قوميز لاعب كبير ومؤثر حتى على زملائة ويحسن التصرف بحكم خبرته ومع ذلك نتمنى السومه يكون بالهلال وهو كما ذكر الإخوان افضل هداف اجنبي بملاعبنا

الشنيفي يجججججججلد غوميز ومدربه الان

بغض النظر عن السومة و قوميز .. :d
تاريخ تسجيل الأعضاء المشاركين عبارة عن عمر ما شاء الله ..
نيسان بأحد ردوده قال إنه له 17 سنة بالمنتدى ..
معقولة الوقت يمشي بهالسرعة ..
كنه أمس و حنا نسجل بالمنتدى.. و هذا المعرّف الثاني بعد ..
الله يسعدكم و يعطيكم طولة العمر .. معاصرين الطيبين و الزمن الجميل بالمنتدى :d

نرجع لموضوع قوميز و السومة ..
مشكلة قوميز سبق و ذكرت إنه مشكلة جسدية لياقية ..
اللاعب بهالعمر يحتاج جهد أكبر من اللاعب اللي بالعشرين..
الكورونا لعبت بالفريق.. و لكن لأن اللاعبين أعمارهم صغيرة .. قدروا يرجعون لحساسية الكورة و اللياقة و المرونة ..
باستثناء اللاعبين اللي بالثلاثين .. يقدرون بس يحتاجون وقت أطول من زملاءهم اللي بالعشرين ..

لذلك ..
قوميز يحتاج تمرينات و تدريبات خاصة ..
يركز فيها على اللياقة و المرونة..
لأنه واضح مرونته مرونة تريلة حالياً.. يالله يلف و يالله يستلم كورة ..
أما على مستوى التمركز و نظافة المخ .. فهو مازال خطير بالتمركز و طلب الكورة ..

السومة لاعب كبير جداً و حسافة إنه ماجاء للهلال ..
لأن منظومة الهلال كانت مناسبة جداً له و لطريقة لعبه..
لاعب يجيد تسديد الفاولات .. و خطير بالكرات الهوائية .. و داخل الصندوق وحش..
لكن أشوف الحين مستواه نزل كثير و هو الآن في مرحلة الهبوط الفني ..
العمر له أحكامه .. و أعتقد إنه كل سنة بيكون يلعب على الواقف أكثر من اللي قبلها ..

المفترض جلب لاعب مهاجم صغير بالسن و متوحّش..
أقل شيء براسه 200 غرزة من أيام الطفولة التعيسة اللي عاشها..
لاعب جاي وبراسه ياكل ويشرب من الأهداف ..
نبي نستفيد من الجيل الحالي من المحليين .. يمدينا نحقق آسيا مرة ثانية و نلعب العالمية للمرة الثانية ..
لا يروح الجيل الحالي ثم ماندري عقب وش يصير ..