|
راح تيكسيرا ! جا تيكسيرا ؟ مافي البلد إلا هالولد ! لنا سنه وحنا نجيب سالفة لاعب العصر والأوان تيكسيرا ...راح جا .. وقع ..ماوقع ؟؟ وكأن ملاعب اوروبا وآسيا وأفريقيا وأمريكا الجنوبيه عقمت ولاتنجب لاعبي وسط ومهاجمين !! أين اللجنه الفنيه ومستشاري الإداره ؟ الهلال بحاجه للاعب وسط وصانع لعب تقليدي من طراز طيب الذكر تياجو نيفيز والتايب وكوماتشو بدلا من المقلب فييتو وكبير السن ضئيل الجسم جيوفنكو .. أندية الوسط والأنديه الريفيه لديها عشرات اللاعبين الأفارقه والبرازيليين المبدعين بتراب الفلوس وبأسهل الطرق ...إذا كان مسيروا النادي عاجزين عن جلب البديل لتيكسيرا لماذا لايستعينون بخبرة هذه الإدارات ؟؟؟ فترة التسجيل مفتوحه وملاعب العالم تعج بلاعبي الوسط والمهاجمين القادرين على صنع الفارق قبل أن يضيع الدوري ومابعده !! |
مع أسلوب التكتل الذي تلعب به كل الاندية كبيرها وصغيرها ضد الهلال لابد من التعاقد مع لاعب وسط مدفعجي لا يرحم راجمة صواريخ ومتخصص ركلات حرة ... اشوف هذا أولى الأولويات |
إقتباس:
ما عندك احد يوم شفت كويلار قلب دفاع والمفرج بالدكه وانا غاسل يدي عموما الهلال يحتاج ظهير (يسار - يمين) مثل لي يونغ بيو ويحتاج حارس |
يعني ما تعرف ربعك يجلسون يفاوضون اللاعب سنتين لحد ما يدخل عشرين سمسار بالصفقة واخر شي فركش + في لعيبه عالميين افضل من تيكسيرا بمليون مره واقل سعر وفي بمستوى تيكسيرا في حواري البرازيل وافريقيا والدليل اللاعبين الي يجون لانديه الوسط والموخره انت تخيل ان سواريز سعره 6 مليون يورو فقط وكافاني كان متاح مجانا |
استغرب من ادارة النادي في استقطاب المحترفين ليت يكون عندها نظرة ثاقبة و فاحصة للاختيار بعض محترفي اندية دورينا بصراحة تفوق اجانب الهلال للأسف أجانبنا إما عواجيز او مقالب إذا ما يكون المحترف الاجنبي افضل من اللاعب السعودي وإلا لا داعي لاستقطابه أساسا |
بصراحة تطورت اندية الوسط في الدوري السعودي في تعاقداتها رخيص وممتاز لاحظوا الاسماء والخانات بينما الهلال يصعبها على نفسه يبحث عن اسماء رنانة ومبالغ عالية ووقت اطول للتفاوض الاستكشاف عندنا ضعيف scouting نحتاج متخصصين ويا ليت محليين وبرازيليين وترى الدوري البرازيلي مليان مواهب في كل خانة وبسعر اقل |
كلام جميل لاعب ابها هداف قادم من نادي الحزم ليس المهم يكون نجم عالمي المهم هداف ومغمور وصغير سن الملاعب الافريقيه مليئة بالمواهب تحتاج كشافين اندية الزمالك والاهلي المصري اغلب لاعبيهم من افريقيا |
شكرا لكل الزعماء المتداخلين .... واتمنى التوفيق للمفاوض الهلالي ...فترة التسجيل الشتويه متاحه الآن والهلال لاينقصه الفكر والماده .. |
أجانب الهلال للأسف اسوأ اجانب بالدوري بحكم السن والتشبع الهلال يحتاج تغيير معظم الاجانب أو على الأقل قوميز وجوفينكو ما عاد لهم اي فائده |
بطولة آسيا الجديدة بطولة ((((((((. مجمعة ))))))) اصحوا يا ادارة الهلال واعضاء الشرف بديل خربين يجب أن يكون لاعب سوبر وفوق السوبر اعارة فييتو بأي شكل من الأشكال لأن تأثيره على المنظومة ضعيف جداً نشبنا في عقده وما فيه حل الا الإعارة لكن التعويض يجب أن يكون في بديل خربين نحتاج مهاجم ثاني سواء كان تيكسيرا أو لاعب أفضل منه مهما كان سعره نبي لاعب يشيل الفريق في آسيا البطولة الأقوى والقصيرة والمجمعة بعدها بيع اللي تبي مسامحين لو نلعب بالمحليين كفاية ونص لكن بطولة اسيا نحتاج مهاجم ثاني مع قوميز |
مافي اسيا يا عاشق الزعيم الا بعد 20 سنه انت طموحك الفرج وجددوله ب10 مليون مبروك عليكم |
رغم ان اغلب مشاركاتك فيها ضديه للهلال ولكن اتفق معك في موضوع تيكسيرا حتى اني شكيت لا يكون ماخذ قدم مارادونا اليسار وقدم رونالدينهو اليمين في وضع الهلال حاليا اتمنى الكولمبي ميغيل بورخا أو اكرم عفيف واذا فيه عرض لفيتو تتم الموافقه عليه ونتعاقد مع الاثنين وهناك البرازيلي سيسنها ايضا مفيد في صناعة اللعب |
إقتباس:
والله ما يدخل مخباي ولا فلس واحد هههه لكن من زمان وانا ابي ارد عليك في موضوع سلمان والمدرب وقوميز وجيوفنكو والادارة والفريق كله بشكل عام لان الهلال مستهدف وبعض جماهيره تنساق بسهوله اولا الادارة واعية وتدرك اهمية التجديد مع سلمان حتى لو ما اقتنعت بالمبلغ او حتى العمر لكن وجود سلمان في المنظومة ضروري بعيدا عن العمر والدروب والمبالغ المالية لان هذا الجيل اللي حقق الانجازات الكبيرة وحقق الثلاثية وحقق اسيا هذا جيل لم ياتي من فراغ جيل العشر سنوات الجيل العظيم صنع لك فريق اسطوري .. لذلك سلمان رمانة هذا الفريق ومن اهم العناصر ينبغي ان ندرك اهمية وجود سلمان داخل هذا الفريق لان صنع هذا الفريق الذي حقق اكبر الانجازات يحتاج مننا الى كثير من الهدوووووء ..... والحفاظ عى هذه المنظومة من العناصر المؤثرة سلمان ياسر سالم البريك كنو البليهي المعيوف هذولا لم ياتوا بين يوم وليلة هو صنع تاريخ سنوات فيها من الانجازات والعقبات والاحباطات والصعاب والمنصات وامور كثيرة ينبغي ان ندرك اهمية التجديد مع سلمان وغيره من المؤثرين أكثر من المبالغ المالية او ردة فعل عاطفية ترى كل ما اثير قبل التجديد صناعة اعلام الرياضية وطقتها ولعبت لعبتها في التاثير على جمهور الهلال والا سلمان يدرك انه لا يستطيع ترك الهلال مهما كلف الامروالا سيلحق بالسابقين اللي انتهت علاقتهم ونجومينهم بكرة القدم بمجرد غادروا الهلال وكل لاعبين الهلال يدركون هذه الحقيقة يدركون ان وجودهم بالهلال شي لا يتعوض بمجرد ذكر اسمه انه لاعب هلالي والله تسطيع الادارة ان تخفض العقد الى النصف .. والله ارح يوافق سلمان على التجديد المطلوب مننا الان دعم الفريق في هذه الفترة .. دعم جميع اللاعبين اجانب وسعوديين ودعم المدرب والادارة والمطلوب ان ندرك ان نادينا مطمع لكل الاندية من ناحية الاستفزازات والتحكيم وخلق المشاكل واختلاقها مو كلما قلنا شي قلتوا مطبلين شفنا نشوة الطحالب قبل مباراة الهلال والتجديد لاسومه رغم استقالة كيال والدوامة والكوارث اللي كادت تعصف بالفريق لملموا اوراقهم بسرعة البرق لان المنافس هو الهلال لاحظ كيف ملف اسومة لهم ستة شهور لم يحل الا قبل مباراة الهلال تحديدا وهذا ليس غريب ان الاندية منجزها الوحيد هو الفوزاو التعادل مع الهلال لذلك كان على الادارة ان تغلق مسالة التجديد لسلمان حتى لا ينساق الجمهور مع الاعلام المضاد احنا ما خلصنا من موضوع تيكسيرا وفييتو وهبوط المستوى والاصابات والراحلون والقادمون واشكاليات قد تسبب ربكة في المنظومة الهلالية لذلك كان تصرف الادارة حكيم بالتجديد لتخفيف الاشكاليات اولا باول بدل من فتح عدة جبهات رسالتي لسلمان ان يدرك انه قائد لاعظم نادي في اسيا واعظم جيل من ناحية الانجازات ويجب ان يتعامل بنضج مع اللاعبين والجمهور والادارة بدلا من الامور اللتي لا تليق ورسالتي لجمهور الهلال مواصلة الدعم خاصة بعد عودة المصابين تدريجيا وشعور بعض اللاعبين بنزول مستواهم واصرارهم على العودة من جديد فقط يحتاجون نسيان الثلاثية يجب ان نثق بنجوم الفريق وبالمدرب ونقطع الطريق على كل من يحاول العبث بالمنظومة القوية لدينا فريق قوي جدا يحتاجون فقط العودة لمستواهم المعهود وتعود الانتصارات باذن الله وهذا يأتي بدعم الجمهور |
إقتباس:
ضديه ضد تخبيص المدرب واداء اللاعبين العواجيز ! ضديه ضد اداره تطرد وراء لاعب من سنه وكأن لايوجد غيره في الملاعب .. قد نختلف لكن يجمعنا حب الزعيم |
الشباب تعاقد مع مهاجم مانشستر يونايتد الفتح تعاقد مع مهاجم منتخب البيرو كويفا الهلال فرط في ادواردو وجاب مقلب طلع خربين ولا سمعنا عن البديل الآن سلمان انتهى موسمه مع الهلال وكويلار محور نقص على الفريق وفييتو ما ينفع حتى دكة قوميز نحتاج مهاجم ثاني معه حتى نهاية عقده كاريلو يسحب رجوله ما تدري وش علته جيوفنكو ربما لديه عروض وتخيل ماله بديل دكة اصلا بقي لاعب ونص في وسط الهلال كنو وعطيف تخيل سمعنا باعارة كردي للفيصلي ولا يوجد دكة للاظهرة المنهكه يا قوووم...!!.. يا مسيري النادي..؟؟؟ هل تعلم أن ثلاث خسائر توديك للمركز 11 في ترتيب الدوري ؟؟؟؟؟ |
| الوقت المعتمد في المنتدى بتوقيت جرينتش +3.
الوقت الان » 11:16 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd