مساء الخير

هناك هبوط حاد في مستوى اللاعبين المذكور اسمائهم بالعنوان وعلى الادارة الجلوس معهم ومناقشتهم خصوصاً قوميز كما ارى ان يكون هذا الموسم اخر موسم لهم .. الهلال يحتاج للاعبين لديهم الرغبة والجدية في تقديم الافضل وليس الاكتفاء بما قدمت في اوقات سابقة .. كذلك الامر في البحث عن لاعبين محليين متاحين بشرط ان يكون لاعب يستحق ارتداء شعار الهلال .. العمل لمستقبل الهلال واجب ويجب ان يبدأ من الآن فاللاعبين الحاليين اعمارهم اصبحت كبيره ونحتاج للاعبين صغار ليستفيدوا من خبرات اللاعبين الحاليين
ودمتم

قوميز و ادواردو هم هدافين الهلال الموسم هذا ..
يعني مباراتين هبط مستواهم خلاص نبيع و نقفل ؟ :]

قوميز 14 هدف ..
ادواردو 11 هدف ..

و خلنا حقانيين أخوي .. حاسب اللاعب إذا كان الفريق كله صاحي إلا هو..
لكن الفريق ككل طايح مستواه .. و المدرب متخبّط للآخر و عنده قناعات مادري وش تبي ..
و هذا عيب المدربين عندنا .. أول مايجي يبدع ثم يبدأ ياخذ على الجو و يمون عليك

إدواردو مازلت أقول عنده الكثير يقدمه .. لكنه داخل في دوامه ماراح يطلع منها إلا بتهيأه نفسية ..
اللاعب بيكمل سنتين الحين و هو يلعب ترقيع و حسب الغيابات بالفريق ..
إذا غاب سلمان أو عطيف لعب مكانهم .. إذا غاب كنو أو كويلار لعب مكانهم .. إذا غاب سالم أو كاريلو لعب مكانهم ..

تعدد المراكز و المهام للاعب تفقده حساسية اللعب .. يصير برا الفورمة 24 ساعة ..
عكس لاعب عارف مركزه و مهامه كل الموسم .. هذا بيقدم لك كل شيء ..

إدواردو مكانه خلف المهاجمين ..
لاعب يحب يخطف الكورة الثانية و يحب طريقة القادمون من الخلف ..
عقليته كلاعب تعجبني لأنه لاعب قدام المرمى مركز و قدام الفرق الكبيرة دايم يظهر ..
لكن الفترة ذي يحتاج جلسة مع شخص من النادي يشوف وضعه ..

ولو رجعنا للـ11 هدف هالموسم بالدوري له كان شفنا قوة ادواردو وين ..
طريقة تسجيله للأهداف تفك أزمة للفريق ..



قوميز نفس الشيء .. اللاعب في الثلاثينات .. ومازال المدرب كارفه كرف بكل مباراة لين خبطت مكينته ..
المفترض قوميز يكون للدوري و آسيا فقط .. وحتى في الدوري يريحه في المباريات المتوسطة و يلعبه شوط واحد بس ..
أو يدخل معه مهاجم ثاني .. مثل صالح الشهري .. لأن صالح لاعب متحرك و مزعج و يقدر يفتح مساحات بالدفاع يستفيد منه قوميز ..


بالنسبة لي .. أشوف قوميز وإدواردو مازال عندهم شيء يقدمونه ..

التشكيلة فقط تحتاج تغيير خربين ..
عندنا لاعب كوري آسيوي .. و خربين محسوب علينا آسيوي و أجنبي و هو 24 ساعة مصاب و أساساً مستواه مدحدر ..

المفروض يجيبون بدال خربين لاعب جناح أيسر من أمريكا اللاتينية .. أو مهاجم أجنبي مع قوميز مع إني أشوف يعطون فرصة للشهري ..

جميعهم هذا الموسم الأخير لهم ولن يجددوا خصوصا ادواردو وقوميز الا بمبالغ أعلى بحكم السن ولا اتوقع ان تدفع لهم الإدارة مبالغ كبيرة لذلك علينا دعمهم حاليا وفي فترة التسجيل سنرى