الله معاه هذا اخر عقد ومن حقه يشوف مصلحته وما بقى من عمر اللاعب شي .. وان كان الفرق المالي مو كبير فإما ادراه الهلال ترفع المبلغ شوي او يتنازل هو لجل خاطر عيون الهلال ..ان كان للهلال وجماهيره الاوليه على ما يقول... |
انت من جدك الفرج يترك عاصمة البطولات ويروح لمجهول اسيا؟؟؟ الشي الثاني اقدر احلف لك إنه موقع وخالص مع الهلال بس اللاعب والإدارة قاعدين يطقطقون على النصر 😂 قالها ياسر القحطاني اجدد مع الهلال لو بريال بس جمهور النصر ومعهم الاهلي عبالهم انهم يسببون شوشرة مساكين ع العموم يجب أن يعرف أي حاقد على الهلال ما راح ينشغل الهلال بلاعب وراح نركز على الشتوية وملف التعاقدات المحلية والأجنبية وبالتوفيق للهلال يارب |
لا تصدقوا كل شي يقال... مافي اي شي بخصوص تقديم عرض لسلمان من خارج نادي الهلال خرج اداري نصراوي ونفى الامر هذا |
النصر كيف يقدم عرض وهو ما معه شهادة كفاءة مالية الى متى هالتلاعب عموما اتمنى ان لا يعطى اي لاعب فوق حقه لكن اذا كان ابن النادي فلا بأس بمراضاته بالمعقول وافق اهلا وسهلا ما وافق الله يوفقه النادي ما يقف على لاعب مهما كان |
غياب سلمان الفرج في كثير من المباريات لم يؤثر على الفريق، لاعب مزاجي، تنتظر لعدد كبير من المباريات من اجل ان يبدع في مباراة واحدة. هناك الكثير من اللاعبين يتفوقون عليه في ثبات المستوى والابداع. نثق في قرار الإدارة، وهي الاقرب والاعرف لكل شي. |
شكرا احبتي الكرام للمرور الجميل والتعليقات الاجمل والاروع |
سلمان الفرج لاعب لايختلف عليه أثنان ومن النجوم اللي خدموا ويخدمون الزعيم والأولى المحافظه عليه في الحد المعقول وأنا مع الإداره في توجها في عقود اللاعبين لأنها تدرك تماما أن اللاعب الذي يحاول لي ذراع الإداره بعقود خاؤجيه لن يجبرها على التنازل عن توجهها ولو فعلت ذلك ستواجه مستقبلا تمرد من لاعبين آخرين وستفقد شخصيتها والحمدلله الزعيم منذو نشأته وهو يخرج نجوم ويستقطب نجوم ولن تتوقف مسيرة الزعيم عند نجوم معينه ومن يساوم ليس ملزما بالبقاء أو الرحيل كل لاعب يعرف مستقبله الذي يريده والإداره تعرف ماذا تفعل لأنها في المقام الأول توجهها المحافظه على مقدرات النادي وليس هدر المال بدون دراسه وبدون تقنين وعلى سلمان الفرج أن يعي تماما أن خير أكتافه من هذا النادي وهو من أوصله لهذه النجوميه وعليه أن يقدر الفضل الذي هو فيه الآن وإن أراد الرحيل فهذا حق مشروع لكل لاعب والله بوفقه في المكان اللي يريده |
عمر السومة يحرج سلمان الفرج |
الوقت المعتمد في المنتدى بتوقيت جرينتش +3.
الوقت الان » 09:08 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd