استغرب من اصرار المدرب سعد الشهري على ضم الثلاثي رغم علمه بانهم منهكين من كثر المشاركات مع النادي و المنتخب الاول

حتى المدرب الوطني صالح المطلق انتقد ضم الثلاثي

ولا تنسى البطولة العربية
المفروض يلعب فيها بلاعبي الدرجة الاولى
كأس الخليج وكأس العرب يجب ان تلغى
او نشارك بالصف الثاني
مالها فائدة

اللحين تخلص من البطولات وندخل في استعداد الفرق
يعني بعض اللاعبين ما اخذ اجازة
خصوصاً ياسر اللشهراني كدوه كد
على ادارة الهلال جلب ظهير ايسر محلي او اجنبي

صارت ثقافتنا صفراء
المدرب لديه فرصه انه يضم لاعبين من الكبار
وهذا هو افضل الموجود
وهي شهاده من واحد منهم

سعد الشهري معروف وضعه ولا يحتاج توضيح ثلاثة ارباع الفئات السنية انتقلوا لعشقه الأصيفر منذ توليه زمام التدريب . يريد اذا فاز المنتخب قالوا نباحين الاصيفر هذا سعديه واذا
انهزم قالوا هم وذباب قطر منتخب الهلال ولعيبته انهزموا تذكروها جيدا

كيف يكون مدربا للاخضر وهو يعمل لصالح اللوبي النصراوي الذي يكره الهلال اكثر من حبه للنصر، بدأت تظهر ملامح موسم 2018 عندما لعب الهلال بتخطيط من مسلي ال معمر 11 مباراة في شهر واحد ومن ثم خرج بعدها خالي الوفاض وبهزائم ثقيلة من التعاون بسبب الارهاق وهذا ما يخططون له الان بضم الثلاثي ياسر وسالم وسلمان.

معروف ليش ضمهم

لاعبين الهلال مكاين بالنسبه لهم لكن الشر مو عليهم ع الاعبين انفسهم اللي ماخذين وضعية التضحيه وبالذات ياسر الشهراني هالاعب من سنتين ماذاق طعم الراحه

بالعكس.. سالم و سلمان و ياسر اختيارهم بمحله..
ثلاثي متفاهمين و يعتبرون من أفضل اللاعبين حاليا..
غير ان سالم و ياسر ثنائي و جبهة يسرى الأفضل آسيويا..

ضغط المباريات كذبة روج لها إعلام الأصفر و بعض إعلاميي الهلال اللي مايدري وين الله حاطه..
كثر الكلام عن اجهادهم راح يعطي اللاعبين جرعة سلبية..
وش الاجهاد اللي بيجيهم؟
لاعبين بالعشرينات من العمر توهم صغيرين و لياقتهم زينة..
و دورينا و جدولنا ولا شي مقارنة بجدول دوري أوروبي مثلا..

و الله ناس بالأربعين و الخمسين يلعبون كل أسبوع مباراة بملعب ترابي و العصريات بعد صيف و شتاء.. لهم ثلاثين سنة أو أكثر يلعبون بنفس الملعب..
و ماشاء الله عليهم ماوراهم شي غير الرياضة.. بدون رواتب و بدون محفزات الا الهواية و الصحة..

إقتباس الرسالة الأصلية كتبت بواسطة ابوساري بالعكس.. سالم و سلمان و ياسر اختيارهم بمحله.. ثلاثي متفاهمين و يعتبرون من أفضل اللاعبين حاليا.. غير ان سالم و ياسر ثنائي و جبهة يسرى الأفضل آسيويا.. ضغط المباريات كذبة روج لها إعلام الأصفر و بعض إعلاميي الهلال اللي مايدري وين الله حاطه.. كثر الكلام عن اجهادهم راح يعطي اللاعبين جرعة سلبية.. وش الاجهاد اللي بيجيهم؟ لاعبين بالعشرينات من العمر توهم صغيرين و لياقتهم زينة.. و دورينا و جدولنا ولا شي مقارنة بجدول دوري أوروبي مثلا.. و الله ناس بالأربعين و الخمسين يلعبون كل أسبوع مباراة بملعب ترابي و العصريات بعد صيف و شتاء.. لهم ثلاثين سنة أو أكثر يلعبون بنفس الملعب.. و ماشاء الله عليهم ماوراهم شي غير الرياضة.. بدون رواتب و بدون محفزات الا الهواية و الصحة..

سالم وياسر صغيرين كلهم وصلو الثلاثين من العمر

الاعبين لاعبين موسمين ورا بعض ولا ارتاحو واذا استمر الوضع كذا راح يكملون ثلاث مواسم بدون راحه وتقول مافي اجهاد ؟؟ وعندهم تصفيات كاس العالم مع المنتخب الاول وغير مباريات الدوري كلها اجهاد على الاعبين خاصه هالثلاثي

لاشك بأن منافسين الهلال من الاندية الاخرى يحاولون عرقلة الهلال وابعاده عن منافستهم على البطولات والدور هذا يقوم به انصارهم في الاتحاد السعودي واللجان ولعلكم تذكرون استمرار الدوري اثناء مشاركة المنتخب بكاس اسيا وحرمانه من لاعبينه الدوليين وكذلك لعب الهلال 11 مباراة في شهر من اجل ارهاقه وتمهيد طريق البطولة للنصر .

سيكون ظهور الثلاثة الهلالين الشيء الوحيدالذي

الجمهور لة الراءي فية

الايام القليلة الباقية ان شاء اللة تكون كافية لهم في

التحضير لمشوارهم في البطولة الاوليمبية في طوكيو

الكابتن صالح يحتاج لمن يقولة كيف تعامل مع الثلاثة

في المنتخب لانهم اصحاب خبرة و عندهم اكثر من شيء

يقدمونه في الملعب و خارج ارض الملعب